அபுதாபி எமிரேட் முழுவதும் விளம்பரப் பலகைகள் மற்றும் அறிவிப்புப் பலகைகளை வைப்பதற்கு அங்கீகரிக்கப்பட்ட தரநிலைகளைப் பின்பற்றுவதன் முக்கியத்துவம் குறித்து வணிகங்கள் மற்றும் தனிநபர்களுக்கு அதிகாரிகள் நினைவூட்டல்களை வெளியிட்டுள்ளனர். இந்த விதிமுறைகளைப் பின்பற்றத் தவறினால் அபராதம் விதிக்கப்படும் என்றும், மீண்டும் மீண்டும் குற்றங்கள் செய்தால் அது இரட்டிப்பாகும் என்றும் நகராட்சிகள் மற்றும் போக்குவரத்துத் துறை (DMT) எச்சரித்துள்ளது.
பொது இடங்களின் அழகியல் தோற்றம் மற்றும் தூய்மையைப் பாதுகாப்பதை நோக்கமாகக் கொண்ட 2012 ஆம் ஆண்டின் சட்டம் எண் 2 இன் கீழ், செல்லுபடியாகும் அனுமதியின்றி விளம்பரப் பலகைகளை நிறுவுதல் அல்லது பயன்படுத்துதல் ஆகிய விதிகளை மீறுபவர்கள் பின்வரும் அபராதங்களை எதிர்கொள்வார்கள் என கூறப்பட்டுள்ளது. அவை:
- முதல் முறை குற்றம் புரிந்தால்: 2,000 திர்ஹம்
- இரண்டாவதுமுறை குற்றம் புரிந்தால்: 4,000 திர்ஹம்
- மூன்றாவது மற்றும் அடுத்தடுத்த குற்றங்கள்: 8,000 திர்ஹம்
இந்த விதிகள் நகரின் அழகியலைப் பராமரிப்பதற்கும் பொது இடங்கள் பாதுகாப்பாகவும் ஒழுங்கமைக்கப்பட்டதாகவும் இருப்பதை உறுதி செய்வதற்கும் அதன் பரந்த முயற்சிகளின் ஒரு பகுதியாகும் என்று DMT வலியுறுத்தியுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
