அமீரகவாசிகளின் கவனத்திற்கு.. மே முதல் வரவிருக்கும் மாற்றங்கள் என்ன..??

ஐக்கிய அரபு அமீரகத்தில் மே மாதம் முதல் போக்குவரத்து, பயணம், டிஜிட்டல் சேவைகள் மற்றும் சுற்றுச்சூழல் கொள்கைகள் தொடர்பான பல முக்கியமான மாற்றங்கள் வரவிருக்கின்றன. அமீரகக் குடியிருப்பாளர்கள் மற்றும் சுற்றுலாப் பயணிகள் அடுத்த மாதம் கவனிக்க வேண்டிய முக்கிய புதுப்பிப்புகள் குறித்த விபரங்களை கீழே காணலாம்.

1. புதிய துபாய்-ஷார்ஜா பேருந்து வழித்தடம்

துபாயின் RTA மே 2 அன்று நகரங்களுக்கு இடையேயான ஒரு புதியபேருந்து வழித்தடமான E308 ஐத் தொடங்குவதாக அறிவித்துள்ளது. இது துபாயில் உள்ள ஸ்டேடியம் பஸ் நிலையத்தை ஷார்ஜாவில் உள்ள அல் ஜுபைல் பஸ் நிலையத்துடன் வெறும் 12 திர்ஹம்ஸ் கட்டணத்துடன் இணைக்கும்.

2. அஜ்மான்- அல் அய்ன் பேருந்து சேவை 

இதேபோல், அஜ்மானின் பொதுப் போக்குவரத்து ஆணையம் மே 1 முதல் அல் முசல்லா பஸ் நிலையத்தை அல் அய்ன் பஸ் நிலையத்துடன் இணைக்கும் ஒரு புதிய பாதையையும் அறிமுகப்படுத்தும் என்று தெரிவிக்கப்பட்டுள்ளது.

3. குளோபல் வில்லேஜ் மூடல்

துபாயின் மிகவும் பிரபலமான பன்முகக் கலாச்சார இலக்குகளில் ஒன்றான குளோபல் வில்லேஜின் 29வது சீசன் கோடை காலத்தை முன்னிட்டு மே 11 அன்று முடிவடைகிறது. அது முடிவதற்கு முன்பு 12 வயதுக்குட்பட்ட குழந்தைகள் இலவசமாக நுழையலாம் என்று குளோபல் வில்லேஜ் நிர்வாகம் அறிவித்துள்ளது. இந்த இடம் 90 க்கும் மேற்பட்ட கலாச்சாரங்கள் மற்றும் நூற்றுக்கணக்கான பல்வேறு நிகழ்வுகளைக் கொண்டுள்ளது.

4. பழைய ஐபோன்களில் WhatsApp வேலை செய்யாது

வருகின்ற மே 5 முதல், iOS 15.0 அல்லது அதற்கு முந்தைய iOS பதிப்புகளை இயக்கும் ஐபோன்களை WhatsApp இனி ஆதரிக்காது. இது iPhone 5s, iPhone 6 மற்றும் iPhone 6 Plus ஐ பாதிக்கிறது. இந்த சாதனங்கள் ஏற்கனவே Apple நிறுவனத்தால் ‘காலாவதியானவை’ என வகைப்படுத்தப்பட்டுள்ளன, அதாவது அதிகாரப்பூர்வ ஹார்ட்வேர் சேவை மற்றும் பாகங்கள் இனி கிடைக்காது என்பது குறிப்பிடத்தக்கது.

5. புதிய UAE காலநிலை மாற்ற சட்டம்

UAE இன் புதிய காலநிலை மாற்ற சட்டம் (climate change law) மே 30 முதல் அமலுக்கு வரும் என்று அறிவிக்கப்பட்டுள்ளது. இதன் படி, வணிகங்கள் தங்கள் பசுமை இல்ல வாயு வெளியேற்றத்தைக் கண்காணித்து அறிக்கை செய்ய வேண்டும். நாட்டின் காலநிலை இலக்குகளை ஆதரிப்பதையும் கார்பன் நடுநிலைமையை நோக்கி நகர்வதையும் இந்த சட்டம் நோக்கமாகக் கொண்டுள்ளது.

அமீரகத்தில் வசிக்கும் நபர்கள் இந்த வரவிருக்கும் மாற்றங்கள் குறித்த தகவல்களை தெரிந்திருப்பது நல்லது.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel