துபாயில் அனைத்து தனியார் பள்ளிகளும் ஏப்ரல் 3 வரை ஆன்லைன் வகுப்புகளைத் தொடரும் என்று துபாயின் கல்வி ஒழுங்குமுறை ஆணையம் உறுதிப்படுத்தியுள்ளது. கல்வி, மனித மேம்பாடு மற்றும் சமூக மன்றத்தின் வழிகாட்டுதல்களைப் பின்பற்றி, துபாயில் உள்ள தனியார் பள்ளிகள், மழலையர் பள்ளிகள் மற்றும் பல்கலைக்கழகங்களில் இப்போதைக்கு தொலைதூரக் கற்றல் கட்டாயமாகத் தொடரும் என்று அறிவு மற்றும் மனித மேம்பாட்டு ஆணையம் (KHDA) மீண்டும் வலியுறுத்தியுள்ளது.
தொடரும் பிராந்திய பதட்டங்களுக்கு மத்தியில், மாணவர்களின் பாதுகாப்பை உறுதி செய்வதற்காக, தற்போதைய கொள்கையில் எந்த மாற்றமும் இல்லை என்றும், அனைத்து வகுப்புகளும் வெள்ளிக்கிழமை, ஏப்ரல் 3, 2026 வரை இணையவழியில் தொடரும் என்றும் அதிகாரிகள் வலியுறுத்தியுள்ளனர்.
இருப்பினும், கல்வி நிறுவனங்கள் காலக்கெடுவிற்கு முன்பே நேரடிக் கற்றலுக்குத் திரும்ப விண்ணப்பிக்கலாம் என்றும், ஆனால் கடுமையான நிபந்தனைகளுக்கு உட்பட்டு மட்டுமே ஒப்புதல் அளிக்கப்படும் என்றும் KHDA தெளிவுபடுத்தியுள்ளது.
எனவே, எமிரேட்டில் உள்ள பள்ளிகள், நேரடி வகுப்புகளைத் தொடங்குவதற்கான குறிப்பிட்ட சூழ்நிலைகள் மற்றும் முன்கூட்டியே மீண்டும் திறப்பதற்கான தெளிவான காரணங்கள் ஆகியவற்றை விளக்கி ஒரு முறையான விண்ணப்பத்தைச் சமர்ப்பிக்க வேண்டும் என கூறப்பட்டுள்ளது.
குறிப்பாக, பொதுவான ஒப்புதல்கள் எதுவும் வழங்கப்படாது என்று அறிவிக்கப்பட்டுள்ளது. அதாவது, ஒவ்வொரு கோரிக்கையும் தனித்தனியாக மதிப்பாய்வு செய்யப்பட்டு, இறுதி முடிவுக்காகக் கல்வி அமைச்சகத்திற்குப் பரிந்துரைக்கப்படும் என தெரிவிக்கப்பட்டுள்ளது.
பாதுகாப்புக்கு முதன்மை முன்னுரிமை
அனைத்து ஒப்புதல்களிலும் மாணவர் மற்றும் ஊழியர்கள் பாதுகாப்பே தீர்மானிக்கும் காரணியாக இருக்கும் என்று அதிகாரிகள் வலியுறுத்தினர்.
தற்போதைய காலக்கெடுவுக்கு முன்னதாகவே, அமீரகத்தின் மிகப்பெரிய தனியார் பள்ளி குழுமங்களான ‘GEMS Education’ மற்றும் ‘Taaleem’ போன்ற முக்கியப் பள்ளிக் குழுக்கள் மார்ச் 30 முதல் வளாகங்களைத் திறக்க விண்ணப்பித்துள்ள நிலையில் ஆணையத்தின் இந்தத் தெளிவுரை வந்துள்ளது குறிப்பிடத்தக்கது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link:Khaleej Tamil WhatsApp Channel
