துபாயின் சாலைகள் மற்றும் போக்குவரத்து ஆணையம் (RTA), நகரத்தில் மேற்கொள்ளப்பட்டு வரும் ஒரு முக்கிய உள்கட்டமைப்பு திட்டமான துபாய் மெட்ரோ ப்ளூ லைன் திட்டத்தின் கட்டுமானப் பணிகள் காரணமாக புதிய போக்குவரத்து மாற்றங்கள் குறித்து அறிவித்துள்ளது.
போக்குவரத்து புதுப்பிப்பு:
இத்திட்டத்தின் இரண்டாம் கட்ட கட்டுமானத்தின் ஒரு பகுதியாக, ராஸ் அல் கோர் சாலையிலிருந்து இன்டர்நேஷனல் சிட்டி 1 நுழைவாயில் மூடப்பட்டுள்ளது. எனவே, இந்தப் பகுதியை நோக்கிச் செல்லும் வாகன ஓட்டிகள் தங்கள் இலக்குகளை அடைய மாற்று சாலை மற்றும் இணையான அணுகல் சாலையைப் பயன்படுத்துமாறு அறிவுறுத்தப்படுகிறார்கள்.
குறிப்பாக நெரிசலான நேரங்களில், தங்கள் பயணங்களை முன்கூட்டியே திட்டமிடவும், போக்குவரத்து நெரிசல் மற்றும் தாமதங்களைத் தவிர்க்க, ஆன்-சைட் திசை அடையாளப் பலகைகளைப் பின்பற்றவும் RTA ஓட்டுநர்களை வலியுறுத்துகிறது.
நகரம் முழுவதும் கூடுதல் போக்குவரத்து மாற்றங்கள்
இந்த போக்குவரத்து மாற்றங்கள் இன்டர்நேஷனல் சிட்டிக்கு மட்டும் அல்ல. ப்ளூ லைன் திட்டத்தால் மேலும் பல பகுதிகளில் போக்குவரத்து மாற்றம் அறிவிக்கப்பட்டுள்ளது:
- ஏர்போர்ட் சாலையில் இருந்து சென்டர்பாயிண்ட் நிலையத்தின் மல்ட்டி-ஸ்டோரி கார் பார்கிங் இடத்திற்குச் செல்லும் சாலை மூடல்
- அகாடமிக் சிட்டியில் மாற்றுப்பாதைகள்
- மிர்டிஃபில் போக்குவரத்து மாற்றுப்பாதைகள்
மெட்ரோ விரிவாக்கம் தொடரும் போது கட்டுமானப் பணிகளை எளிதாக்குவதற்கும் பாதுகாப்பை உறுதி செய்வதற்கும் இந்த அனைத்து மாற்றங்களும் அவசியம் என்று ஆணையம் எடுத்துரைத்துள்ளது.
துபாய் மெட்ரோ ப்ளூ லைன்
2029 ஆம் ஆண்டில் நிறைவடையவுள்ள 30 கிலோமீட்டர் நீளமுள்ள ப்ளூ லைனில் பின்வருவன அடங்கும்:
- ரெட் மற்றும் கிரீன் பாதைகளுடன் இணைக்கும் 3 பரிமாற்ற நிலையங்களுடன் 14 நிலையங்கள்
- 9 நிலையங்கள் (elevated stations) மற்றும் 5 நிலத்தடி நிலையங்கள் (underground station)
- துபாய் க்ரீக் ஹார்பரில் அமையவுள்ள எமார் பிராப்பர்டீஸ் நிலையம், 74 மீட்டர் உயரத்தில் உலகின் மிக உயரமான மெட்ரோ நிலையமாக மாற உள்ளது
வாகன ஓட்டுநர்களுக்கான ஆலோசனை
- பயணங்களை முன்கூட்டியே திட்டமிடுங்கள்
- நெரிசலான நேரங்களில் பயணம் செய்வதைத் தவிர்க்கவும்
- மாற்று வழிகளைப் பயன்படுத்தவும்
- புதுப்பிக்கப்பட்ட போக்குவரத்து அடையாளம் மற்றும் மாற்று வழிகளைப் பின்பற்றவும்
இந்த காலகட்டத்தில் போக்குவரத்து மாற்றங்கள் குறித்து தகவலறிந்திருப்பது மற்றும் பயணத் திட்டங்களை சரிசெய்வது தாமதங்களைக் குறைக்கவும் பாதுகாப்பை உறுதிப்படுத்தவும் உதவும்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
