மிக உயரமான கட்டிடம் முதல் ஆழமான நீச்சல் குளம் வரை அனைத்திலும் உலக சாதனைகளை படைக்கும் நகரமான துபாய், அதன் வளர்ந்து வரும் சாதனைகளின் பட்டியலில் மற்றொரு தனித்துவமான பட்டத்தை சேர்த்துள்ளது. இந்த முறை, எதிர்பாராத பிரிவில் சாதனையைப் பதிவு செய்துள்ளது, ஆம், தாடியை ட்ரிம் செய்வதில் எமிரேட் புதிய கின்னஸ் சாதனை படைத்தது.
துபாய் உலக வர்த்தக மையத்தில் நடைபெற்ற ‘Beautyworld Middle East 2025’ இல், GCC மற்றும் லெபனானைச் சேர்ந்த 48 முடிதிருத்தும் குழுவினர் ஒரு மணி நேரத்தில் அதிக நபர்களுக்கு தாடி ட்ரிம் செய்தல் மற்றும் ஷேவ் செய்ததற்காக புதிய கின்னஸ் உலக சாதனையைப் படைத்த நிகழ்வு மக்கள் கவனத்தை ஈர்த்துள்ளது.
இந்த சாதனை முயற்சி, ‘STMNT Grooming’ உடன் இணைந்து, ‘BeautyLive by Fresha’வின் கீழ் ஏற்பாடு செய்யப்பட்டதாகக் கூறப்படுகிறது. 24 அழகுபடுத்தல் நிலையங்களில் பணியாற்றும் சலூன் கடை ஊழியர்கள், 190 ஆண்களின் தாடியை வெறும் 60 நிமிடங்களில், அதாவது சராசரியாக ஒவ்வொரு 19 வினாடிகளுக்கும் ஒரு நபருக்கு ஷேவ் செய்து வியப்பில் ஆழ்த்தியுள்ளனர். மேலும், இந்த நிகழ்வு கவனமாக நேரம் நிர்ணயிக்கப்பட்டு, அதிகாரப்பூர்வ கின்னஸ் தீர்ப்பாளரால் சரிபார்க்கப்பட்டதாகக் கூறப்படுகிறது.
இதை இன்னும் சிறப்பானதாக்குவது என்னவென்றால், இந்த சாதனை இதற்கு முன்பு இல்லை. ஏற்பாட்டாளர்கள் கின்னஸ் உலக சாதனைகளுடன் இணைந்து ஒரு புதிய வகையை உருவாக்கி அசத்தியுள்ளனர், இது துபாயின் எளிய செயல்களைக் கூட உலகத் தரம் வாய்ந்த சாதனைகளாக மாற்றும் திறனைக் காட்டுகிறது.
சரியாக ஒரு மணி நேர இடைவிடாமல் ட்ரிம் செய்த பிறகு, நடுவர் இறுதியாக கூறியதாவது: “அனைத்து விதிகளும் பின்பற்றப்பட்டன – வாழ்த்துக்கள்! ஒரு குழுவால் ஒரு மணி நேரத்தில் முடிக்கப்பட்ட தொடர்ச்சியான தாடி ட்ரிம்கள் மற்றும் ஷேவ்கள் 190 ஆகும்.” என்று அதிகாரப்பூர்வமாக அறிவித்ததாகக் கூறப்படுகிறது.
இதில் மற்றொரு விஷயம் என்னவென்றால், முகமது நூர் அத்வான் என்ற வாடிக்கையாளர் விவரம் தெரியாமல் அங்கு ட்ரிம் செய்ய சென்றிருக்கிறார். “இது ஒரு வழக்கமான தாடி வெட்டுதல் என்று நான் நினைத்தேன், அப்போது மக்கள் ஆரவாரம் செய்யத் தொடங்கினர், கேமராக்கள் ஒளிர்ந்தன – அப்போதுதான் நான் ஒரு உலக சாதனையின் ஒரு பகுதியாக இருப்பதை உணர்ந்தேன்!” என்று ஆச்சரியத்தை வெளிப்படுத்தியுள்ளார்.
முடிதிருத்துபவர்கள் பெருமிதம்
முடிதிருத்தும் கலைஞர்களைப் பொறுத்தவரை, இது ஒரு சாதனை மட்டுமல்ல, இது அவர்களின் கலை மற்றும் குழுப்பணியை பிரதிநிதித்துவப்படுத்துவது பற்றியது.
“இந்த தருணம் எங்களுக்கு மிகப்பெரியது, 47 பிற சலூன் கலைஞர்களுடன் சரியான ஒத்திசைவில் இணைந்து பணியாற்றுவது எங்கள் தொழிலில் ஒற்றுமையையும் திறமையையும் காட்டியது.” என்று முடிதிருத்தும் கலைஞர் ஒருவர் தெரிவித்துள்ளார்.
மற்றொரு பங்கேற்பாளர், இதை தனது தொழில் வாழ்க்கையின் பெருமைமிக்க தருணங்களில் ஒன்றாகக் கூறியுள்ளார். “நாங்கள் ஒரு மணி நேரம் இடைவிடாமல் ட்ரிம் செய்து ஷேவ் செய்தோம். அது விறுவிறுப்பாக இருந்தது ஆனால் ஆழ்ந்த திருப்தியை அளித்தது” என்று அவர் விவரித்துள்ளார்.
ஒரு மணி நேரத்தில் 190 தாடி டிரிம்கள் முடிக்கப்பட்டதன் மூலம், இந்த நிகழ்வு உலக சாதனை படைத்தது மட்டுமல்லாமல் கின்னஸ் புத்தம் புதிய கின்னஸ் பிரிவையும் உருவாக்கியது. இது துபாயின் புதுமை உணர்வையும் அதன் முடி திருத்துபவர்களின் கலைத்திறனையும் வெளிப்படுத்துகிறது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
