அமீரகத்தில் வசிக்கும் வெளிநாட்டவர்கள் சவூதியின் இ-விசாவுக்கு எப்படி விண்ணப்பிக்கலாம்? – படிப்படியான விவரங்கள் இங்கே…!!
சவூதி அரேபியாவின் சுற்றுலா அமைச்சகம் வளைகுடா ஒத்துழைப்பு கவுன்சில் (Gulf Cooperation Council – GCC) நாடுகளில் உள்ள அனைத்து வெளிநாட்டவர்களும், தங்கள் தொழிலைப் பொருட்படுத்தாமல், சவூதி மின்னணு சுற்றுலா விசா அல்லது இ-விசாவுக்கு விண்ணப்பிக்கலாம் என்று கடந்த மார்ச் 9 அன்று அறிவித்துள்ளது. கூடுதலாக, GCC குடியிருப்பாளரின் முதல்-நிலை உறவினர்கள் மற்றும் அவர்களது ஆதரவாளர்களுடன் வருகை தரும் வீட்டுப் பணியாளர்களும் eVisa ஐப் பெறலாம் என்று தெரிவித்துள்ளது.
இருப்பினும், சவூதி அரேபியாவின் வெளியுறவு அமைச்சகத்தின் (MOFA) இணையதளத்தின்படி, இந்த விசாவைப் பெற விரும்பும் வெளிநாட்டினர் GCC நாட்டிலிருந்து செல்லுபடியாகும் ரெசிடன்சி விசாவைப் பெற்றிருக்க வேண்டும் என கூறப்பட்டுள்ளது. நீங்கள் அமீரகத்தில் வசிப்பவராக இருந்து சவூதிக்கு செல்ல விரும்பினால், இந்த இ-விசா மூலம் நீங்கள் சவூதிக்கு சென்று உங்களின் குடும்பத்தினர் மற்றும் நண்பர்களைச் சந்திக்கலாம், நாட்டை சுற்றிப்பார்க்கலாம் மற்றும் ஹஜ் சீசன் தவிர மற்ற காலங்களில் இந்த விசா மூலம் உம்ரா செய்யலாம். இந்த விசாவைப் பெற விரும்புவோர் எவ்வாறு விண்ணப்பிப்பது, கட்டணம் எவ்வளவு, நிபந்தனைகள் என்ன என்பது குறித்த முழு விபரங்களை இந்த பதிவில் காணலாம்.
இ-விசாவுக்கு தகுதியானவர்கள்
சவூதியின் இ-விசாவிற்கு தகுதியானவர்களா என்பதை உறுதிப்படுத்திக் கொள்ள வேண்டிய நிபந்தனைகள் பின்வருமாறு கொடுக்கப்பட்டுள்ளன.
- ரெசிடென்சி ஆவணம் குறைந்தபட்சம் மூன்று மாதங்களுக்கு செல்லுபடியாக வேண்டும்.
- பாஸ்போர்ட் குறைந்தபட்சம் ஆறு மாதங்களுக்கு செல்லுபடியாக வேண்டும்.
- பெற்றோர் இல்லாமல் பயணம் செய்ய குறைந்தபட்ச வயது 18 ஆக இருக்க வேண்டும்.
என்னென்ன ஆவணங்களை சமர்ப்பிக்க வேண்டும்?
- வெள்ளை பின்னணியுடன் கூடிய பாஸ்போர்ட் புகைப்படம்.
- பாஸ்போர்ட் நகல்.
- UAE ரெசிடென்ஸ் விசா பக்க நகல்
- கடந்த ஐந்து ஆண்டுகளில் நீங்கள் பயணம் செய்த அனைத்து நாடுகளின் விபரங்கள்.
இ- விசாவிற்கு ஆன்லைனில் விண்ணப்பிக்கும் முறை
GCC குடியிருப்பாளர்கள் வெளியுறவுத் துறை அமைச்சகத்தின் (MOFA) ஆன்லைன் விசா தளமான https://visa.mofa.gov.sa/ என்ற லிங்க் மூலம் டூரிஸ்ட் விசாவிற்கு விண்ணப்பிக்கலாம். விசாவிற்கு எவ்வாறு விண்ணப்பிப்பது என்ற படிப்படியான விவரங்கள் பின்வருமாறு கொடுக்கப்பட்டுள்ளன.
படி 1: ஆன்லைன் கணக்கை உருவாக்குதல்
- முதலில் https://visa.mofa.gov.sa/Account/Loginindividuals என்ற லிங்கை கிளிக் செய்து பார்வையிட வேண்டும். அதன்பிறகு, ‘Login Of Individual Visitors To Saudi Arabia’ பிரிவின் கீழ் ‘Register’ என்பதைக் கிளிக் செய்யவும்.
