துபாயின் சாலைகள் மற்றும் போக்குவரத்து ஆணையம் (RTA) ஸ்டேடியம் மெட்ரோ நிலையத்திற்கு அருகே ஒரு புதிய பேருந்து நிலையத்தை திறந்துள்ளதாக திங்களன்று அறிவித்துள்ளது. புதிய ஸ்டேடியம் பஸ் நிலையமானது, ஸ்டேடியம் மெட்ரோ நிலையத்திற்குச் செல்லும் மற்றும் பயணிக்கும் பயணிகளுக்கு ஒரு முக்கிய இணைப்பு புள்ளியாகவும், அல் நஹ்தா மற்றும் அல் குசைஸ் பகுதிகளுக்குச் செல்வோருக்கும் சேவைகளை வழங்கும் வகையில் இந்த பேருந்து நிலையம் அமைக்கப்பட்டுள்ளதாக ஆணையம் தெரிவித்துள்ளது.
இதில் பயண அனுபவத்தை மேம்படுத்த பல மேம்பாடுகள் இடம்பெற்றுள்ளதாகவும், குறிப்பாக இந்த நிலையம் பயணிகளுக்கு வசதியான வெளிப்புற இருக்கை மற்றும் நிழலான காத்திருக்கும் பகுதிகளையும் வழங்குவதாகவும் தகவல்கள் வெளியிடப்பட்டுள்ளது. கூடுதல் வசதிகளில் டிக்கெட் விற்பனை இயந்திரம் (TVM) மற்றும் உங்கள் NOL கார்டை டாப்-அப் செய்வதற்கான இயந்திரம் ஆகியவை அடங்கும் என கூறப்பட்டுள்ளது.
அதுமட்டுமில்லாமல், போக்குவரத்து அறிகுறிகள், பாதசாரி கிராசிங் மற்றும் பயணிகளுக்கு உதவும் போக்குவரத்து புதுப்பிப்புகளைக் காண்பிக்கும் தகவல் திரை ஆகியவை இங்கு உள்ளன. RTA வெளியிட்ட விபரங்களின் படி, பஸ் நிலையத்தின் முக்கிய மேம்பாடுகளில் பஸ் வழித்தடங்களில் பூர்த்தி செய்யப்பட்ட சாலைப்பணிகள் மற்றும் புதிதாக நிறுவப்பட்ட போக்குவரத்து சிக்னல்கள் ஆகியவை அடங்கும். கூடுதலாக, எளிதாக அணுகுவதற்காக பாதையில் 10 நியமிக்கப்பட்ட பஸ் நிறுத்தங்கள் உள்ளதாகக் கூறப்படுகிறது.
வெவ்வேறு போக்குவரத்து விருப்பங்களுக்கு இடையில் விரைவான இணைப்புகள் மற்றும் மென்மையான இடமாற்றங்களை வழங்குவதன் மூலம் துபாய்வாசிகளின் பயணத்தை மேம்படுத்துவதற்காக இந்த நிலையம் வடிவமைக்கப்பட்டுள்ளதாக RTA தெரிவித்துள்ளதும் குறிப்பிடத்தக்கது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
