ஷார்ஜாவின் ஹம்ரியா பகுதியில் உள்ள ஒரு எரிபொருள் கிடங்கில் இன்று (சனிக்கிழமை, மே 31) காலை பயங்கர தீவிபத்து ஏற்பட்டுள்ளது. விபத்து குறித்து தகவலறிந்து சம்பவ இடத்திற்கு விரைந்த சிவில் பாதுகாப்பு ஆணையத்தின் தீயணைப்பு குழுக்கள் துரிதமாகச் செயல்பட்டு தீ பரவுவதைக் கட்டுப்படுத்தியுள்ளன.
இந்த தீ விபத்தினால் ஏற்பட்ட கரும் புகையானது அப்பகுதி முழுவதும் சூழ்ந்ததாக தெரிவிக்கப்பட்டது. மேலும் இந்த விபத்து குறித்த வீடியோக்களும் சமூக வலைதளங்களில் என்று அதிகளவு பகிரப்பட்டு வந்தன.
ஷார்ஜா காவல்துறையின் கூற்றுப்படி, தீ விபத்தையடுத்து முன்னெச்சரிக்கையாக வெளியேற்றும் நடவடிக்கைகள் மேற்கொள்ளப்பட்டன, அதே நேரத்தில் காவல்துறை, தேசிய காவல்படை மற்றும் சிவில் பாதுகாப்பு குழுக்கள் தீயைக் கட்டுப்படுத்த இணைந்து செயல்பட்டன. தீயின் தீவிரம் இருந்தபோதிலும், அருகிலுள்ள இடங்களுக்கு பரவுவதற்கு முன்பு அதிகாரிகள் அதை வெற்றிகரமாகக் கட்டுப்படுத்தியதாகக் கூறப்படுகின்றது.
A large fire broke out this morning at a fuel warehouse in the Al Hamriyah Port area of Sharjah, United Arab Emirates, sending thick plumes of black smoke into the sky and prompting a rapid response from emergency teams. pic.twitter.com/jqvaKxnA5L
— World Safety (@nickngei2) May 31, 2025
அதிகாரிகள் தொடர்ந்து நிலைமையைக் கண்காணித்து, பகுதியைப் பாதுகாப்பதால், சம்பவ இடத்தில் நடவடிக்கைகள் தொடர்ந்து நடைபெற்று வருகின்றன. இதுவரை எந்த உயிரிழப்பும் பதிவாகவில்லை, மேலும் சம்பவத்திற்கான காரணத்தைக் கண்டறிய விசாரணைகள் தொடர்ந்து நடைபெற்று வருவதாக அதிகாரிகள் கூறியுள்ளனர். இந்நிலையில், குடியிருப்பாளர்கள் அப்பகுதியிலிருந்து விலகி இருக்கவும், அதிகாரப்பூர்வ சேனல்களின் புதுப்பிப்புகளைப் பின்பற்றவும் அறிவுறுத்தப்பட்டுள்ளனர்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
