ஐக்கிய அரபு அமீரகத்தில் வசிப்பவர்கள் குளிர்கால சீசனை அனுபவித்து வரும் நிலையில், நாட்டின் தேசிய வானிலை ஆய்வு மையம் (NCM) இன்று ஜனவரி 23, வியாழக்கிழமைக்கான வானிலை முன்னறிவிப்பை வெளியிட்டுள்ளது. அந்த அறிக்கையின் படி, இன்றைய தினம் தூசி நிறைந்ததாகவும், சில நேரங்களில் ஓரளவு மேகமூட்டமாகவும் இருக்கும் என்று எதிர்பார்க்கப்படுகிறது.
மேலும், நாட்டின் சில உள் பகுதிகளில் இன்று இரவு மற்றும் நாளை வெள்ளிக்கிழமை காலை வானிலை ஈரப்பதமாக இருக்கும் என்றும் NCM கணித்துள்ளது. இதற்கிடையில், கிழக்கு முதல் வடகிழக்கு நோக்கிய காற்று மணிக்கு 10கிமீ முதல் 25கிமீ வேகத்தில் வீசும் என்றும், இதனால் தூசி நிறைந்த நிலைமைகளுக்கு வழிவகுக்கும் மற்றும் கிடைமட்டத் தெரிவுநிலையைக் குறைக்கும் என்றும் எச்சரிக்கை விடுக்கப்பட்டுள்ளது.
அத்துடன் காற்றின் வேகம் மணிக்கு 40 கி.மீ. வரை எட்டலாம் என்றும் அமீரக தேசிய வானிலை மையத்தால் அறிவிக்கப்பட்டுள்ளது. மேலும், கடல் பகுதிகளை பொருத்தவரை அரேபிய வளைகுடா மற்றும் ஓமன் கடல் பகுதிகளில் கடலின் சீற்றம் மிதமானதாக இருக்கும் என்றும் வானிலை மையம் கூறியுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
