துபாயின் சாலைகள் மற்றும் போக்குவரத்து ஆணையம் (RTA), கியோலிஸ்-MHI (Keolis–MHI) உடன் இணைந்து, அனைத்து துபாய் மெட்ரோ நிலையங்கள் மற்றும் துபாய் டிராம் முழுவதும் வழி கண்டறியும் பலகைகளை (wayfinding signage) நவீனமயமாக்கும் ஒரு பெரிய அளவிலான திட்டத்தை முடித்துள்ளது.
இந்த முயற்சி ரெட் மற்றும் கிரீன் லைன்கள் இரண்டையும் உள்ளடக்கியது மற்றும் தினசரி நெட்வொர்க்கைப் பயன்படுத்தும் ஆயிரக்கணக்கான பயணிகளுக்கு பயணத்தை எளிதாக, வேகமாக மற்றும் மிகவும் தடையற்றதாக மாற்ற வடிவமைக்கப்பட்டுள்ளதாக ஆணையம் தெரிவித்துள்ளது.
இது குறித்து RTAவின் ரயில் ஏஜென்சியின் ரயில் செயல்பாட்டு இயக்குநர் ஹசன் அல் முதாவா அவர்கள் கூறுகையில், வழிகாட்டுதல் அமைப்புகளை தொடர்ந்து மதிப்பாய்வு செய்து மேம்படுத்துவதன் மூலம் பொது போக்குவரத்து சேவைகளை மேம்படுத்துவதற்கான RTAவின் தற்போதைய உத்தியை இந்த மேம்படுத்தல் பிரதிபலிக்கிறது என்று வலியுறுத்தியுள்ளார். இந்தத் திட்டத்தின் ஒரு பகுதியாக, சுமார் 9,000 வழி கண்டறியும் பலகைகள் (wayfinding signs) நிறுவப்பட்டு மாற்றப்பட்டதாகவும், இதற்கு கிட்டத்தட்ட 11,000 வேலை நேரங்கள் தேவைப்பட்டன என்றும் அல் முதாவா விளக்கியுள்ளார்.
பயணிகள் திருப்திக்கான RTAவின் உறுதிப்பாட்டை இந்த திட்டம் அடிக்கோடிட்டுக் காட்டுகிறது என்று சுட்டிக்காட்டிய அதிகாரி, மெட்ரோ மற்றும் டிராம் நெட்வொர்க்கை மேலும் அணுகக்கூடியதாகவும், நம்பகமானதாகவும், பயனர் நட்பாகவும் மாற்றுகிறது என்றும் வலியுறுத்தியுள்ளார்.
முக்கிய மேம்பாடுகள் பின்வருமாறு:
வெளியேறும் பலகைகள் (exit signage): அதிகத் தெரிவுநிலைக்காக வெளியேறும் இடங்கள் இப்போது பிரகாசமான மஞ்சள் பெட்டிகளால் குறிக்கப்பட்டுள்ளன.
தரை ஸ்டிக்கர்கள் மற்றும் பிளாட்ஃபார்ம் குறிகாட்டிகள் (floor stickers and platform indicators): இவை பயணிகள் சரியான ரயில் பாதைகளை விரைவாக அடையாளம் காண உதவுகின்றன, நெரிசலைக் குறைக்கின்றன மற்றும் நிலையங்களுக்குள் பயணிகளின் ஓட்டத்தை ஒழுங்குபடுத்துகின்றன.
நினைவூட்டல்கள்: காத்திருப்பு பகுதிகள் மற்றும் பிளாட்ஃபார்ம்களில் வைக்கப்பட்டுள்ள ஸ்டிக்கர்கள் மரியாதையான நடத்தையை ஊக்குவிக்கின்றன, அத்துடன் அனைவருக்கும் மிகவும் இனிமையான பயணத்தை உறுதி செய்கின்றன.
கேபின் சிக்னல் மேம்பாடுகள்
பெண்கள் மற்றும் குழந்தைகளுக்கான கேபின்கள் மற்றும் கோல்டு கிளாஸ் கேபின்கள் ஆகியவற்றிற்கு சிறப்பு கவனம் செலுத்தப்பட்டதாக RTA தெரிவித்துள்ளது. மேலும், தரை அடையாளங்கள் தடிமனான பிங்க் மற்றும் கோல்ட் பலகைகளால் மாற்றப்பட்டன, தவறாகப் பயன்படுத்துவதைத் தடுக்கவும், இந்த நியமிக்கப்பட்ட பகுதிகளில் பயணிகளுக்கு வசதியைப் பராமரிக்கவும் தெளிவாக பெயரிடப்பட்டுள்ளன.
அதுமட்டுமில்லாமல், நிலைத்தன்மையைப் பராமரிக்க, புதுப்பிக்கப்பட்ட வழி கண்டறியும் வழிகாட்டுதல் RTA இன் ஸ்மார்ட் அப்ளிகேஷன், தள அறிவிப்புகள் (platform announcement) , ரயில் அறிவிப்புகள் மற்றும் சமூக ஊடக சேனல்கள் முழுவதும் ஒன்றிணைக்கப்பட்டுள்ளதும் குறிப்பிடத்தக்கது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
