இஸ்லாம் மாதத்தின் புனித ரமலான் மாதம் ஐக்கிய அரபு அமீரகத்தில் மார்ச் 1 அன்று துவங்கியுள்ள நிலையில், துபாய் முழுவதும் உள்ள மால்கள் இரவு வரை தங்கள் இயக்க நேரத்தை நீட்டித்துள்ளன. மேலும், குடியிருப்பாளர்கள் மற்றும் சுற்றுலாவாசிகளுக்கு பல்வேறு அற்புதமான நிகழ்வுகள் மற்றும் சிறந்த அனுபவங்களை உறுதியளிக்கின்றன. வானவேடிக்கைகள், பிரத்தியேக ஷாப்பிங் ப்ரொமோஷன்கள் மற்றும் மார்க்கெட்டுகள் என இந்த மாதத்தில் மக்கள் அனுபவிக்கக்கூடிய சில செயல்பாடுகளைப் பின்வருமாறு பார்க்கலாம்.
வானவேடிக்கை மற்றும் ஒளி நிகழ்ச்சிகள்:
கீழே கொடுக்கப்பட்டுள்ள இடங்களில் ஒவ்வொரு சனிக்கிழமையும் வான வேடிக்கைகள் நடைபெறும்.
- அல் சீஃப்: மார்ச் 1 மற்றும் 8
- துபாய் ஃபெஸ்டிவல் சிட்டி மால்: மார்ச் 15
- ப்ளூவாட்டர்ஸ் ஐலேண்ட் & தி பீச், JBR: மார்ச் 22
- அழகிய ஒளி மற்றும் ஒலி ப்ரோஜக்சன்களை உள்ளடக்கிய ‘Ramadan Reflections’, அல் சீஃப் மற்றும் துபாய் ஃபெஸ்டிவல் சிட்டி மாலில் ஒரு சிறந்த அனுபவத்தை உறுதியளிக்கும்.
- பார்வையாளர்கள் ஒவ்வொரு வார இறுதியிலும், அல் சீஃப், தி அவுட்லெட் வில்லேஜ், ப்ளூவாட்டர்ஸ் ஐலேண்ட், மிர்டிஃப் சிட்டி சென்டர், மால் ஆஃப் தி எமிரேட்ஸ், துபாய் ஃபெஸ்டிவல் சிட்டி மால் மற்றும் ஹத்தா ஹெரிடேஜ் வில்லேஜ் உள்ளிட்ட பிரபலமான இடங்களில் அவுட் மற்றும் கானூன் இசைக்கலைஞர்களுடன் நேரடி நிகழ்ச்சிகள் இடம்பெறுவதை கண்டு களிக்கலாம்.
வெளிப்புற சந்தைகள் மற்றும் சமூக அனுபவங்கள்:
துபாயின் ரமலான் சந்தைகள், ரமலான் மாதம் முழுவதும் அற்புதமான நிகழ்வுகள் மற்றும் தனித்துவமான ஷாப்பிங் வாய்ப்புகளுடன் கலாச்சாரம், உணவு மற்றும் சமூகத்தின் கோலாகலமான கொண்டாட்டத்தை வழங்கும். இந்த தனித்துவமான ரமலான் அனுபவம் முழு சமூகத்தையும் ஒன்றிணைக்கிறது. நீங்கள் கட்டாயம் பார்க்க வேண்டிய முக்கிய நிகழ்வுகள் இங்கே:
- ‘ரமலான் அட் தி பார்க்’: ஐக்கிய அரபு அமீரகத்தின் ‘Community of the Year 2025’க்கு ஏற்ப, இந்த புத்தம் புதிய நிகழ்வு மார்ச் 6 முதல் 23 வரை ஜபீல் பார்க் ஆம்பிதியேட்டரில் நடைபெறும். இந்த நிகழ்வு திங்கள் முதல் வியாழன் வரை மாலை 5 மணி முதல் 12 மணி வரை மற்றும் வெள்ளி முதல் ஞாயிற்றுக்கிழமை வரை அதிகாலை 1 மணி வரை நடைபெறும்.
- பொழுதுபோக்கு & செயல்பாடுகள்: அழகான வெளிப்புற பூங்கா சூழலில் அமைக்கப்பட்ட கலாச்சார நிகழ்ச்சிகள், நேரடி நிகழ்ச்சிகள் மற்றும் குடும்பத்திற்கு ஏற்ற பொழுதுபோக்குகளைக் கண்டு மகிழலாம்.
