ஐக்கிய அரபு அமீரகத்தில் உள்ள சுகாதாரம் மற்றும் தடுப்பு அமைச்சகம் (Mohap) மழலையர் பள்ளி முதல் 12 ஆம் வகுப்பு வரையிலான மாணவர்களுக்கான ஒருங்கிணைந்த மருத்துவ பரிசோதனைகளை நடத்தும் புதிய முயற்சியை அறிமுகப்படுத்தியுள்ளது.
நாடு முழுவதும் உள்ள மாணவர்களின் சுகாதாரப் பாதுகாப்பு முயற்சிகளை ஒருங்கிணைக்கவும், ஐக்கிய அரபு அமீரக இளைஞர்களிடையே சாத்தியமான உடல்நலப் பிரச்சினைகளைக் கண்டறியவும் தேசிய பள்ளி சுகாதாரத் திரையிடல் வழிகாட்டுதல் (National School Health Screening Guideline) வெள்ளிக்கிழமை அமைச்சகத்தால் வெளியிடப்பட்டதாக அதிகாரிகள் தெரிவித்துள்ளனர்.
புதிய நாடு தழுவிய சுகாதார வழிகாட்டுதலின் கீழ் மாணவர்களுக்கான வருடாந்திர பள்ளி சுகாதார பரிசோதனைகள் தரப்படுத்தப்பட்டுள்ளன. பார்வைத் தேர்வுகள், பல் சுகாதார சோதனைகள் மற்றும் ஸ்கோலியோசிஸ் கண்டறிதல் ஆகியவை விரிவான மற்றும் தரப்படுத்தப்பட்ட நடைமுறைகளில் அடங்கும்.
மழலையர் பள்ளி முதல் வகுப்பு 12 வரையிலான பள்ளிக்குழந்தைகள் மருத்துவ அல்லது வளர்ச்சி நிலைமைகளுக்கு பரிசோதிக்கப்படுவார்கள். இதனால், தேவைப்பட்டால், முன்கூட்டியே ஆதரவை அவர்களுக்கு வழங்க முடியும் என்று சுகாதாரம் மற்றும் தடுப்பு அமைச்சகத்தின் (Mohap) அறிக்கையில் குறிப்பிடப்பட்டுள்ளது.
இந்த வழிகாட்டியின் மூலம், மாணவர்களின் சுகாதார நிலைகளை முன்கூட்டியே கண்டறிவதற்கான விரிவான வழிமுறைகளை அமைச்சகம் கோடிட்டுக் காட்டியுள்ளது. இவற்றில் பின்வருவன அடங்கும்:
- ஆண்டுதோறும் பள்ளி சுகாதார பரிசோதனைகளை நடத்துதல்
- ஒவ்வொரு மாணவரின் மருத்துவ வரலாற்றையும் புதுப்பித்தல்
- உயரம், எடை மற்றும் உடல் நிறை குறியீட்டெண் (body mass index) போன்ற வளர்ச்சி குறிகாட்டிகளை மதிப்பிடுதல்
- பார்வை திரையிடல் (vision screening)
- தேசிய நோய்த்தடுப்பு திட்டத்தின் படி செய்யப்பட்ட புதுப்பித்தலுடன், தடுப்பூசி நிலை பற்றிய மதிப்பாய்வு
அமைச்சகத்தின் வழிகாட்டுதல், இந்த செயல்முறையை ஒருங்கிணைக்க, தெளிவான காலக்கெடுவைப் பின்பற்றி, தடுப்பு சுகாதாரத்தை தரப்படுத்த மருத்துவ நிபுணர்களுக்கான கட்டமைப்பைக் குறிப்பிடுகிறது.
மாணவர் பரிசோதனைகளை ஒழுங்குபடுத்துவதைத் தவிர, அரசு மற்றும் தனியார் பள்ளி மாணவர்களுக்கான சுகாதார பரிசோதனை முடிவுகளின் நம்பகமான தேசிய தரவுத்தளத்தை உருவாக்கவும் இந்த முயற்சி முயல்வதாகக் கூறப்படுகிறது.
இவை தவிர, சிறப்புப் பரிசோதனைகளும் வழிகாட்டியில் பட்டியலிடப்பட்டுள்ளன, எனவே தேவையான மருத்துவ ஆலோசனைகளை அவர்களுக்கு வழங்க முடியும். இவற்றில் பின்வருவனஅடங்கும்:
- விரிவான உடல் மதிப்பீடுகள்
- ஸ்கோலியோசிஸ் (Scoliosis) கண்டறிதல்
- கேட்கும் திறன் திரையிடல்
- பல் சுகாதார சோதனைகள்
- உளவியல் மற்றும் நடத்தை சுகாதார மதிப்பீடுகள்
- 10 வயதுக்கு மேற்பட்ட மாணவர்களிடையே புகைபிடிக்கும் பழக்கத்தை கண்காணித்தல்
கூடுதலாக, பல்வேறு வயது நிலைகளில் உள்ள மாணவர்களின் பல்வேறு தேவைகளுக்கு ஏற்ப விழிப்புணர்வு தொடர்களையும் இந்த வழிகாட்டி கொண்டுள்ளது என்று அதிகாரிகள் தெரிவித்துள்ளனர்.
இது குறித்து டாக்டர் ஹுசைன் அப்துல் ரஹ்மான் என்பவர் பேசிய போது, “எங்கள் சமீபத்திய முன்முயற்சி நிலையான வளர்ச்சி இலக்குகளை அடைவதற்கு பங்களிக்ப்பதுடன் UAE நூற்றாண்டு திட்டம் 2071 உடன் இணைகிறது, இது எதிர்கால சந்ததியினரை உகந்த ஆரோக்கியம் மற்றும் தயார்நிலையுடன் தயார் செய்து நிலையான எதிர்காலத்தை உருவாக்குவதை நோக்கமாகக் கொண்டுள்ளது” என்று கூறியுள்ளார்.
குழந்தைகள் மற்றும் இளம் பருவத்தினரின் ஆரோக்கியத்தில் முதலீடு செய்வது நாட்டின் எதிர்காலத்திற்கான முதலீடு என்பதை அமீரக அரசு அங்கீகரிப்பதாக மற்றொரு மருத்துவர் தெரிவித்துள்ளதும் குறிப்பிடத்தக்கது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
