ஐக்கிய அரபு அமீரகம் தேசிய தன்னிறைவை மேம்படுத்துவதையும் அதன் தொழில்துறை தளத்தை வலுப்படுத்துவதையும் நோக்கமாகக் கொண்டு, 2,000 அத்தியாவசிய இறக்குமதி பொருட்களை உள்ளூரில் உற்பத்தி செய்வதற்கான ஒரு மூலோபாய முயற்சியை தொடங்கியுள்ளது. இந்த அறிவிப்பை அபுதாபி தேசிய கண்காட்சி மையத்தில் (Abu Dhabi National Exhibition Centre-ADNEC) மே 19 முதல் 22 வரை நடைபெற உள்ள’ Make it in the Emirates 2025′ மன்றத்திற்கு முன்னதாக நடந்த செய்தியாளர் சந்திப்பின் போது, ஐக்கிய அரபு அமீரகத்தின் தொழில் மற்றும் மேம்பட்ட தொழில்நுட்ப அமைச்சர் டாக்டர் சுல்தான் அல் ஜாபர் வெளியிட்டுள்ளார்.
5,000க்கும் மேற்பட்ட உள்ளூரில் தயாரிக்கப்பட்ட தயாரிப்புகளை காட்சிப்படுத்தும் மேக் இட் இன் தி எமிரேட்ஸ் (Make It In The Emirates) தளம், 12 முக்கிய துறைகளில் புதுமைகளை வளர்ப்பதையும் தேசிய உற்பத்தி திறன்களை ஊக்குவிப்பதையும் நோக்கமாகக் கொண்டுள்ளது.
இந்த முயற்சி தொழில்முனைவோர் மற்றும் முதலீட்டாளர்களை அதிக தேவை உள்ள பொருட்களை உள்நாட்டில் உற்பத்தி செய்ய அழைக்கிறது. இதன் மூலம் மருந்து, உணவு, பிளாஸ்டிக், எலெக்ட்ரானிக்ஸ் மற்றும் கட்டுமானப் பொருட்கள் போன்ற முக்கிய துறைகளில் விநியோகச் சங்கிலிகளை நிலைநிறுத்துவதன் முக்கியத்துவத்தை அவர் வலியுறுத்தியுள்ளார்.
மேலும், இந்த நடவடிக்கை இறக்குமதிகளைச் சார்ந்திருப்பதைக் குறைப்பது மட்டுமல்லாமல், முதலீட்டு வாய்ப்புகளை உருவாக்கும் மற்றும் உலகளாவிய விநியோகச் சங்கிலி இடையூறுகளுக்கு மத்தியில் நாட்டின் பொருளாதார மீள்தன்மையை வலுப்படுத்தும் என்று டாக்டர் அல் ஜாபர் வலியுறுத்தியுள்ளார்.
அத்துடன் 2024 ஆம் ஆண்டில் ஐக்கிய அரபு அமீரகத்தின் வலுவான பொருளாதார செயல்திறனையும் அல் ஜாபர் குறிப்பிட்டார், வெளிநாட்டு வர்த்தகம் 5 டிரில்லியன் திர்ஹம்ஸைத் தாண்டியது மற்றும் 490 பில்லியன் திர்ஹம் வர்த்தக உபரி, தொழில்துறை பல்வகைப்படுத்தல் மூலம் நிலையான வளர்ச்சி மற்றும் அர்ப்பணிப்பை இது அடிக்கோடிட்டுக் காட்டுகிறது எனவும் குறிப்பிடப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
