UAE கொரோனா அப்டேட் (பிப்ரவரி 24): பாதிக்கப்பட்டோர் 3,102 பேர்..!! 19 பேர் உயிரிழப்பு..!!

ஐக்கிய அரபு அமீரகத்தில் இன்று (புதன்கிழமை, பிப்ரவரி 24, 2021) புதிதாக 3,102 பேருக்கு கொரோனா இருப்பது உறுதி செய்யப்பட்டுள்ளதாக அமீரகத்தின் சுகாதார மற்றும் தடுப்பு அமைச்சகம் (MoHAP) சார்பாக அறிவிக்கப்பட்டுள்ளது. இதனால் அமீரகத்தில் கொரோனா பாதித்தவர்களின் மொத்த எண்ணிக்கையானது 378,637 ஆக உயர்ந்துள்ளது.

அமீரகத்தில் இன்று கொரோனாவிற்கு 19 பேர் உயிரிழந்துள்ளனர். இதனால் அமீரகத்தில் கொரோனாவால் உயிரிழந்தோரின் எண்ணிக்கை 1,164 ஆக அதிகரித்துள்ளது.

மேலும், இன்றைய நாளில் மட்டும் 3,814 பேர் குணமடைந்துள்ளதாகவும், இதுவரையில் 370,381 பேர் கொரோனாவால் பாதிக்கப்பட்டு முழுவதுமாக குணமடைந்துள்ளனர்.