பிக் டிக்கெட்டின் ‘டியர் பிக் டிக்கெட்’: உங்கள் விருப்பங்களை நிறைவேற்ற உதவும் சிறந்த வாய்ப்பு..!!

அபுதாபியில் நடத்தப்பட்டு வரும் ராஃபிள் டிராவான ‘பிக் டிக்கெட்’ மனதைத் தொடும் சமூக பிரச்சாரமான ‘டியர் பிக் டிக்கெட்’ எனும் சிறப்பு முயற்சியை மீண்டும் அறிமுகப்படுத்தியுள்ளது. அதாவது இதற்கு முன் இரண்டு சீசன்கள் முடிவடைந்த நிலையில் இப்போது மூன்றாவது சீசனில் மீண்டும் வருவதாக அறிவித்துள்ளது. இதன்படி ஜூலை முதல் செப்டம்பர் 2025 வரை நடைபெறும் இந்த முயற்சி, ஐக்கிய அரபு அமீரகக் குடியிருப்பாளர்கள் தங்கள் மிகவும் அர்த்தமுள்ள விருப்பங்களைப் பகிர்ந்து கொள்ள அழைக்கிறது, அவை நிறைவேறுவதைக் காண இது ஒரு சிறந்த வாய்ப்பாகும். இந்த ஆண்டு பிரச்சாரம் பின்வரும் ஐந்து முக்கிய பிரிவுகளில் கவனம் செலுத்துகிறது. அவை சுகாதாரம் மற்றும் நல்வாழ்வு, கல்வி, வீட்டுவசதி, வணிகம் மற்றும் தொழில்முனைவோர் மற்றும் குடும்ப மறு இணைவு ஆகியவை ஆகும்.

டிக்கெட் வாங்க தேவையில்லை

டியர் பிக் டிக்கெட்டில் பங்கேற்பு முற்றிலும் இலவசம். இதில் நுழைய நீங்கள் ஒரு பிக் டிக்கெட்டை வாங்க வேண்டியதில்லை. அதற்கு பதிலாக அதிகாரப்பூர்வ வலைத்தளமான [www.bigticket.ae] இல் உள்நுழைந்து அல்லது புதிய கணக்கை உருவாக்கி, உங்கள் விருப்பத்தை ஒரு சிறுகதையாக (1,000 எழுத்துக்கள் வரை) அல்லது 1 நிமிட வீடியோவாக சமர்ப்பிக்கவும்.

2018 ஆம் ஆண்டு தொடங்கப்பட்டதிலிருந்து, டியர் பிக் டிக்கெட் இதயப்பூர்வமான விருப்பங்களை யதார்த்தமாக மாற்றியுள்ளது, மருத்துவ சிகிச்சைகள் மற்றும் கல்விக் கட்டணங்களுக்கு உதவுவது முதல் பல வருட இடைவெளிக்குப் பிறகு குடும்பங்களை மீண்டும் ஒன்றிணைப்பது வரை வெற்றிகரமாக அவரவர் விருப்பங்களை நிறைவேற்றியுள்ளது.

இது குறித்து பிக் டிக்கெட் அபுதாபியின் சந்தைப்படுத்தல் தலைவர் போக்டன் லெஃப்டர் பேசுகையில், “எங்களைத் தொடர்ந்து ஊக்குவிக்கும் சமூகத்திற்குத் திருப்பித் தருவதற்காக நாங்கள் இந்தப் பிரச்சாரத்தைத் தொடங்கினோம், ஒவ்வொரு விருப்பமும் ஒரு சக்திவாய்ந்த கதையைச் சொல்கிறது. இது பரிசுகளைப் பற்றியது மட்டுமல்ல – இது உண்மையான மக்களையும் உண்மையான கனவுகளையும் பற்றியது” என்று விவரித்துள்ளார்.

இது எவ்வாறு செயல்படுகிறது?

• ஜூலை 7 முதல் ஜூலை 27 வரை- 18 வயது அல்லது அதற்கு மேற்பட்ட UAE குடியிருப்பாளர்கள் www.bigticket.ae இல் தங்கள் விருப்பங்களைச் சமர்ப்பிக்கலாம். ஒவ்வொரு வாரமும், ஐந்து சிறந்த விருப்பங்கள் பட்டியலிடப்படும். இவை குறுகிய வீடியோக்களாக மாற்றப்பட்டு bigticket.ae மற்றும் Asianet TV இல் பகிரப்படும், அங்கு பொதுமக்கள் தங்களுக்குப் பிடித்தவர்களுக்கு வாக்களிக்கலாம்.
• வாக்களிக்கும் காலம்: ஆகஸ்ட் 4 முதல் ஆகஸ்ட் 24 வரை
• வெற்றியாளர்கள் அறிவிப்பு:செப்டம்பர் 1 முதல் 15 வரை

ஒவ்வொரு வாரமும் அதிக வாக்குகளைப் பெறும் இரண்டு வெற்றியாளர்கள் தங்கள் கனவை நனவாக்க 100,000 திர்ஹம் ரொக்கத்தைப் பெறுவார்கள். மீதமுள்ள ஒன்பது இறுதிப் போட்டியாளர்களுக்கு ஊக்கமளிக்கும் விதமாக 10,000 திர்ஹம் வழங்கப்படும் எனக் கூறப்பட்டுள்ளது. கூடுதலாக, வாக்காளர்களும் இந்த பிரச்சாரத்தில் வெற்றி பெறுவதற்கான வாய்ப்பு உள்ளது, அதாவது ஒவ்வொரு வாக்கும் ஐந்து இலவச பிக் டிக்கெட்டுகளுக்கான வாராந்திர டிராவில் நுழையும் வாய்ப்பை வழங்கும் என்று தெரிவிக்கப்பட்டுள்ளது.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel