ஐக்கிய அரபு அமீரகம் மற்றும் இந்தியா இடையே பயணிக்கும் ஆயிரக்கணக்கான பயணிகளுக்கு, விமான நிறுவனங்களால் அறிவிக்கப்படும் விமான கட்டண சலுகைகள் மிகவும் கவர்ச்சிகரமானதாக மாறிவிட்டன. அதில் தற்பொழுதுள்ள இந்தியாவின் பட்ஜெட் கேரியர்களில் ஒன்றான ஏர் இந்தியா எக்ஸ்பிரஸ் அதன் மாதாந்திர “PayDay Sale” விற்பனையை அறிவித்துள்ளது, இந்த விற்பனையின் கீழ், அதன் உள்நாட்டு மற்றும் சர்வதேச நெட்வொர்க் முழுவதும் தள்ளுபடி கட்டணங்களை வழங்குகிறது, எனவே, இரு நாடுகளுக்கு இடையே பயணிக்கத் திட்டமிடுபவர்கள் குறைந்த விலையில் விமானங்களை முன்பதிவு செய்யலாம்.
வரையறுக்கப்பட்ட கால சலுகையின் கீழ், ஐக்கிய அரபு அமீரகத்தில் இருந்து பயணிகள் திர்ஹம் 323 முதல் லைட் கட்டணங்களை முன்பதிவு செய்யலாம். இதேபோல், ஓமானில் இருந்து OMR 22.8, பஹ்ரைனில் இருந்து BHD 47, கத்தாரில் இருந்து QAR 468, குவைத்தில் இருந்து KWD 28 மற்றும் சவுதி அரேபியாவில் இருந்து SAR 286 இல் சிறப்பு வளைகுடா கட்டணங்கள் தொடங்குகின்றன.
மேலும், இந்த சலுகை விலையிலான டிக்கெட் முன்பதிவுகள் விமான நிறுவனத்தின் வலைத்தளம், மொபைல் செயலி மற்றும் முக்கிய முன்பதிவு தளங்கள் மூலம் மார்ச் 1, 2026 வரை இருக்கும் என்று அறிவிக்கப்பட்டுள்ளது. தள்ளுபடி கட்டணங்கள் மார்ச் 3 முதல் அக்டோபர் 8, 2026 வரையிலான பயணங்களுக்கு செல்லுபடியாகும் என்பது குறிப்பிடத்தக்கது.
இதற்கிடையில், விமான நிறுவனத்தின் வலைத்தளம் அல்லது செயலி மூலம் ஃப்ளெக்ஸ் கட்டணங்களைத் தேர்வுசெய்யும் பயணிகள், பூஜ்ஜிய வசதிக் கட்டணங்கள் (zero convenience fee), புறப்படுவதற்கு மூன்று நாட்களுக்கு முன்பு வரை இலவச தேதி மாற்றங்கள், உள்நாட்டு விமானங்களில் 20 கிலோ லக்கேஜ் அலொவன்ஸ் மற்றும் சர்வதேச விமானங்களில் 35 கிலோ, முதன்மை இருக்கை தேர்வு மற்றும் உணவை அனுபவிக்க முடியும் என்றும் அறிவிக்கப்பட்டுள்ளது.
ஏர் இந்தியா எக்ஸ்பிரஸ் தற்போது 500க்கும் மேற்பட்ட தினசரி விமானங்களை இயக்குகிறது, இது தெற்காசியா, தென்கிழக்கு ஆசியா மற்றும் வளைகுடா பிராந்தியத்தில் 45 உள்நாட்டு மற்றும் 17 சர்வதேச இடங்களை இணைக்கிறது.
ஐக்கிய அரபு அமீரகம் -இந்தியா வழித்தடங்களில் ஆண்டு முழுவதும் தேவை வலுவாக இருப்பதால், இந்த விற்பனை பட்ஜெட் உணர்வுள்ள பயணிகளுக்கு உச்ச பயண பருவங்களுக்கு முன்னதாக குறைந்த கட்டணங்களைப் பெறுவதற்கான வாய்ப்பை வழங்குகிறது என கூறப்படுகின்றது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
