ஐக்கிய அரபு அமீரகத்தில் தொழிலாளர்களின் நலனுக்காக புதியதொரு அறிவிப்பை அரசு வெளியிட்டிருக்கின்றது. அதாவது தனிப்பட்ட கடனுக்கான நீண்டகால குறைந்தபட்ச சம்பளத் தேவையை ரத்து செய்யுமாறு நாடு முழுவதும் உள்ள வங்கிகளுக்கு அமீரக மத்திய வங்கி உத்தரவிட்டுள்ளது. முன்னதாக இது பெரும்பாலான நிறுவனங்களில் பொதுவாக 5,000 திர்ஹம் ஆக நிர்ணயிக்கப்பட்டது என்று அரபு நாளிதழான எமரத் அல் யூம் ஒரு அறிக்கையில் தெரிவித்துள்ளது.
புதிய உத்தரவின் கீழ், உள் கொள்கைகளின் அடிப்படையில் வங்கிகள் தங்கள் சொந்த சம்பள அளவுகோல்களை அமைத்துக் கொள்ளலாம் என்று கூறப்படுகின்றது. இந்த நடவடிக்கை குறைந்த வருமானம் கொண்ட குடியிருப்பாளர்கள் சிறிய தனிநபர் கடன்கள் உள்ளிட்ட பல்வேறு நிதி சேவைகளை எளிதாக அணுக முடியும் எதிர்பார்க்கப்படுகிறது.
மத்திய வங்கி அதிகாரிகளின் கூற்றுப்படி, இந்த மாற்றம் அனைத்து அமீரக குடியிருப்பாளர்களும் குறிப்பாக இளைஞர்கள், குறைந்த வருமானம் கொண்ட தொழிலாளர்கள் மற்றும் தொழிலாளர் துறை ஊழியர்கள் வரும் காலத்தில் வங்கிக் கணக்குகளைத் திறக்க அனுமதிக்கும். இந்தக் கணக்குகள் ஊதியப் பாதுகாப்பு அமைப்பு (WPS) உடன் இணைக்கப்படும், இதனால் வங்கிகள் மாதாந்திர சம்பளத்திலிருந்து கடன் தவணைகளை அவை மாற்றப்பட்டவுடன் தானாகவே கழிக்க முடியும் என்றும் அவர்கள் கூறியுள்ளனர்.
மேலும் நிதி உள்ளடக்கத்தை மேம்படுத்துவதற்கும் ஐக்கிய அரபு அமீரகத்தில் உள்ள ஒவ்வொரு தனிநபருக்கும் அடிப்படை மற்றும் நம்பகமான வங்கிச் சேவைகள் கிடைப்பதை உறுதி செய்வதற்கும் ஒரு பரந்த முயற்சியின் ஒரு பகுதியாக இந்த முயற்சி இருப்பதாக அதிகாரிகள் குறிப்பிட்டுள்ளனர்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
