UAE லாட்டரியின் வரலாற்றில் முதன்முறையாக, ஒரு இந்தியர் 100 மில்லியன் திர்ஹம்ஸ் (240 கோடி ரூபாய் ) என்ற மிகப்பெரிய ஜாக்பாட் பரிசை வென்றுள்ளதாக அறிவிக்கப்பட்டுள்ளது, வெற்றியாளரின் வாழ்க்கையை மாற்றும் இந்த வெற்றி நாட்டின் லாட்டரி வரலாற்றில் ஒரு சாதனை மைல்கல்லைக் குறிக்கிறது.
அபுதாபியில் வசிக்கும் 29 வயதான இந்தியர் அனில்குமார் பொல்லா, அக்டோபர் 18, 2025 சனிக்கிழமை நடைபெற்ற தி UAE லாட்டரியின் 23வது லக்கி டே டிரா #251018 இல் மிகப்பெரிய ரொக்கப்பரிசை வென்றுள்ளார். இருந்தபோதிலும் முதல் முறையாக, லாட்டரி நிர்வாகம் பொல்லாவின் புகைப்படங்கள் மற்றும் வீடியோ காட்சிகளை நேற்று தான் வெளியிட்டது, அவரது அடையாளம் அக்டோபர் 27 திங்கள் வரை ரகசியமாக வைக்கப்பட்டிருந்தது குறிப்பிடத்தக்கது.
அனில்குமார் வீட்டில் ஓய்வெடுத்துக் கொண்டிருந்த நேரத்தில் தி UAE லாட்டரியிடமிருந்து வாழ்க்கையை மாற்றும் அழைப்பைப் பெற்றுள்ளார். லாட்டரி அறிமுகப்படுத்தப்பட்டதிலிருந்து தீவிர பங்கேற்பாளராக இருந்த அவர், இந்தச் செய்தியால் முற்றிலும் அதிர்ச்சியடைந்து மிகுந்த மகிழ்ச்சியடைந்ததாகவும் தனது வெற்றியின் யதார்த்தத்தைப் புரிந்துகொள்ள பல தருணங்கள் எடுத்துக் கொண்டதாகவும் தெரிவித்துள்ளார்.
“இந்த வெற்றி எனது கனவிற்கு அப்பாற்பட்டது” என்று நேர்காணலில் அனில் கூறியுள்ளார். “எனக்கு வெற்றி பெற்றதனால் அழைப்பு வந்தபோது, என்னால் அதை நம்ப கூட முடியவில்லை.” என்று உற்சாகத்தை வெளிப்படுத்தியுள்ளார்.
இந்த சாதனை வெற்றி, பண்டிகையான தீபாவளிக்கு சில நாட்களுக்கு முன்பு அறிவிக்கப்பட்டதால், “இது ஒரு ஆசீர்வாதமாக உணர்கிறேன், இதுபோன்ற ஒரு நல்ல சந்தர்ப்பத்தில் வெற்றி பெறுவது அதை இன்னும் அர்த்தமுள்ளதாக ஆக்குகிறது” என்று அனில்குமார் குறிப்பிட்டுள்ளார்.
இவருடன் சேர்ந்து அதே டிராவில் 10 அதிர்ஷ்டசாலி வெற்றியாளர்கள் தலா 100,000 திர்ஹம் பெற்றிருக்கின்றனர் என்பது குறிப்பிடத்தக்கதாகும்.
UAE லாட்டரி தொடங்கப்பட்டதில் இருந்து 200க்கும் மேற்பட்ட 100,000 திர்ஹம் வெற்றியாளர்களை அறிவித்துள்ளதுள்ளது, மேலும் 100,000க்கும் மேற்பட்ட பங்கேற்பாளர்கள் மொத்தம் 147 மில்லியன் திர்ஹம்ஸ்க்கும் அதிகமான பரிசுகளைப் பெற்றுள்ளனர்.
UAE லாட்டரியின் வணிக கேமிங் இயக்குநர் ஸ்காட் பர்டன், பொல்லாவை வாழ்த்தியதுடன், அவரது வெற்றியை வெற்றியாளருக்கும் நிறுவனத்திற்கும் ஒரு வரையறுக்கப்பட்ட தருணம் என்று விவரித்துள்ளார்.
இது குறித்து அவர் பேசுகையில், “முதலில், இந்த அற்புதமான வெற்றிக்கு அனில்குமாருக்கு வாழ்த்துக்கள், 100 மில்லியன் திர்ஹம்ஸ் பரிசு அவரது வாழ்க்கையை மாற்றுவது மட்டுமல்லாமல், UAE லாட்டரிக்கு ஒரு குறிப்பிடத்தக்க மைல்கல்லையும் குறிக்கிறது. இது ஒரு ஒழுங்குபடுத்தப்பட்ட, உற்சாகமான லாட்டரி அனுபவத்தை வழங்கும் அதே வேளையில் வாழ்க்கையை மேம்படுத்துவதற்கான எங்கள் நோக்கத்தை வலுப்படுத்துகிறது. லாட்டரியின் வளர்ந்து வரும் பங்கேற்பாளர் தளம் UAE முழுவதும் உள்ள பங்கேற்பாளர்களின் உண்மையான ஆர்வத்தையும் நம்பிக்கையையும் பிரதிபலிக்கிறது.” என்று தெரிவித்துள்ளார்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
