புத்தாண்டு நெருங்கி வருவதையொட்டி, ஐக்கிய அரபு அமீரகம் நாடு முழுவதும் கண்கவர் வாணவேடிக்கைகளுக்குத் தயாராகி வருகிறது. இதில் துபாயின் புகழ்பெற்ற கொண்டாட்டங்கள் மீண்டும் அனைவரின் கவனத்தையும் ஈர்த்துள்ளன. ஆனால் அமீரக தலைநகரமும் அதே அளவு பிரகாசமாக ஜொலிக்கத் தயாராக உள்ளது. ஆம், அபுதாபி ஒரு அசாதாரண புத்தாண்டு கொண்டாட்ட நிகழ்ச்சிக்குத் தயாராகி வருகிறது, இது சாதனை படைக்கும் வாணவேடிக்கைகள், அதிநவீன ட்ரோன் காட்சிகள் மற்றும் அமீரக பாரம்பரிய கொண்டாட்டம் ஆகியவற்றை உறுதியளிக்கிறது. இவை அனைத்தும் புத்தாண்டை மறக்க முடியாத பாணியில் வரவேற்கும் வகையில் வடிவமைக்கப்பட்டுள்ளன.
புத்தாண்டு தினத்தன்று பார்வையாளர்கள் காணவிருக்கும் 62 நிமிடங்கள் நீடிக்கும் தொடர்ச்சியான வாணவேடிக்கைக் காட்சி அனைவரையும் வியப்பில் ஆழ்த்தவுள்ளது. இந்த சாதனை படைக்கும் கண்கவர் காட்சிக்குப் பின்னால், தொழில்நுட்பம், பாரம்பரியம் மற்றும் துல்லியமான நேரத்தைக் கொண்ட ஒரு ஒருங்கிணைந்த அமைப்பு உள்ளது. மேலும், பல மாத ஏற்பாடுகள், வாரக்கணக்கிலான ஒத்திகைகள் மற்றும் ஒவ்வொரு நொடியும் கவனமாகத் திட்டமிடப்பட்ட வேலைப்பாடுகள் உள்ளன. அவற்றைப் பற்றிய விரிவான ஒரு கண்ணோட்டத்தை கீழே பார்க்கலாம்.
பல மாதத் தயாரிப்புகள்
புத்தாண்டு தினக் காட்சிக்குத் திட்டமிடும் பணி டிசம்பர் மாதத்திற்கு முன்பே தொடங்கிவிட்டதாக ஏற்பாட்டாளர்கள் தெரிவித்துள்ளனர். இதற்கான கொண்டாட்ட ஏற்பாட்டுக் குழுவின் உறுப்பினரான முகமது அல் மர்சூக்கியின் கூற்றுப்படி, வாணவேடிக்கைகள், ட்ரோன் காட்சிகள், பாதுகாப்பு நடவடிக்கைகள் மற்றும் லாஜிஸ்டிக்ஸை ஒருங்கிணைக்க பல குழுக்கள் ஒரே நேரத்தில் செயல்படுகின்றன என்பது தெரிய வந்துள்ளது.
தயாரிப்புகள் காட்சி செயல்திறனைத் தாண்டி, பார்வையாளர்களுக்கு ஒரு சுமூகமான அனுபவத்தை உறுதி செய்வதற்காக, தளத்தின் உள்கட்டமைப்பு, கூட்ட மேலாண்மை மற்றும் பாதுகாப்புத் திட்டங்களையும் உள்ளடக்கியுள்ளன என்று அவர் கூறியுள்ளார்.
வாணவேடிக்கையின் ஒவ்வொரு பகுதிக்கும் ஒரு குறியீட்டு அர்த்தம் உண்டு. வண்ணங்கள் ஐக்கிய அரபு அமீரகக் கொடியைப் பிரதிபலிக்கின்றன, அதே நேரத்தில் இந்தக் காட்சி பாரம்பரிய மற்றும் நவீன ஒலிகளைக் கலக்கும் எமிராட்டி இசையுடன் ஒத்திசைக்கப்படுகிறது.
கண்கவர் வானவேடிக்கைகளுக்குப் பின்னால் உள்ள கடுமையான உழைப்பு
62 நிமிடக் காட்சியைக் காட்சிப்படுத்த, ஆயிரக்கணக்கான வாணவேடிக்கை பட்டாசுகள், சிக்கலான வயரிங் அமைப்புகள் மற்றும் கடுமையான பாதுகாப்புத் தரங்களைப் பூர்த்தி செய்யும் அதே வேளையில் தெளிவான பார்வையை உறுதி செய்வதற்காக, தளம் முழுவதும் வைக்கப்பட்டுள்ள பல ஏவுதளங்கள் தேவைப்படுகின்றன என்றும் ஏற்பாட்டாளர்கள் தெரிவித்துள்ளனர்.
