துபாய் சர்வதேச விமான நிலையத்தில் நடைபெற்ற சமீபத்திய துபாய் டூட்டி ஃப்ரீ மில்லினியம் மில்லியனர் மற்றும் சிறந்த ஃபைனஸ்ட் சர்ப்பரைஸ் டிராவில் இந்தியாவை சேர்ந்த சக ஊழியர்கள் பத்து பேரைக் கொண்ட குழு ஒன்று 1 மில்லியன் டாலர் பரிசை வென்றதாக அறிவிக்கப்பட்டுள்ளது.
துபாயைச் சேர்ந்த 45 வயதான சிஸ்டம் இன்ஜினியரான பிரசாத் சிவதாசன், பிப்ரவரி 19 அன்று ஆன்லைனில் வாங்கிய டிக்கெட் எண் 3793 உடன் மில்லினியம் மில்லியனர் சீரிஸ் 492 இல் 1 மில்லியன் டாலரை பரிசாக வென்றதாகக் கூறப்படுகின்றது. துபாயில் இரண்டு தசாப்தங்களாக வசித்து வரும் சிவதாசன், சுமார் எட்டு ஆண்டுகளாக துபாய் டூட்டி ஃப்ரீ ப்ரோமோஷனில் பங்கேற்று வரும் தனது ஒன்பது சக ஊழியர்களுடன் சேர்ந்து டிக்கெட் வாங்கியுள்ளார்.
இரண்டு குழந்தைகளின் தந்தையான இவர், “துபாய் டூட்டி ஃப்ரீக்கு நான் மிகவும் நன்றி கூறுகிறேன். இந்தச் செய்தியால் நாங்கள் மிகவும் மகிழ்ச்சியடைகிறோம்!” என்று தனது உற்சாகத்தை வெளிப்படுத்தியுள்ளார். மேலும், இந்த வெற்றியின் மூலம், 1999 முதல் மில்லினியம் மில்லியனர் ப்ரோமோஷனில் $1 மில்லியன் வென்ற 246வது இந்தியர் என்ற பெயரையும் சிவதாசன் பெற்றுள்ளார்.
துபாய் டூட்டி ஃப்ரீ டிராவை பொருத்த வரையில் நீண்ட காலமாக அதிகளவில் ராஃபிள் டிக்கெட் வாங்குபவர்களாக இந்தியர்கள் உள்ளனர் என்பது குறிப்பிடத்தக்கது. நேற்று புதன்கிழமை நடந்த இந்த டிராவை துபாய் டியூட்டி ஃப்ரீயின் துணை நிர்வாக இயக்குனர் சலா தஹ்லக் மற்றும் பிற மூத்த அதிகாரிகள் நடத்தினர். அதே டிராவில், ஃபைனஸ்ட் சர்ப்ரைஸ் நடத்தப்பட்டது, இது வெற்றியாளர்களுக்கு சொகுசு கார்கள் மற்றும் மோட்டார் சைக்கிள்களை பரிசாக வழங்கியது.
அபுதாபியைச் சேர்ந்த 38 வயதான ஐடி மேலாளரான ஷாஹுல் ஹமீத் என்பவர், ஃபைனஸ்ட் சர்ப்ரைஸ் சீரிஸ் 1911 இல் டிக்கெட் எண் 985 உடன் BMW M850i கிரான் கூபே காரை வென்றுள்ளார். துபாயில் வசிக்கும் 47 வயதான ஈரானிய நாட்டவரான அடெல் ரஞ்ச்பார், ஃபைனஸ்ட் சர்ப்ரைஸ் சீரிஸ் 1912 இல் டிக்கெட் எண் 98 உடன் BMW 740i M ஸ்போர்ட் காரை வென்றுள்ளார்.
துபாயில் வசிக்கும் கமல் தஹாசீல் ஷகுர் என்ற மற்றொரு இந்தியர், ஃபைனஸ்ட் சர்ப்ரைஸ் சீரிஸ் 615 இல் டிக்கெட் எண் 175 உடன் வெற்றி பெற்று இந்திய ஸ்கவுட் பாபர் லிமிடெட் பிளஸ் டெக் மோட்டார் சைக்கிளை ஓட்டிச் சென்றுள்ளார். நான்காவதாக, ஷார்ஜாவைச் சேர்ந்த 36 வயதான மியான்மர் நாட்டைச் சேர்ந்த ஹ்டெட் பைன்-ஓ, ஃபைனஸ்ட் சர்ப்ரைஸ் சீரிஸ் 616 இல் டிக்கெட் எண் 816 உடன் BMW R12 மோட்டார் சைக்கிளை தட்டிச்சென்ற அதிர்ஷ்டசாலி ஆவார்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
