காரில் இருந்து அவசரமாக வெளியே வரும்போது பார்க்கிங் கட்டணத்தை செலுத்த மறந்துவிடுவது மற்றும் பார்க்கிங் மீட்டர் இலக்கிலிருந்து வெகு தொலைவில் இருப்பது போன்றவை ஓட்டுநர்களுக்கு தொந்தரவாக இருக்கலாம். துபாயில் உள்ள சாலைகள் மற்றும் போக்குவரத்து ஆணையம் (RTA) வாகன ஓட்டிகளுக்கு தங்கள் பார்க்கிங் கட்டணத்தை எளிதாக செலுத்த பல வழிகளை வழங்குகிறது.
அந்த வகையில் ‘mParking’ சேவை மூலம் பார்க்கிங் கட்டணத்தை செலுத்துவதும் அவற்றில் ஒன்றாகும். அமீரக தொலைத்தொடர்பு சேவை வழங்குநர்களின் வாடிக்கையாளர்களுக்கு SMS மூலம் இந்த சேவை வழங்கப்படுகிறது.
mParking சேவையைப் பயன்படுத்துவது எப்படி?
டிக்கெட்டுக்கு விண்ணப்பிக்கவும்
ஐக்கிய அரபு அமீரகத்தில் உள்ள தொலைத்தொடர்பு சேவையில் பதிவுசெய்யப்பட்ட மற்றும் பதிவு செய்யாத பயனர்கள் என இரண்டு வகையான பயனர்களும் இந்த சேவைக்கு விண்ணப்பிக்கலாம். இதற்கான SMS அனுப்பிய பிறகு, வாகன ஓட்டிகள் செல்லுபடியாகும் காலம் உட்பட அனைத்து பார்க்கிங் விவரங்களுடன் உறுதிப்படுத்தல் செய்தியைப் பெறுவார்கள்.
முதலில் 7275 (PARK) என்ற எண்ணுக்கு நீங்கள் SMS அனுப்ப வேண்டும். செய்தி பின்வரும் வடிவத்தில் அனுப்பப்பட வேண்டும்:
பதிவு செய்த பயனர்கள்:
< ப்ளேட் நம்பர்>
எடுத்துக்காட்டு: B12345 33C 1
பதிவு செய்யாத பயனர்கள்:
<நிக் நேம்>
எடுத்துக்காட்டு: Nicky 33C 1
குறிப்பாக, அரை மணி நேரத்திற்கான டிக்கெட்டுகள், மண்டலம் A (Zone A) இல் மட்டுமே செல்லுபடியாகும். இவற்றை நீங்கள் பின்வரும் வடிவங்களில் அனுப்பலாம்: 1/2, .5, .50, 0.5, 0.50, 30, 30min, 30mins, 30minute and 30minutes
துபாய்க்கு வெளியே பதிவு செய்யப்பட்ட கார்கள்
எடுத்துக்காட்டு: AUH16 12345 335C 2
பார்க்கிங் கட்டணம் செலுத்தும் மோட்டார் சைக்கிள் ஓட்டுபவர்களுக்கு, SMS அனுப்பும் முறை சிறிது மாறுபடும். அவர்கள் தாங்கள் அனுப்பும் மெசேஜின் தொடக்கத்தில் B என்ற எழுத்தைச் சேர்க்க வேண்டும்.
எடுத்துக்காட்டு: B SHJ15 12345 335C 1
டிக்கெட்டை புதுப்பித்தல்
டிக்கெட் காலாவதி நேரம் நெருங்கும்போது, வாகன ஓட்டிகளுக்கு புதுப்பித்தல் செய்தி வரும், இது அவர்களுக்கு மீதமுள்ள நேரத்தை அவர்களுக்கு நினைவூட்டுகிறது. இந்த SMS வழக்கமாக காலாவதியாகும் நேரத்திற்கு 10 நிமிடங்களுக்கு முன் தோன்றும்.
டிக்கெட்டை புதுப்பிக்க, வாகன ஓட்டிகள் ‘Y’ என்ற ஆங்கில எழுத்தை அதே எண்ணுக்கு (7275) செய்தியாக அனுப்ப வேண்டும்.
தெரிந்து கொள்ள வேண்டிய முக்கியமான விஷயங்கள்
- வாகன ஓட்டிகள் தங்கள் மொபைலில் சேவைக் கட்டணத்துடன் பார்க்கிங் கட்டணத்தை செலுத்த போதுமான பேலன்ஸ் இருப்பதை உறுதி செய்ய வேண்டும்.
- பார்க்கிங் கட்டணத்துடன் கூடுதலாக 30 ஃபில்ஸ் கட்டணம் அந்தந்த தொலைத்தொடர்பு ஆபரேட்டரால் வசூலிக்கப்படுகிறது.
- இது விர்ச்சுவல் அனுமதி செலுத்தப்பட்ட மண்டலத்தில் மட்டுமே செல்லுபடியாகும்.
- தவறான வடிவத்தில் செய்தி அனுப்பப்பட்டால், சேவைக் கட்டணங்கள் விதிக்கப்படலாம், இதற்கு RTA பொறுப்பாகாது.
- பார்க்கிங் நேரத்தை நீட்டிக்கும்போது, RTA அமைப்பு தானாகவே கூடுதல் கட்டணத்தைக் கணக்கிட்டு, தொகையைக் கழிக்கும்.
- எந்தவொரு மொபைல் ஆபரேட்டர் சிஸ்டம் தோல்வியுற்றாலோ அல்லது அவசரகால செயலிழப்பு ஏற்பட்டாலோ, சேவைக் கட்டணக் குறைப்புக்கு RTA பொறுப்பேற்காது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
