துபாயின் சாலைகள் மற்றும் போக்குவரத்து ஆணையம் (RTA) நகரம் முழுவதும் சாலைத் திட்டங்களில் பெரிய முன்னேற்றத்தை அறிவித்துள்ளது, தற்போது அல் கவானீஜ் 2 (Tolerance District) மற்றும் ஜெபல் அலி இண்டஸ்ட்ரியல் ஏரியா 1 ஆகியவற்றில் உள்கட்டமைப்பு பணிகளை முடித்துள்ளதாகவும், அதே நேரத்தில் ஆறு குடியிருப்பு பகுதிகளில் பணிகள் நடைபெறுவதாகவும் RTA ஒரு அறிக்கையில் தெரிவித்துள்ளது.
RTA வெளியிட்டுள்ள விபரங்களின் படி, எட்டு பகுதிகளிலும் உள்ள சாலைகளின் மொத்த நீளம் 103 கிலோமீட்டர் ஆகும். இத்திட்டம் துபாயின் வளர்ந்து வரும் மக்கள்தொகையின் தேவைகளைப் பூர்த்தி செய்தல், பாதுகாப்பை மேம்படுத்துதல் மற்றும் சிறந்த தெரு விளக்குகள், மழைநீர் வடிகால் அமைப்பு, சைக்கிளிங் பாதைகள் மற்றும் மென்மையான போக்குவரத்து ஓட்டம் மூலம் வாழ்க்கைத் தரத்தை மேம்படுத்துவதை நோக்கமாகக் கொண்டுள்ளது.
முடிக்கப்பட்ட திட்டங்கள்
அல் கவானீஜ் 2 (Tolerance District): இத்திட்டத்தின் கீழ், 6 கி.மீ உள் சாலைகள், அம்மான் ஸ்ட்ரீட் மற்றும் அருகிலுள்ள பாதைகளுடன் இணைக்கப்பட்டுள்ளன. கூடுதலாக, 765 சாலையோர பார்க்கிங் இடங்கள், 178 விளக்கு கம்பங்கள் மற்றும் ஒரு சைக்கிள் ஓட்டுதல் பாதை சேர்க்கப்பட்டுள்ளன.
ஜெபல் அலி தொழில்துறை பகுதி 1: இத்திட்டத்தின் கீழ், 27 கி.மீ நீளத்திற்கு சாலைகள் கட்டப்பட்டு மேம்படுத்தப்பட்டுள்ளன. மேலும், ஃபர்ஸ்ட் அல் கைல் ஸ்ட்ரீட் மற்றும் ஸ்ட்ரீட் 23 இன்டர்செக்ஷனில் உள்ள ரவுண்டானா சிக்னல் செய்யப்பட்ட ஜங்ஷன்களாக மாற்றப்பட்டுள்ளது. அத்துடன் கனரக வாகன போக்குவரத்தை ஆதரிக்க 7 புதிய ரவுண்டானாக்கள் அமைக்கப்பட்டுள்ளன. இதன் மூலம், ஒரு சாலைக்கு ஒரு மணி நேரத்திற்கு 3,000 வாகனங்களாக சாலை திறன் அதிகரிக்கப்பட்டுள்ளது. 42 கி.மீட்டருக்கு சாலை விளக்குகள் நிறுவுவதும் இத்திட்டத்தில் அடங்கும்.
செயல்பாட்டில் இருக்கும் திட்டங்கள்
அல் அவீர் 1: 2026 ஆம் ஆண்டின் இரண்டாம் காலாண்டில் நிறைவடையும் என்று எதிர்பார்க்கப்படும் இத்திட்டத்தில் பின்வரும் மேம்பாடுகள் அடங்கும்:
- முகமது பின் ரஷீத் வீட்டுவசதி திட்டத்தின் உள்ளே 5 கி.மீ உட்பட 16.5 கி.மீ உள் சாலைகள்.
