அமீரக செய்திகள்
அமீரகத்தில் கடந்த ஒரு நாளில் 104 பேருக்கு கொரோனா தொற்று..!!
அமீரகத்தில் இன்று (திங்கள்கிழமை, அக்டோபர் 18, 2021) புதிதாக 104 பேருக்கு கொரோனா இருப்பது உறுதி செய்யப்பட்டுள்ளதாக அமீரகத்தின் சுகாதார மற்றும் தடுப்பு அமைச்சகம் (MoHAP) சார்பாக அறிவிக்கப்பட்டுள்ளது. இதனால் அமீரகத்தில் கொரோனா பாதித்தவர்களின் மொத்த எண்ணிக்கையானது 738,690 ஆக உயர்ந்துள்ளது.
மேலும் அமீரகத்தில் இன்று கொரோனாவிற்கு எவரும் பலியாகவில்லை. இதனால் அமீரகத்தில் கொரோனாவால் உயிரிழந்தோரின் எண்ணிக்கையில் மாற்றமில்லாமல் 2,120 ஆக இருக்கின்றது.
இன்றைய நாளில் மட்டும் 142 பேர் குணமடைந்துள்ளதாகவும், இதுவரையில் 732,438 பேர் கொரோனாவால் பாதிக்கப்பட்டு முழுவதுமாக குணமடைந்துள்ளதாகவும் தெரிவிக்கப்பட்டுள்ளது.