உலகம் முழுவதும் கொரோனா வைரஸ் பரவி வரும் நிலையில், துபாய் விமான நிலையத்திற்கு வரும் அனைத்து பயணிகளும் அங்கு முழுவதுமாக பரிசோதிக்கப்பட்ட பின்னரே, அமீரகத்திற்கு செல்ல அனுமதிக்கப்படுகிறார்கள்.
அதிகளவில் வைரஸ் தொற்று உள்ள நாடுகளில் இருந்து வரும் பயணிகள் ஒன்றுக்கு இரண்டு முறையாக பரிசோதிக்கப்படுகிறார்கள். மேலும் வைரஸ் பரவாமல் தடுக்கும் வழிமுறைகளில் ஒன்றாக விமானப்பயணிகளுக்கு தெர்மல் ஸ்க்ரீனிங் எனும் மருத்துவ முறை கையாளப்படுகிறது. நோய்தொற்று மேலும் பரவாமல் தடுப்பதே தற்பொழுது ஐக்கிய அரபு அமீரகத்தின் முக்கிய குறிக்கோளாக இருக்கிறது.
துபாய் மீடியா ஆஃபிஸ் தனது அதிகாரப்பூர்வ ட்விட்டர் கணக்கில் பகிர்ந்த வீடியோவில், துபாய் சுகாதார ஆணையத்தின் (DHA) ஊழியர்கள் 24 மணி நேரமும் ஓயாது, விமான நிலையத்தில் ஒரு கடுமையான ஸ்கிரீனிங் நெறிமுறையைப் பின்பற்றியும், தேவைப்படும்போது தளத்தில் சோதனைகளை மேற்கொள்ளவும் உள்ளனர்.
Dubai authorities implement strict screening measures and conduct medical check-ups for passengers arriving at Dubai Airports as precautionary measures to prevent the spread of coronavirus “COVID-19” into the UAE. pic.twitter.com/qJwWOyEcvG
— Dubai Media Office (@DXBMediaOffice) March 2, 2020
உறுதிப்படுத்தப்பட்ட நோய்த்தொற்று வழக்குகளைக் கையாள ஐக்கிய அரபு அமீரகத்தின் மருத்துவமனைகளும் முழுமையாக தயாராக உள்ளன.
மழலையர் பள்ளி 2 வாரங்களாக மூடப்பட்டிருந்தாலும் (மார்ச் 1, ஞாயிற்றுக்கிழமை முதல்) ஐக்கிய அரபு அமீரகம் நாட்டில் பள்ளிகள் மற்றும் கல்லூரிகளை மூடவில்லை.
சனிக்கிழமையன்று, கல்வி அமைச்சும் சுகாதார மற்றும் தடுப்பு அமைச்சும் நர்சரிகளை மூடுவதாகவும், மாணவர்களைப் பாதுகாப்பதற்கான முன்னெச்சரிக்கை நடவடிக்கையாக அனைத்து செயல்பாடுகளையும் நிறுத்தி வைப்பதாகவும் அறிவித்தது.
ஐக்கிய அரபு அமீரகத்தில் இதுவரை 21 நபர்கள் இந்த கொரோனா வைரஸால் பாதிக்கப்பட்டுள்ளனர். அதில் 5 பேர் குணமடைந்துவிட்டது குறிப்பிடத்தக்கது.
