அமீரக செய்திகள்

வாரம் 1 மில்லியன் திர்ஹம்ஸ் நிச்சய பரிசுடன் முதல் பரிசை 20 மில்லியன் திர்ஹம்ஸாக்கிய மஹ்சூஸ் டிரா..

ஐக்கிய அரபு அமீரகத்தைத் தளமாகக் கொண்ட மஹ்சூஸ் டிரா அதன் பரிசு அமைப்பில் மிகச் சிறந்த மாற்றத்தை அறிவித்துள்ளது. மேலும், இதுவரை 134 வாராந்திர நேரலை டிராக்களில் 32 மல்டி மில்லியனர்கள் மற்றும் உலகளவில் 228,000 க்கும் மேற்பட்ட வெற்றியாளர்களுக்கு 376 மில்லியனுக்கும் அதிகமான பரிசுகளை வழங்கியுள்ள நிலையில், மஹ்சூஸ் அதன் ரசிகர் பட்டாளத்தை விரிவுபடுத்த சிறந்த பரிசுகளை அறிவித்து வருவதாகக் கூறப்பட்டுள்ளது.

இதனைத் தொடர்ந்து West Palm Jumeirah இல் நடைபெற்ற ஒரு பிரத்யேக நிகழ்வில், எதிர்வரும் மார்ச் 11 முதல் ஒவ்வொரு வாரமும் ஒரு போட்டியாளரை மில்லியனராக முடிசூடப்போவதாக மஹ்சூஸ் அறிவித்துள்ளது. அத்துடன், அதன் முதல் பரிசின் மதிப்பு இரட்டிப்பாக மாற்றப்பட்டு 20,000,000 திர்ஹம்களாக அறிவிக்கப்பட்டுள்ளது.

வெற்றியாளர்களுக்கான பரிசுகள் மிகச் சிறப்பானதாக மாறியுள்ள நிலையில், டிராவில் பங்கேற்பதற்கான விதிகள் அனைத்தும் ஒரே மாதிரியானவை என்றும், இப்போது 9 மணிக்கு நேரலையில் நடைபெறும் சனிக்கிழமை டிரா மூலம் பரிசுகள் பிரத்தியேகமாக வழங்கப்படும் என்றும் தெரிவிக்கப்பட்டுள்ளது.

இது குறித்து எவிங்ஸின் CEO ஃபரித் சாம்ஜி அவர்கள் பேசுகையில், டிராவின் இரண்டு வருட வெற்றியைக் கொண்டாடுவதற்கு, சலுகைகளை புதுப்பித்தலும், பரிசுகளை தைரியமாக ஒருங்கிணைப்பதும் முக்கியம் என்றும் இது மிகப்பெரிய வெற்றிக்கு வழிவகுக்கிறது என்றும் குறிப்பிட்டுள்ளார்.

அதுபோல, ஐக்கிய அரபு அமீரகம் மற்றும் உலகம் முழுவதிலும் இருந்து டிராவில் பங்கேற்று வெற்றி பெறும் ஆயிரக்கணக்கான வெற்றியாளர்களுக்கு நாங்கள் வழங்கிய மில்லியன் கணக்கான பரிசுத் தொகைக்குப் பின்னால், ஆயிரக்கணக்கான கனவுகள் நனவாகியுள்ளன, நூற்றுக்கணக்கான வீடுகள் கட்டப்பட்டுள்ளன, மேலும் பல கடன்கள் தீர்க்கப்பட்டுள்ளன என்று விவரித்துள்ளார். அதேவேளை, இது மக்களின் வாழ்வில் ஒரு தீவிர மாற்றத்தை ஏற்படுத்தியதில் எங்களுக்கு மிகவும் பெருமையாக இருக்கிறது என்றும் அவர் தெரிவித்துள்ளார்.

Related Articles

Back to top button
error: Content is protected !!