அபுதாபி விமானக் குழுமம் (Abu Dhabi Aviation Group) ஆர்ச்சர் ஏவியேஷனுடன் இணைந்து, இந்த ஆண்டு முதல் eVTOLகள் (மின்சார செங்குத்து புறப்பாடு மற்றும் தரையிறக்கம்) எனப்படும் விமானங்களை அறிமுகப்படுத்தியுள்ளது. இவை சிறிய, அமைதியான மற்றும் சுற்றுச்சூழலுக்கு உகந்த விமானங்கள், அவை ஹெலிகாப்டர் போல செங்குத்தாக புறப்பட்டு தரையிறங்க முடியும் என்று கூறப்பட்டுள்ளது.
‘மிட்நைட்’ என்று அழைக்கப்படும் முதல் eVTOL விமானத்தை இந்த ஆண்டு பறக்க வைக்க ஆர்ச்சர் ஏவியேஷனுடன் ஒரு ஒப்பந்தம் கையெழுத்தாகியுள்ளது. அபுதாபி மற்றும் eVTOL இடையேயான இந்த ஒத்துழைப்பு, அபுதாபியில் தொடங்கி உலகளவில் விரிவடையும் ஆர்ச்சரின் “லாஞ்ச் எடிஷன்” திட்டத்தின் ஒரு பகுதியாகும் எனவும் அறிவிக்கப்பட்டுள்ளது.
அமீரகத்தின் தலைநகரான அபுதாபியிலிருந்து 60 முதல் 90 நிமிடங்கள் தூரம் பயணிக்கும் நீண்ட கார் பயணங்களை 10 முதல் 20 நிமிடங்கள் கொண்ட குறுகிய ஏர் டாக்ஸி பயணங்களாகக் குறைப்பதே இதன் நோக்கமாகும். இது அபுதாபி முதல் துபாய் வரையிலான வழித்தடங்கள் பயண நேரத்தை 30 நிமிடங்களுக்கும் குறைவாகக் குறைக்கும் என்று தெரிவிக்கப்பட்டுள்ளது.
மிட்நைட் eVTOL என்பது விமானங்களுக்கு இடையில் விரைவான திருப்பங்களுக்காக வடிவமைக்கப்பட்ட நான்கு பயணிகள் மற்றும் பைலட் பயணிக்கும் வகையிலான சிறிய விமானமாகும். இந்த ஏர் டாக்ஸியில் பயணிப்பதற்கான கட்டணங்கள் Dh800 முதல் Dh1,500 வரை இருக்கும் என்று எதிர்பார்க்கப்படுகிறது.
மேலும், ஐக்கிய அரபு அமீரகத்தில் ஏர் டாக்ஸி சேவைகளைப் பாதுகாப்பாக பயன்படுத்துவதற்காக eVOTL நிறுவனம் UAE பொது சிவில் விமானப் போக்குவரத்து ஆணையத்துடன் (GCAA) ஒருங்கிணைந்து செயல்படும் என்றும் அறிவிக்கப்பட்டுள்ளது.
ஒத்துழைப்பு விவரங்கள்:
கையெழுத்தான ஒப்பந்தத்தின் கீழ், செயல்பாடுகளை ஆதரிக்க விமானிகள், தொழில்நுட்ப வல்லுநர்கள் மற்றும் பொறியாளர்கள் குழுவை ஆர்ச்சர் வழங்கும். கூடுதலாக, ஏர் டாக்ஸி சேவையை நிர்வகிக்க ஒருங்கிணைந்த முன்பதிவு பயன்பாடு உட்பட ஒருங்கிணைந்த மென்பொருள் உள்கட்டமைப்பை வழங்கவும் ஆர்ச்சர் திட்டமிடுவதாகக் கூறப்பட்டுள்ளது.
ஏர் டாக்ஸி கண்டுபிடிப்புகளில் அமீரகத்தின் பங்கு:
ஐக்கிய அரபு அமீரகம் eVTOL தொழில்நுட்பத்தை முதலில் ஏற்றுக்கொண்ட நாடாக இருந்து வருகிறது, அபுதாபி ஏவியேஷன் அதன் நிபுணத்துவத்தைப் பயன்படுத்தி அளவிடக்கூடிய நகர்ப்புற விமான இயக்க சேவையைத் தொடங்குகிறது.
அதேசமயம், துபாயில் RTA ஜோபி ஏவியேஷனுடன் ஒரு ஒப்பந்தத்தைக் கொண்டுள்ளது. இந்த சேவை 2026 ஆம் ஆண்டுக்குள் தொடங்கப்படவுள்ளது.
ஐக்கிய அரபு அமீரகம் முழுவதும் சாலைகளில் நாளுக்கு நாள் வாகன நெரிசல் அதிகரித்து வரும் நிலையில், எதிஹாட் ரயில் போன்ற போக்குவரத்து திட்டங்களுடன் ஏர் டாக்சிகளும், பொது போக்குவரத்தை கணிசமாக மாற்றி, குடியிருப்பாளர்களின் பயணத்தை எளிதாக்கி சாலை நெரிசலைக் குறைக்கும் என்று எதிர்பார்க்கப்படுகிறது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
