ஐக்கிய அரபு அமீரகத்தின் மிகவும் நன்கு அறியப்பட்ட குலுக்கல் போட்டிகளில் ஒன்றான பிக் டிக்கெட்டின் 285-வது தொடரில், ஐந்து இந்தியர்கள் ஆறுதல் பரிசாகத் தலா 200 கிராம் எடையுள்ள 24 காரட் தங்கக் கட்டியை வென்றதாக அறிவிக்கப்பட்டுள்ளனர்.
வெற்றியாளர்களில், தெலங்கானாவைச் சேர்ந்த 44 வயதான முகமது தசீமும் ஒருவர் ஆவார். தற்போது சவுதி அரேபியாவில் வசிக்கும் தசீம், தன் மகனின் விமானிப் பயிற்சிக்கு நிதியுதவியை எதிர்பார்த்துக் கொண்டிருந்த சமயத்தில் இந்த பரிசு கிடைத்துள்ளது. CAD மேற்பார்வையாளராகப் பணிபுரியும் இவர், “நான் டிக்கெட் வாங்குவது இது இரண்டாவது அல்லது மூன்றாவது முறை மட்டுமே, கண்களை மூடிக்கொண்டு ஒரு எண்ணைத் தேர்ந்தெடுத்தேன், அதிர்ஷ்டம் அடித்தது” என்று கூறியுள்ளார்.
மற்றொரு வெற்றியாளரான, தமிழ்நாட்டைச் சேர்ந்த வீட்டுப் பராமரிப்பு மேலாளர் (housekeeping manager) கார்த்திக் குமார் என்பவர், ஆறு ஆண்டுகளாகத் தன் அதிர்ஷ்டத்தை முயற்சி செய்து வந்த நிலையில் இந்த டிராவில் தங்கம் வென்றுள்ளார். அபுதாபியில் கிட்டத்தட்ட இருபது ஆண்டுகள் பணியாற்றிய பிறகு, தற்போது சவுதி அரேபியாவில் பணிபுரியும் இவர், ஒரு நண்பர்கள் குழுவுடன் இணைந்து பங்கேற்றதாகவும், இந்தப் பரிசு குழுவினரிடையே பகிர்ந்து கொள்ளப்படும் என்றும் தெரிவித்துள்ளார்.
மூன்றாவது வெற்றியாளரான பொறியாளர் சாலமன் ராஜா, கிட்டத்தட்ட ஒரு தசாப்த காலமாகத் தனியாகப் பங்கேற்ற பிறகு கிடைத்த வெற்றியை ஒரு பலனளிக்கும் மைல்கல் என்று கூறி கொண்டாடினார். இதற்கிடையில், ஷார்ஜாவில் வசிக்கும் கேரளாவைச் சேர்ந்த ராஜ்கோபால் சந்திரன், ஒன்பது ஆண்டுகளாகத் தொடர்ந்து குழுவாகப் பங்கேற்ற பிறகு தனது முதல் வெற்றியைப் பெற்றதாகத் தெரிவித்துள்ளார்.
வெற்றியாளர்களின் வரிசையில், அபுதாபியைச் சேர்ந்த 53 வயதான விற்பனையாளர் முகமது ஷகீலும் ஒருவர். இவர் ஏழு ஆண்டுகளாகத் தனது நண்பர்களுடன் இந்த டிராவில் பங்கேற்று வருகிறார். இவரது குழுவும் எண்களைத தோராயமாக தேர்ந்தெடுத்து வெற்றி பெற்றுள்ளது குறிப்பிடத்தக்கது, இது அதிர்ஷ்டம் எப்போது வேண்டுமானாலும் கைகொடுக்கலாம் என்பதற்குச் சான்றாகும்.
அடுத்ததாக, மே 3 அன்று 25 மில்லியன் திர்ஹம் கிராண்ட் பரிசு அறிவிக்கப்படவுள்ளது. அதே இரவில், மேலும் ஐந்து வெற்றியாளர்கள் தலா 1 மில்லியன் திர்ஹம் பெறுவார்கள், இதன் மூலம் இந்த மாதம் ஆறு பேர் கோடீஸ்வரர்களாவது உறுதியாகிறது.
வரவிருக்கும் வாராந்திர இ-டிராக்கள் நடைபெறும் தேதிகள்:
வாரம் 2: ஏப்ரல் 9–15, குலுக்கல் ஏப்ரல் 16 அன்று
வாரம் 3: ஏப்ரல் 16–22, குலுக்கல் ஏப்ரல் 23 அன்று
வாரம் 4: ஏப்ரல் 23–30, குலுக்கல் மே 1 அன்று
இந்த வெற்றியாளர்களுக்கு, பல வருட நம்பிக்கை, பொறுமை மற்றும் சிறிதளவு அதிர்ஷ்டம் ஆகியவை இறுதியாகப் பலனளித்துள்ளன, மேலும் சிறிய வாய்ப்புகளைப் பெரிய வெகுமதிகளாக மாற்றியுள்ளன என்பதில் சந்தேகமில்லை.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
