ஐக்கிய அரபு அமீரகத்தின் அடையாளம், குடியுரிமை, சுங்கம் மற்றும் துறைமுகப் பாதுகாப்புக்கான கூட்டாட்சி ஆணையம் (ICP) ஒரு புதிய முயற்சியை அறிமுகப்படுத்தியுள்ளது. “The Authority at Your Service” என்ற இந்த முயற்சி, வாடிக்கையாளர்கள் எளிதான, வட்டி இல்லாத தவணைகளில் சேவைக் கட்டணங்களை செலுத்த அனுமதிக்கும் என்று கூறப்படுகிறது. அரசாங்க சேவைகளை மேலும் அணுகக்கூடியதாகவும் நிதி ரீதியாக நிர்வகிக்கக்கூடியதாகவும் மாற்றும் ஒரு நடவடிக்கையாக இது வந்துள்ளது.
துபாயில் நடைபெற்று வரும் ‘GITEX Global 2025’ கண்காட்சியில் தொடங்கப்பட்ட இந்த எளிதான கட்டணத் திட்டம், நாட்டின் “Year of Community 2025”க்கு இணங்க, மற்றும் நெகிழ்வான அரசாங்க சேவைகள் மூலம் குடியிருப்பாளர்களின் வாழ்க்கைத் தரத்தை மேம்படுத்துவதற்கான அமீரகத்தின் பரந்த பார்வையின் ஒரு பகுதியாகும் என்று அதிகாரிகள் தெரிவித்துள்ளனர்.
முக்கிய விபரங்கள்
திட்டத்தின் முதல் கட்டத்தின் கீழ்:
- 500 திர்ஹம்ஸ் அல்லது அதற்கு மேற்பட்ட சேவை கட்டணங்களைக் கொண்ட வாடிக்கையாளர்கள் இப்போது 3 முதல் 12 மாதங்களுக்கு 0% வட்டி விகிதத்துடன் தவணைகளில் செலுத்தலாம் என்று அறிவிக்கப்பட்டுள்ளது. மேலும், இத்திட்டத்தில் பங்கேற்கும் 10 அமீரக வங்கிகளில் கிரெடிட் கார்டு வைத்திருப்பவர்களுக்கு மட்டுமே இந்த சலுகை கிடைக்கிறது என்பதும் தெளிவுபடுத்தப்பட்டுள்ளது.
பங்கேற்கும் வங்கிகள்:
- ஃபர்ஸ்ட் அபுதாபி பேங்க்
- அபுதாபி இஸ்லாமிக் பேங்க்
- அபுதாபி கமெர்ஷியல் பேங்க்
- எமிரேட்ஸ் இஸ்லாமிக் பேங்க்
- எமிரேட்ஸ் NBD
- துபாய் கமெர்ஷியல் பேங்க்
- ஷார்ஜா இஸ்லாமிக் பேங்க்
- மஷ்ரெக் பேங்க்
- RAKBANK
- கமெர்ஷியல் இன்டர்நேஷனல் பேங்க்
வாடிக்கையாளர்கள் தங்கள் வங்கியின் அழைப்பு மையம் அல்லது பிற சேவை சேனல்கள் மூலம் வட்டியில்லா தவணை கட்டணத் திட்டத்தை செயல்படுத்தலாம் என்றும் கூறப்பட்டுள்ளது.
இது குறித்து ICPயின் இயக்குநர் ஜெனரல் மேஜர் ஜெனரல் சுஹைல் சயீத் அல் கைலி அவர்கள் கூறுகையில், இந்த முயற்சி ஐக்கிய அரபு அமீரகத்தின் தொழில்நுட்பம் சார்ந்த எதிர்காலத்துடன் ஒத்துப்போகும் புதுமையான நிதி தீர்வுகளை ஏற்றுக்கொள்வதற்கான அதிகாரசபையின் முயற்சிகளை பிரதிபலிக்கிறது என்று வலியுறுத்தியுள்ளார்.
“இந்த முயற்சி வாடிக்கையாளர்கள் மீதான நிதி அழுத்தத்தைக் குறைப்பதையும், அவர்களின் நிதிக் கடமைகளை நிர்வகிக்க அவர்களுக்கு நெகிழ்வான விருப்பங்களை வழங்குவதையும் நோக்கமாகக் கொண்டுள்ளது” என்றும் அவர் தெரிவித்துள்ளார். அவரது கூற்றுப்படி, இந்த முயற்சி, வாடிக்கையாளர்களின் சேவை அனுபவத்தை ஒரு தடையற்ற மற்றும் நேர்மறையான பயணமாகவும் மாற்றுகிறது என்பது குறிப்பிடத்தக்கது.
ஆதரவு சேவைகளின் செயல் இயக்குநர் ஜெனரல் மேஜர் ஜெனரல் அகமது மயூஃப் அல் அம்ரி, இந்த நடவடிக்கை அரசாங்க சேவைகளில் செயல்திறன் மற்றும் வசதிக்கான புதிய அளவுகோல்களை அமைக்கிறது, நிதி தொடர்புகளை மென்மையாகவும் பயனர் நட்பாகவும் ஆக்குகிறது என்று கூறியுள்ளார்.
ரெசிடென்சி பெர்மிட், விசா புதுப்பித்தல்கள் மற்றும் பிற ICP தொடர்பான செயல்முறைகள் போன்ற அத்தியாவசிய சேவைகளுக்கான பெரிய கட்டணங்களின் சுமையைக் குறைக்க இந்தத் திட்டம் வடிவமைக்கப்பட்டுள்ளது என்று அதிகாரிகள் தெரிவித்துள்ளனர்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
