ராஸ் அல் கைமா எமிரேட் இந்த புத்தாண்டு தினத்தன்று இதுவரை கண்டிராத மிகப்பெரிய வானவேடிக்கை காட்சிகளுடன் வானத்தை ஒளிரச் செய்யத் தயாராகி வருகிறது, இதில் ஒரு புதிய கின்னஸ் உலக சாதனையை படைக்கக்கூடிய மிகப்பெரிய வாணவேடிக்கை காட்சியும் அடங்கும் என்று நிகழ்ச்சி ஏற்பாட்டாளர்கள் தெரிவித்துள்ளனர். இந்த ஆண்டு நிகழ்ச்சி வானத்தை வண்ணங்கள், ட்ரோன்கள், லேசர்கள் மற்றும் ஒரு பெரிய வானவேடிக்கை காட்சிகளால் அலங்கரிக்கும் எனவும் கூறப்பட்டுள்ளது.
RAK இன் வளர்ச்சி மற்றும் புதிய தொடக்கங்களைக் கொண்டாட வடிவமைக்கப்பட்ட இந்த நிகழ்ச்சி, தொழில்நுட்பம் மற்றும் படைப்பாற்றல் ஆகியவற்றின் அற்புதமான கலவையை உறுதியளிக்கிறது, முழு கடற்கரையையும் ஒரு கண்கவர் திறந்தவெளி மேடையாக மாற்றும் எனக் கூறப்படுகின்றது.
வானத்தை ஒளியூட்டும் நிகழ்ச்சிகள்
15 நிமிட கண்கவர் நிகழ்ச்சி மர்ஜன் ஐலேண்டில் இருந்து அல் ஹம்ரா வரை ஆறு கிலோமீட்டர் பரப்பளவில் நிகழ்த்தப்படும். பைரோ மற்றும் லேசர் ட்ரோன்கள் உட்பட 2,300 க்கும் மேற்பட்ட ட்ரோன்கள் நடன அமைப்புகளை உருவாக்கும், மேலும், நள்ளிரவில் கின்னஸ் சாதனை படைக்கவுள்ள வாணவேடிக்கை நிகழ்ச்சி நடைபெறும்.
இதன் மூலம் ராஸ் அல் கைமாவின் புத்தாண்டு நிகழ்ச்சியில் இரண்டு அற்புதமான வாணவேடிக்கைகள் இடம்பெறுகின்றன. முதலாவது கார்னிச் அல் கவாசிமுக்கு மேலே இரவு 8 மணிக்கு நடைபெறுகிறது, இது குடும்பங்கள் கொண்டாட்டங்களை அனுபவிக்க ஆரம்ப வாய்ப்பை வழங்குகிறது. இரண்டாவது நள்ளிரவில் மர்ஜன் ஐலேண்ட் மற்றும் அல் ஹம்ராவில் நடைபெறும் 15 நிமிட முக்கிய நிகழ்ச்சியாகும்..
RAK புத்தாண்டு விழா
அனைத்து வயதினருக்கும் நேரடி பொழுதுபோக்கு, ஃபுட் ட்ரக் மற்றும் கார்னிவல் பாணியில் செயல்பாடுகளை வழங்கும் இலவச நுழைவு புத்தாண்டு விழா அல் ஹம்ராவில் மதியம் 2 மணி முதல் நடைபெறும். பொழுதுபோக்கு வரிசையில் ‘DJ BobMix’, இந்தோ-கனடிய பாலிவுட் பாடகி ஸ்வேதா சுப்ராம் மற்றும் ‘DJ Bia’ ஆகியோரின் நேரடி இசை நிகழ்ச்சிகளை கண்டுகளிக்கலாம்.
மேலும், பார்வையாளர்களின் கூட்டத்தை முறையாக நிர்வகிக்க, கேரவன்கள் மற்றும் முகாம்களுக்கான சிறப்பு மண்டலம் உட்பட, அந்த பகுதியைச் சுற்றி பல பார்க்கிங் மண்டலங்கள் நியமிக்கப்பட்டுள்ளதாகக் கூறப்படுகிறது. பார்வையாளர்கள் தங்கள் விருப்பமான பார்க்கிங் மண்டலத்தை அணுகவும், அனைத்து அத்தியாவசிய நுழைவு மற்றும் வெளியேறும் தகவல்களையும் பெறவும் raknye.com இல் தங்கள் வாகனங்களை முன்கூட்டியே பதிவு செய்ய வேண்டும் என்று அறிவுறுத்தப்படுகிறார்கள்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