- சந்தை: ரமலானுக்காக ஏற்பாடு செய்யப்படும் சிறந்த சந்தையில் ஆடைகள், பைகள், நகைகள், கைவினைஞர்களின் படைப்புகள் மற்றும் பலவற்றை ஆராயலாம்.
இவற்றுடன் துபாய், ரமலான் மாதத்தின் போது கலாச்சாரம், உணவு மற்றும் சமூகத்தை கொண்டாடும் பல்வேறு அற்புதமான நிகழ்வுகள் மற்றும் செயல்பாடுகளை வழங்குகிறது. சில முக்கிய நிகழ்வுகளின் விளக்கம் கீழே கொடுக்கப்பட்டுள்ளது.
எக்ஸ்போ சிட்டி துபாயில் ‘Hai Ramadan’ (மார்ச் 27 வரை)
- எக்ஸ்போ சிட்டி துபாயில் உள்ள ஹை ரமலான் மார்ச் 27 வரை இயங்கும், அங்கு அல் வாசல் பிளாசா டோம் கீழ் அற்புதமான கலாச்சார நடவடிக்கைகள், ஒட்டக சவாரிகள், நேரடி பொழுதுபோக்கு மற்றும் சிறப்பு உணவு அனுபவங்களை அனுபவிக்கவும்.
- டிக்கெட்டுகள் 35 திர்ஹம்ஸ்க்கு கிடைக்கும், மேலும் அந்தத் தொகையை சந்தையில் செலவிட வவுச்சர்களாக மீட்டெடுக்கலாம்.
குளோபல் வில்லேஜில் ‘Ramadan Wonders’
- துபாயின் பிரபலமான பன்முகக் கலாச்சார இலக்கான குளோபல் வில்லேஜில் நடைபெறும் ரமலான் ஒன்டர்ஸ், 30 பெவிலியன்களில் 90 க்கும் மேற்பட்ட கலாச்சாரங்களைக் பிரதிநிதித்துவப்படுத்தும் 3,500 க்கும் மேற்பட்ட விற்பனை நிலையங்களில் ஒரு சிறந்த ஷாப்பிங் அனுபவத்தை வழங்கும்.
- உணவுப்பிரியர்கள் ரெஸ்டாரன்ட் பிளாசாவில் 11 உலகளாவிய உணவகங்கள் மற்றும் 250 க்கும் மேற்பட்ட உணவு மற்றும் பான விற்பனை நிலையங்களுடன் பிராந்தியத்தின் மிகப்பெரிய சர்வதேச சாப்பாட்டு அனுபவத்தை அனுபவிக்கலாம்.
- கூடுதலாக, பிரமிக்க வைக்கும் முல்தகா குளோபல் வில்லேஜ், ரமலான் ஸ்டெப் சேலஞ்ச், கலாச்சார பொழுதுபோக்கு மற்றும் இஃப்தார் நேரத்தைக் குறிக்கும் தினசரி ரமலான் பீரங்கி ஆகியவற்றையும் குளோபல் வில்லேஜ் கொண்டிருக்கும்.
ஜுமேரா எமிரேட்ஸ் டவர்ஸில் உள்ள ரமலான் மாவட்ட சந்தை (மார்ச் 8-23)
- கலாச்சார பொழுதுபோக்கு, தனித்துவமான ஷாப்பிங், வாழ்க்கை முறை அனுபவங்கள் ஆகியவற்றைக் கொண்டுள்ள ரமலான் மாவட்ட சந்தையின் மூன்றாவது பதிப்பு அனைத்து பார்வையாளர்களுக்கும் இலவச நுழைவை வழங்குகிறது.
- இது வார நாட்களில் மாலை 5 மணி முதல் நள்ளிரவு வரை மற்றும் வார இறுதி நாட்களில் 1 மணி வரை சுவையான உணவு அனுபவங்களைக் கொண்டுவரும்.
