துபாய் மெட்ரோ ப்ளூ லைனில் கட்டுமானப் பணிகளைத் தொடங்குவதற்கு வசதியாக, சாலைகள் மற்றும் போக்குவரத்து ஆணையம் (RTA) டிராகன் மார்ட் முன், இன்டர்நேஷனல் சிட்டி 1 நோக்கி புதிய போக்குவரத்து மாற்றம் ஒன்றை அறிமுகப்படுத்தியுள்ளது.
இது தொடர்பாக RTA வெளியிட்ட ஒரு சமூக ஊடகப் பதிவில், “துபாயில் ஒரு சீரான பயணத்தை உறுதி செய்வதற்காக, மெட்ரோ ப்ளூ லைன் பணிகளுக்காக டிராகன் மார்ட் அருகே போக்குவரத்து மாற்றம் செய்யப்பட்டுள்ளதாக RTA அறிவித்துள்ளது. சாலைகளில் உள்ள திசை அடையாளங்களைப் பின்பற்றி முன்கூட்டியே திட்டமிடுங்கள்” என்று வாகன ஓட்டிகளை அறிவுறுத்தியுள்ளது.
RTA வெளியிட்ட அறிக்கையின் படி, வாகன ஓட்டுநர்கள் திசை அடையாளப் பலகைகளில் கவனம் செலுத்தவும், தங்கள் பயணங்களை முன்கூட்டியே திட்டமிடவும், தாமதங்களைத் தவிர்க்க மாற்று வழிகளைக் கருத்தில் கொள்ளவும் வலியுறுத்தப்படுகிறார்கள்.
மெட்ரோ ப்ளூ லைன் திட்டம் துபாயின் முக்கிய போக்குவரத்து விரிவாக்கங்களில் ஒன்றாகும், இது இணைப்பை மேம்படுத்தவும் நகரம் முழுவதும் நெரிசலைக் குறைக்கவும் வடிவமைக்கப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