- பின்னர், உங்கள் மின்னஞ்சல் முகவரியைத் உள்ளிட்டு கடவுச்சொல்லை உருவாக்கி அதை உறுதிப்படுத்தவும். அதன் பிறகு, ‘கேப்ட்சா குறியீட்டைதட்டச்சு செய்து, ‘Register’ என்ற பொத்தானைக் கிளிக் செய்யவும்.
- அடுத்தபடியாக, மின்னஞ்சலில் இன்பாக்ஸுக்குச் சென்று, உங்கள் கணக்கைச் செயல்படுத்த லிங்கை கிளிக் செய்ய வேண்டும்.
- உங்கள் புதிய கணக்குடன் மீண்டும் உள்நுழைந்து கேப்ட்சா குறியீட்டை உள்ளிடவும். பின் ‘Login’ பொத்தானைக் கிளிக் செய்யவும்.
படி 2: புதிய விசா விண்ணப்பத்தை உருவாக்குதல்
- ‘Login’ செய்தவுடன் ‘Add a new application’ என்ற Tab-ஐ கிளிக் செய்து விதிமுறைகள் மற்றும் நிபந்தனைகளுக்குச் சென்று ‘agree’ என்பதை கிளிக் செய்ய வேண்டும்.
படி 3: விசா விண்ணப்பத்தை நிரப்புதல்
கீழே கொடுக்கப்பட்டுள்ள விவரங்களுடன் விசா விண்ணப்பத்தை நிரப்ப வேண்டும்.
- விசா வகையைத் தேர்ந்தெடுக்கவும்: சுற்றுலா
- போக்குவரத்து முறை: காற்று, நிலம், கடல்
- சவுதி மிஷன்: துபாய் என்பதைத் தேர்ந்தெடுக்கவும்.
தனிப்பட்ட தகவலை உள்ளிடவும்:
- உங்கள் முதல் மற்றும் கடைசி பெயரை உள்ளிடவும்.
- உங்கள் தேசியத்தைத் தேர்ந்தெடுக்கவும்
அதன்பிறகு, ‘வளைகுடா நாடுகளுக்கான ஒத்துழைப்பு கவுன்சிலின் நாடுகளில், அவர்களின் ஆதரவாளர்களுடன் வரும் வீட்டுப் பணியாளர்கள் உட்பட, மூன்று மாதங்களுக்குக் குறையாத காலத்திற்கு செல்லுபடியாகும் வசிப்பிடம்’ என்ற விருப்பத்தைத் தேர்ந்தெடுக்கவும்.
UAE ரெசிடன்ஸ் விசா விவரங்களை உள்ளிடுதல்:
- உங்கள் UID (ஒருங்கிணைந்த எண்) எண்ணான உங்கள் குடியிருப்பு விசா எண்ணை உள்ளிடவும்
- உங்களின் UAE ரெசிடென்சி விசாவின் காலாவதி தேதியை உள்ளிடவும்.
- ரெசிடென்ஸி விசா வழங்கும் நாட்டைத் தேர்ந்தெடுக்கவும்: UAE
படி 4: ஆவணங்களைப் பதிவேற்றுதல்:
- பாஸ்போர்ட் அளவு புகைப்படம்
- பாஸ்போர்ட் நகல்
- UAE குடியிருப்பு விசா நகல்
படி 5: உங்கள் பாஸ்போர்ட் விவரங்களை உள்ளிடுதல்:
- பாஸ்போர்ட் எண்
- நாடு
- காலாவதியாகும் தேதி
- பிறந்த தேதி
- பாஸ்போர்ட் வகை: இயல்பானது (Normal)
- வெளியிடப்பட்ட தேதி
- பிறந்த இடம்
மற்ற விவரங்கள்:
- உங்கள் திருமண நிலையைத் தேர்ந்தெடுக்கவும்
- பாலினம்
- சவுதி அரேபியாவில் முகவரி
படி 6: பயணத் தேதி மற்றும் சுற்றுலா விசா வகை:
1. நுழைவு இடத்தைத் தேர்ந்தெடுக்கவும்:
- ஜித்தா
- அல் மதீனா
- ரியாத்
- தம்மாம்
- தஹ்ரான்
பின்னர் நீங்கள் எதிர்பார்க்கும் நுழைவு தேதியை உள்ளிட்டு உங்கள் சுற்றுலா விசா வகையைத் தேர்ந்தெடுக்கவும்:
- சிங்கிள் என்ட்ரி (Single Entry)
- மல்டி என்ட்ரி (Multiple Entry)
அதன் பிறகு, உம்ரா செய்ய விரும்புகிறீர்களா என்பதைத் தேர்ந்தெடுத்து, கேப்ட்சா குறியீட்டை உள்ளிட்டு, ‘Save’ பொத்தானைக் கிளிக் செய்யவும்.