உம் சுகீம், அகாடமி பார்க்கில் உள்ள ரைப் மார்க்கெட்
- ஒவ்வொரு சனிக்கிழமையும் காலை 9 மணி முதல் இரவு 9 மணி வரை மற்றும் ஒவ்வொரு ஞாயிற்றுக்கிழமையும் காலை 9 மணி முதல் இரவு 7 மணி வரையிலும் இயங்கும் இந்த சந்தை 100க்கும் மேற்பட்ட விற்பனையாளர்களைக் கொண்டுள்ளது, மேலும், இங்கு விளக்கு தயாரித்தல், கேன்வாஸ் ஓவியம் வரைதல், பேரீச்சம்பழம் தயாரித்தல் மற்றும் மருதாணி கலை அமர்வுகள் போன்ற ரமலான் கருப்பொருள் கொண்ட பட்டறைகள், அத்துடன் பல்வேறு இப்தார் விருந்து விருப்பங்கள் மற்றும் நேரடி கலாச்சார நிகழ்ச்சிகள் உள்ளன.
ரமலான் தெரு உணவு விழா (மார்ச் 6-23)
- கராமாவில் உள்ள ஷேக் ஹம்தான் காலனியில் நடைபெறும் இந்த உணவுத் திருவிழா, அனைத்து பார்வையாளர்களுக்கும் இலவச நுழைவை வழங்குகிறது, இங்கு தென்னிந்திய மற்றும் ஆசிய உணவு வகைகளை வழங்கும் ஐந்து மண்டலங்களில் 55க்கும் மேற்பட்ட பங்கேற்கும் உணவகங்கள் பரவியுள்ளன. மேலும், நேரடி இசை, மருதாணி கலைஞர்கள், கேலிச்சித்திரங்கள் மற்றும் ரோமிங் கலைஞர்களுடன் குடும்பத்திற்கு ஏற்ற சூழ்நிலையை அனுபவிக்கலாம்.
- இது தினமும் அதிகாலை 2 வரை திறந்திருக்கும்.
வாராந்திர பரிசுகள் & ஷாப்பிங் டீல்கள்:
- மால் ஆஃப் தி எமிரேட்ஸ், சிட்டி சென்டர் மிர்டிஃப் அல்லது சிட்டி சென்டர் தேரா ஆகியவற்றில் 300 திர்ஹம் அல்லது அதற்கு மேல் செலவழிப்பவர்கள் SHARE செயலியில் தங்கள் ரசீதுகளை ஸ்கேன் செய்யும் போது, உடனடியாக 10 எக்ஸ் கேஷ்பேக்கைப் பெறுவார்கள் மற்றும் SHARE புள்ளிகளில் 50,000 திர்ஹம்ஸ் வெல்லலாம்.
- மேலும், துபாய் ஃபெஸ்டிவல் சிட்டி மாலில் உள்ள ஃபெஸ்டிவல் பே நேரடி பொழுதுபோக்கு, கலாச்சார நடவடிக்கைகள் போன்றவற்றை ஒன்றிணைக்கும். அத்துடன் 300 திர்ஹம் அல்லது அதற்கு மேல் செலவு செய்பவர்கள் 10,000 திர்ஹம் பரிசு அட்டைகளுக்கான பிரச்சாரம் இதில் அடங்கும்.
- ரமலான் மாதம் முழுவதும் புதன்கிழமை முதல் ஞாயிற்றுக்கிழமை வரை இரவு 9 மணிக்கு சிட்டி வாக்கில் தினமும் இரண்டு முறை நேரடி பொழுதுபோக்கு நடைபெறும். மேலும் இபின் பட்டுடா, சர்க்கிள் மால், மெர்காடோ, டவுன் சென்டர் ஜுமேரா, சிட்டி வாக், அல் சீஃப், அல் கவானீஜ் வாக், லாஸ்ட் எக்ஸிட் அல் கவானீஜ், பாக்ஸ்பார்க், ப்ளூவாட்டர்ஸ் மற்றும் தி பீச், ஜேபிஆர் போன்ற பிற இடங்களில் இன்னும் பல மறக்க முடியாத அனுபவங்கள் காத்திருக்கின்றன.
மேற்கூறிய அனைத்து நடவடிக்கைகளும் துபாய் முழுவதும் ரமலானை சிறந்த சமூக கொண்டாட்டங்கள், தனித்துவமான ஷாப்பிங் அனுபவங்கள் மற்றும் கலாச்சார அனுபவங்களின் நேரமாக மாற்றும் என்பதில் சந்தேகமில்லை.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
