அல் ஹம்ரியா முனிசிபாலிட்டி அல் ஹம்ரியா கடற்கரைக்கு செல்லும் முதியவர்கள் மற்றும் மாற்றுத் திறநாளிகளுக்கு இலவச “மிதக்கும் நாற்காலி” சேவையை தொடங்கியுள்ளது, எனவே, இது இந்த சமூக சேவையை வழங்கும் ஷார்ஜாவின் முதல் இடமாக மாறியுள்ளது. சக்கரங்களுடன் கூடிய மிதக்கும் சக்கர நாற்காலியை வழங்குவதன் மூலம், கடற்கரைக்கு வரும் மூத்த குடிமக்கள் மற்றும் சிறப்பு உதவித் தேவைப்படுபவர்கள் பாதுகாப்பாக கடலில் மிதக்க இது உதவுகிறது.
மேலும், அவர்கள் கடற்கரை மணல் வழியாக அல் ஹம்ரியா கடற்கரையின் நீருக்குள் தடையின்றி நுழைவதை உறுதி செய்யும் வகையில் கடற்கரை சரிவுகள் மென்மையாக்கப்பட்டுள்ளன. அவர்கள் அல் ஹம்ரியா கடற்கரையில் இருக்கும்போது, எந்த ஆபத்தையும் தடுப்பது மற்றும் அவர்களின் பாதுகாப்பை உறுதி செய்தல் என அவர்களின் தேவைகளுக்கு ஏற்ப அனைத்து நடைமுறைகளையும் பாதுகாத்தல் போன்ற சேவைகளும் வழங்கப்படுகிறது.
அல் ஹம்ரியா முனிசிபாலிட்டியின் இந்த சேவைக்கு அல் ஹம்ரியாவில் உள்ள கடற்கரை பூங்காவில் இலக்கு வைக்கப்பட்ட குழுக்களிடமிருந்து குறிப்பிடத்தக்க வரவேற்பு கிடைத்துள்ளது. அல் ஹம்ரியா முனிசிபாலிட்டி, காலை 7 மணி முதல் சூரியன் மறையும் மாலை 7 மணி வரை இந்த சேவையை வழங்குகிறது. தேவையுள்ளவர்கள் 0569920099 என்ற எண் மூலம் முன்பதிவு செய்யலாம் எனவும் கூறப்பட்டுள்ளது.
இது குறித்து அல் ஹம்ரியா முனிசிபாலிட்டியின் இயக்குனர் முபாரக் ரஷீத் அல் ஷம்சி பேசுகையில், இந்த முயற்சியானது சமுதாயத்தில் ஒற்றுமை மற்றும் உள்ளடக்கத்தை மேம்படுத்துவதில் அல் ஹம்ரியா முனிசிபாலிட்டியின் அர்ப்பணிப்பை பிரதிபலிப்பதாக தெரிவித்துள்ளார்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