- எமிரேட்ஸ் சாலையை அல் அவீர் 1 உடன் இணைக்கும் புதிய 7.5 கி.மீ நான்கு வழி சாலை.
- 4 கி.மீ புதிய பாதையுடன் எமிரேட்ஸ் சாலையின் விரிவாக்கம். இதன் வேக வரம்பு மணிக்கு 110 கிமீ மற்றும் மணிக்கு 2,000 வாகனங்கள் செல்லக்கூடியது.
நாத் அல் ஷெபா 1, 3 மற்றும் 4:
- 32 கி.மீ புதிய மற்றும் மேம்படுத்தப்பட்ட சாலைகள்.
- 15 கி.மீ பாதசாரி நடைபாதைகள் மற்றும் சைக்கிள் ஓட்டுதல் பாதைகள்.
- பார்க்கிங், நிலத்தோற்றம் மற்றும் பாதுகாப்பான பாதசாரி அணுகல் சேர்க்கப்படுகிறது.
- நாத் அல் ஷெபா 1 திட்டம் இந்த ஆண்டு இறுதிக்குள் நிறைவடையும் என்று எதிர்பார்க்கப்படுகிறது, அதே நேரத்தில் நாத் அல் ஷெபா 3 மற்றும் 4 இல் பணிகள் 2027 முதல் காலாண்டில் நிறைவடையும் என்று எதிர்பார்க்கப்படுகிறது.
அல் வர்கா:
ஷேக் முகமது பின் சையத் சாலையில் இருந்து நேரடியாக புதிய என்ட்ரி/எக்ஸிட்.
- ரவுண்டானாக்களை சிக்னல் செய்யப்பட்ட இண்டர்செக்ஷன்களாக மாற்றுதல்.
- மேம்படுத்தப்பட்ட விளக்குகள் மற்றும் பார்க்கிங்.
- 350,000+ குடியிருப்பாளர்களுக்கு சேவை செய்யும், பயண நேரத்தை 80% (20 நிமிடங்கள் → 3.5 நிமிடங்கள்) குறைக்கும்.
- நிறைவு: 2025 ஆம் ஆண்டின் இறுதியில் முடிக்கப்படும் என்று தெரிவிக்கப்பட்டுள்ளது.
வாடி அல் அமர்டி:
- திரிபோலி ஸ்ட்ரீட்டில் (Tripoli Street) 4 கி.மீ விரிவாக்கம் உட்பட 15 கி.மீ புதிய சாலைகள்.
- 405 விளக்கு கம்பங்கள் மற்றும் 1,000 சாலையோர பார்க்கிங் இடங்கள்.
30,000 குடியிருப்பாளர்களுக்கு சேவை செய்யும், பயண தூரத்தை 5 கி.மீட்டரிலிருந்து 1 கி.மீட்டராகக் குறைக்கும் எனக் கூறப்பட்டுள்ளது. - நிறைவு: 2026 ஆம் ஆண்டின் 3வது காலாண்டில் பணிகள் முடிவடையும் என்று அதிகாரிகள் கூறியுள்ளனர்.
இந்த மேம்பாடுகள் சில பகுதிகளில் போக்குவரத்து திறனை இரட்டிப்பாக்குவதையும், பாதுகாப்பை மேம்படுத்துவதையும், தினசரி பயணங்களை வேகமாகவும் எளிதாகவும் மாற்றுவதையும் நோக்கமாகக் கொண்டுள்ளன என்று RTA இன் இயக்குநர் ஜெனரல் மட்டர் அல் டாயர் கூறியுள்ளார். எனவே, பல குடியிருப்பாளர்களுக்கு, குறுகிய பயண நேரங்கள், பாதுகாப்பான சுற்றுப்புற சாலைகள் மற்றும் பள்ளிகள், பூங்காக்கள் மற்றும் ஷாப்பிங் மையங்களுக்கு சிறந்த அணுகல் இதன் மூலம் கிடைக்கும் என கூறப்படுகின்றது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
