புத்தாண்டு கொண்டாட்டம்: 12 மணி நேரங்களில் 14,000க்கும் மேற்பட்ட ஃபோன்களுக்கு பதிலளித்த துபாய் போலீஸ்..!!! கால் சென்டர் ஊழியர்களை பாராட்டிய அதிகாரி….

துபாயில் கடந்த டிசம்பர் 31 மாலை 6 மணி முதல் ஜனவரி 1 ஆம் தேதி காலை 6 மணி வரை புத்தாண்டு கொண்டாட்டங்களின் போது துபாய் காவல்துறைக்கு மொத்தம் 14,148 அழைப்புகள் வந்ததாக அதிகாரிகள் தெரிவித்துள்ளனர்.

இது குறித்து துபாய் காவல்துறையின் பொது செயல்பாட்டுத் துறையின் கட்டளை மற்றும் கட்டுப்பாட்டு மையத்தின் இயக்குநர் கர்னல் முஹம்மது அப்துல்லா அல் முஹைரி அவர்கள் விவரிக்கையில், 13,078 அழைப்புகளை கட்டளை மற்றும் கட்டுப்பாட்டு மையத்திற்கும் (999), 1,070 அழைப்புகளை அவசரமில்லாத வழக்குகளுக்கான கால் சென்டருக்கும் விநியோகிக்கப்பட்டதாகத் தெரிவித்துள்ளார்.

மேலும், பொதுமக்களின் அனைத்து விசாரணைகளுக்கும் உடனடியாக பதிலளித்ததற்காக கட்டளை மற்றும் கட்டுப்பாட்டு மையம் (999) மற்றும் அழைப்பு மையத்தின் (901) ஊழியர்களுக்கு அல் முஹைரி தனது பாராட்டுகளை தெரிவித்தார்.

அதேசமயம், முக்கிய உலகளாவிய நிகழ்வுகளை நடத்துவதில் துபாயின் முன்னோடி நற்பெயருக்கு ஏற்ற வகையில் கொண்டாட்டங்களை வெற்றிகரமாக ஒழுங்கமைப்பதில் பங்களித்து, பல்வேறு ஊடக தளங்களில் வெளியிடப்பட்ட அறிவுறுத்தல்களைப் பின்பற்றி நியமிக்கப்பட்ட கொண்டாட்டப் பகுதிகளுக்கு முன்கூட்டியே செல்வதற்கான பொதுமக்களின் ஒத்துழைப்பையும் அவர் ஒப்புக் கொண்டுள்ளார்.

குறிப்பாக, 999 என்ற எண்ணுக்கு அவசர காலங்களில் மட்டுமே அழைப்புகளைச் செய்ய வேண்டும் என்பதையும், அவசரமற்ற சூழ்நிலைகள் மற்றும் துபாய் காவல்துறை வழங்கும் சேவைகள் பற்றிய விசாரணைகளுக்கு 901- க்கு அழைக்க வேண்டும் என்பதையும் பொதுமக்களுக்கு நினைவூட்டியுள்ளார்.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel