துபாய் ஆட்சியாளரும், துணைத் தலைவருமான ஷேக் முகமது பின் ரஷீத் அல் மக்தூம் அவர்கள், ஐந்து வயதுக்குட்பட்ட 5 மில்லியன் குழந்தைகளை ஊட்டச்சத்து குறைபாடு மற்றும் பசியிலிருந்து காப்பாற்றுவதை நோக்கமாகக் கொண்ட ஒரு பெரிய ரமலான் மனிதாபிமான பிரச்சாரத்தை வெள்ளிக்கிழமையன்று அறிவித்துள்ளார்.
“Had Al Hayah” (The Edge of Life) என்று அழைக்கப்படும் இந்த பிரச்சாரம், ஐக்கிய அரபு அமீரகத்திற்கு உள்ளேயும் உலகம் முழுவதிலுமிருந்தும் குறைந்தது 1 பில்லியன் திர்ஹம் நன்கொடைகளை திரட்டுவதை நோக்கமாகக் கொண்டுள்ளது. இது உலகளவில் மிகவும் பாதிக்கப்படக்கூடிய சில குழந்தைகளுக்கு அவசர ஊட்டச்சத்து மற்றும் உயிர் காக்கும் ஆதரவை வழங்கும் என்று கூறப்பட்டுள்ளது.
இந்த முயற்சி முகமது பின் ரஷீத் அல் மக்தூம் குளோபல் முன்முயற்சிகளின் கீழ், யுனிசெஃப், சேவ் தி சில்ட்ரன், ஆக்ஷன் அகைன்ஸ்ட் ஹங்கர் மற்றும் சில்ட்ரன்ஸ் இன்வெஸ்ட்மென்ட் ஃபண்ட் பவுண்டேஷன் உள்ளிட்ட முன்னணி சர்வதேச அமைப்புகளுடன் இணைந்து தொடங்கப்படுவதாகத் தெரிவிக்கப்பட்டுள்ளது.
ரமலானுக்கு முன்னதாக பிரச்சாரத்தை அறிவித்த துபாய் ஆட்சியாளர், உலகளவில் தேவைப்படும் சமூகங்களை ஆதரிப்பதற்காக புனித மாதத்தில் மனிதாபிமான முயற்சிகளைத் தொடங்கும் அதன் வருடாந்திர பாரம்பரியத்தை ஐக்கிய அரபு அமீரகம் தொடர்கிறது என்று கூறியுள்ளார்.
கடந்த ஆண்டு 118 மில்லியனுக்கும் அதிகமான குழந்தைகள் ஊட்டச்சத்து குறைபாட்டால் பாதிக்கப்பட்டதாகவும், சுமார் 2.6 மில்லியன் பேர் பசியால் இறந்ததாகவும் குறிப்பிட்ட ஷேக் முகமது, இதுபோன்ற துன்பங்களை எதிர்கொண்டு அமைதியாக இருப்பது ஐக்கிய அரபு அமீரகத்தின் மதிப்புகளில் இல்லை என்றும் வலியுறுத்தியுள்ளார்.
மேலும், ரமலானில் ஒற்றுமை மற்றும் தாராள மனப்பான்மையின் முக்கியத்துவத்தை வலியுறுத்தி, தனிநபர்களையும் அமைப்புகளையும் பிரச்சாரத்திற்கு பங்களிக்க ஷேக் முகமது அழைப்பு விடுத்துள்ளார். தொடர்ந்து நாட்டின் நல்வாழ்வுக்காக பிரார்த்தனை செய்த அவர், கருணை செயல்களில் ஒன்றிணைந்து, பசித்தவர்களுக்கு உணவளித்து, ஏழைகளைப் பராமரிக்க வேண்டும் என்றும் இறைவனிடம் கேட்டுக் கொண்டார்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