வாணவேடிக்கைகளுடன், சுமார் 6,500 ட்ரோன்கள் வானில் பறந்து, முப்பரிமாண ஒளிக்காட்சிகளை உருவாக்கும். ட்ரோன் காட்சிகள் வாணவேடிக்கைகளுக்குத் துணையாக இருக்கும் வகையில் வடிவமைக்கப்பட்டுள்ளன என்றும், எமிராட்டி பாரம்பரியம் மற்றும் தேசிய அடையாளத்தால் ஈர்க்கப்பட்ட காட்சிப் புனைகதைகளை உருவாக்குகின்றன என்றும் அல் மர்சூக்கி தெரிவித்துள்ளார்.
பொறியாளர்கள், தொழில்நுட்ப வல்லுநர்கள், பாதுகாப்புக் குழுக்கள் மற்றும் அவசரகாலப் பணியாளர்கள் உட்பட நூற்றுக்கணக்கான தொழில் வல்லுநர்கள் இதில் ஈடுபட்டுள்ளதாகக் கூறப்படுகிறது. மேலும், அனைத்து செயல்பாடுகளும் ஒரு மையக் கட்டுப்பாட்டு அறைடன் இணைக்கப்பட்டுள்ளதாகவும், தடையற்ற செயல்திறனை உறுதி செய்வதற்காக, மாற்று மின்சாரம் மற்றும் தகவல் தொடர்பு அமைப்புகளும் இதற்கு ஆதரவளிக்கின்றன என்றும் ஏற்பாட்டாளர்கள் கூறியுள்ளனர்.
ஒத்திகைகள் மற்றும் இறுதிச் சோதனைகள்
புத்தாண்டு தினத்திற்கு முந்தைய வாரங்களில், கொண்டாட்டம் முடிந்த பிறகு ஏற்பாட்டாளர்கள் நள்ளிரவு ஒத்திகைகளை நடத்துகின்றனர். இந்தக் காட்சிகள், நேரக்கட்டுப்பாடு, மாற்றங்கள் மற்றும் ஒருங்கிணைப்பைச் செம்மைப்படுத்துவதில் கவனம் செலுத்துகின்றன, அதே நேரத்தில் காட்சியைக் பாதிக்கக்கூடிய வானிலை நிலைகளும் உன்னிப்பாகக் கண்காணிக்கப்படுவதாகக் கூறப்பட்டுள்ளது.
ஏற்பாட்டாளர்களின் கூற்றுப்படி, இந்தப் பிரம்மாண்டக் காட்சி ஒரு காட்சிப் பயணமாக வடிவமைக்கப்பட்டுள்ளது, இது பாலைவன நிலப்பரப்புகள் மற்றும் ஐக்கிய அரபு அமீரகத்தின் ஏழு அமீரகங்களின் ஒற்றுமை ஆகியவற்றிலிருந்து உத்வேகம் பெறுகிறது. மேலும், திட்டமிடப்பட்ட இடைநிறுத்தங்கள், கொண்டாட்டம் தொடர்வதற்கு முன்பு பார்வையாளர்களுக்குச் சிந்திப்பதற்கான சில தருணங்களை வழங்கும் எனக் கூறப்படுகின்றது.
அதுமட்டுமல்லாமல், நள்ளிரவுக்கு சுமார் ஒரு மணி நேரத்திற்கு முன்பு, ஏவுதளப் பகுதிகள் சீல் வைக்கப்பட்டு, இறுதிப் பாதுகாப்புச் சோதனைகள் மேற்கொள்ளப்படுகின்றன. தகவல் தொடர்பு அமைப்புகள் மீண்டும் சோதிக்கப்படுகின்றன, மேலும் வானிலை நிலவரங்கள் மறுமதிப்பீடு செய்யப்படுகின்றன; குழுக்கள் நிமிடத்திற்கு நிமிடம் திட்டமிடப்பட்ட அட்டவணைப்படி செயல்படுகின்றன. வாணவேடிக்கைக் காட்சி தொடங்கியதும், முன்னரே திட்டமிடப்பட்ட அமைப்புகள் தொடர்ச்சியான கண்காணிப்பின் கீழ் இயங்குகின்றன எனவும் கூறப்படுகின்றது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
