ஐக்கிய அரபு அமீரக அதிபர் ஷேக் முகமது பின் சையத் அல் நஹ்யான் அவர்கள் இன்று (செப்டம்பர் 10, புதன்கிழமை) கத்தார் நாட்டின் தலைநகர் தோஹாவிற்கு சகோதரத்துவ விஜயமாக வருகை தந்துள்ளார். ஹமாத் சர்வதேச விமான நிலையத்தில் வந்திறங்கிய அவரை, கத்தார் எமீர் ஷேக் தமீம் பின் ஹமாத் அல் தானி அவர்கள் அன்புடன் வரவேற்ற புகைப்படங்கள் ஊடகங்களில் வெளியிடப்பட்டுள்ளன.
ஐக்கிய அரபு அமீரக அதிபரை வரவேற்க எமீரின் தனிப்பட்ட பிரதிநிதி ஷேக் ஜாசிம் பின் ஹமாத் அல் தானி, பிரதமர் மற்றும் வெளியுறவு அமைச்சர் ஷேக் முகமது பின் அப்துல்ரஹ்மான் அல் தானி, பல ஷேக்குகள், அமைச்சர்கள் மற்றும் மூத்த அதிகாரிகளும் விமான நிலையத்தில் இருந்ததாகக் கூறப்படுகின்றது. இஸ்ரேல்-கத்தார் இடையே போர்ப் பதற்றம் நிலவும் நிலையில், அமீரக அதிபரின் வருகை உலக நாடுகள் மற்றும் ஊடகங்களின் கவனத்தை ஈர்த்துள்ளது.
கத்தாருக்கு வருகை புரிந்ததையடுத்து மற்றொரு வளைகுடா நாடான பஹ்ரைனுக்கும் சகோதரத்துவ வருகை புரிந்துள்ளார். அங்கும் அவருக்கு உயர் அதிகாரிகள் அனைவரும் வரவேற்றுள்ளனர் என்பது குறிப்பிடத்தக்கதாகும்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
