இந்தியாவின் பட்ஜெட் விமான நிறுவனமான ஏர் இந்தியா எக்ஸ்பிரஸ் செவ்வாயன்று, செக்-இன் பேக்கேஜ் இல்லாமல் பயணிக்க விரும்பும் பயணிகளுக்கு எக்ஸ்பிரஸ் லைட் (Xpress Lite) கட்டணத்தை அறிவித்தது. ஆகவே இப்போது இந்தியா மற்றும் வெளிநாடுகளுக்கு இடையே பயணம் செய்யும் பயணிகள் குறைந்த விமானக் கட்டணத்தில் பயணிக்கலாம் என்பது குறிப்பிடத்தக்கது.
ஏர் இந்தியாவின் துணை நிறுவனமும், டாடா குழுமத்தின் ஒரு பகுதியுமான ஏர் இந்தியா எக்ஸ்பிரஸ், புதிய எக்ஸ்பிரஸ் செக்-இன், கவுண்டர்கள் மற்றும் பேக்கேஜ் பெல்ட்களில் கூட்டத்தை தவிர்க்க விமானப் பயணிகளுக்கு உதவுவதாகவும், +15 கிலோ மற்றும் +20 கிலோ செக்-இன் பேக்கேஜ் அலவன்ஸ்களுக்கு கணிசமான தள்ளுபடி செய்யப்பட்ட முன்பதிவு விலைகளுடன் கூடுதலாக +3 கிலோ கேபின் பேக்கேஜ் அலவன்ஸுடன் வருவதாகவும் தெரிவித்துள்ளது. Xpress Lite கட்டணத்தில் முன்பதிவு செய்யும் விருந்தினர்களுக்கு இது அதிகபட்ச நெகிழ்வுத்தன்மையையும் வசதியையும் உறுதி செய்வதாகக் கூறப்படுகிறது.
குறிப்பாக, இந்த புதிய பேக்கேஜ் இந்தியா-அமீரகம் மற்றும் மற்ற வளைகுடா நாடுகளுக்கான வழித்தடங்களுக்கும் பொருந்தும் என்றும் அறிவிக்கப்பட்டுள்ளது. ஏர் இந்தியா எக்ஸ்பிரஸ் விமான நிறுவனம் இந்தியா மற்றும் அமீரகம் இடையே ஒரு வாரத்திற்கு 195 விமானங்களை இயக்குகிறது, இதில் துபாய்க்கு 80, ஷார்ஜாவுக்கு 77, அபுதாபிக்கு 31, ராஸ் அல் கைமாவுக்கு 5 மற்றும் அல் அய்னுக்கு 2 விமானங்களும் அடங்கும். வளைகுடா பகுதி முழுவதும், வாரத்திற்கு 308 விமானங்களை இயக்குகிறது.
இது குறித்து ஊடகங்களிடம் பேசிய ஏர் இந்தியா எக்ஸ்பிரஸின் நிர்வாக இயக்குனர் அலோக் சிங், அமீரகம் உட்பட வளைகுடா பிராந்தியத்திற்கான திறனை அதிகரிக்க உதவும் என்று தெரிவித்துள்ளார்.
எக்ஸ்பிரஸ் லைட் கட்டணத்தில் பயணிக்கும் பயணிகள், முன்பதிவு செய்யும் போது கூடுதல் 3 கிலோ கேபின் பேக்கேஜை முன்பதிவு செய்யலாம் அல்லது விமான நிறுவனத்தின் இணையதளம் அல்லது மொபைல் செயலியின் ‘மேனேஜ்’ அல்லது ‘செக்-இன்’ பிரிவுகளில் முன்பதிவு செய்யலாம் என்றும் ஏர் இந்தியா எக்ஸ்பிரஸ் தெரிவித்துள்ளது.
பின்னர் பயணிகளுக்கு பின்னர் செக்-இன் பேக்கேஜ் சேவைகள் தேவைப்பட்டால், அவர்கள் 15கிலோ மற்றும் 20கிலோ கூடுதல் பேக்கேஜ் அடுக்குகளுக்கு கணிசமான தள்ளுபடி விலையில் கூடுதல் ‘செக்-இன் பேக்கேஜ்’ அலவன்ஸ்களை முன்பதிவு செய்ய வசதியாக தேர்வு செய்யலாம். அத்துடன் விமான நிலையத்தில் உள்ள விமான நிறுவன கவுண்டர்களில் விருந்தினர்கள் செக்-இன் பேக்கேஜ் சேவைகளையும் வாங்கலாம்.
இது தொடர்பாக ஏர் இந்தியா எக்ஸ்பிரஸின் தலைமை வணிக அதிகாரி அங்கூர் கர்க் பேசுகையில், “எங்கள் உள்நாட்டு மற்றும் சர்வதேச நெட்வொர்க்கில் உள்ள எக்ஸ்பிரஸ் லைட் கட்டணங்கள் விதிவிலக்கான மதிப்பை வழங்கும் அதே வேளையில் விமானப் பயணத்தின் வசதியை மறுவரையறை செய்யும் திறனைக் கொண்டுள்ளது” என்று குறிப்பிட்டுள்ளார்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
