ஐக்கிய அரபு அமீரகக் குடியிருப்பாளர்கள் வருகின்ற டிசம்பர் மாதம் முதல் வாரத்தில் நடப்பாண்டின் கடைசி நீண்ட வார விடுமுறையை அனுபவிக்க உள்ளனர். இந்நிலையில், நாட்டில் உள்ள பெரும்பாலான குடியிருப்பாளர்கள் குடும்பத்தினருடன் அமீரகத்திற்கு வெளியே சர்வதேச பயணங்களைத் திட்டமிடுகின்றனர்.
அந்தவகையில், தாய்லாந்து பயணிகளுக்கான சிறந்த தேர்வாக உள்ளது. dnata Travel எனும் நிறுவனத்தின் படி, இந்த ஆண்டு தேசிய விடுமுறை வார விடுமுறை நாட்களில் அமீரக பயணிகளுக்கு மிகவும் பிரபலமான 5 சர்வதேச இடங்களாக தாய்லாந்து, மாலத்தீவுகள், UK, இலங்கை மற்றும் துருக்கி ஆகிய நாடுகள் அடுத்தடுத்த இடங்களில் உள்ளன.
இவற்றில் மாலத்தீவுகள் மற்றும் துருக்கியும் அதிக எண்ணிக்கையிலான பார்வையாளர்களை ஈர்த்து வருகின்றன, அவற்றின் குறுகிய விமான நேரங்கள், பலதரப்பட்ட ஓய்வு விடுதிகள் மற்றும் குடும்ப நட்பு பொழுதுபோக்கு இடங்கள் சுற்றுலாப் பயணிகளின் விருப்பத் தேர்வுகளாக உள்ளதாக பயண நிறுவனங்கள் தெரிவித்துள்ளன.
எவ்வாறாயினும், இந்த வருடத்தின் தனிச்சிறப்பான இலக்கு இலங்கை ஆகும், இலங்கை விமானங்களுக்கான முன்பதிவுகளில் ஒரு எழுச்சியைக் கண்டுள்ளது என்று பயண முகவர்கள் கூறுகின்றனர். இது கடந்த ஆண்டின் இதே காலப்பகுதியுடன் ஒப்பிடும்போது எண்ணிக்கையில் கிட்டத்தட்ட இரட்டிப்பாகும்.
இது குறித்து dnata Travel Leisure நிறுவனத்தின் மேலாளர் மேத்யூ லேம்மிக்ஸ் கருத்துத் தெரிவிக்கையில், “இலங்கை எப்போதும் இந்த சந்தையில் பிரபலமாக உள்ளது. குறுகிய விமான நேரம் மற்றும் சிறந்த மதிப்புடன், இயற்கை நிலப்பரப்புகள், வனவிலங்குகள் கண்டறிதல், அழகிய கடற்கரைகள், வரலாற்று அடையாளங்கள் மற்றும் சிறந்த உணவு உட்பட நாடு அதன் பல்வேறு சலுகைகளுடன் பயணிகளை ஈர்க்கிறது” என்று கூறியுள்ளார்.
பயண நிறுவனங்களின் கூற்றுப்படி, தாய்லாந்துக்கு பாங்காக், ஃபூகெட் மற்றும் கிராபிக்கு நேரடி விமானங்கள் தேவைப்படுகின்றன. மேலும் ஐக்கிய அரபு அமீரகக் குடியிருப்பாளர்களிடமிருந்து ஏராளமான விமானப் போக்குவரத்தை இங்கிலாந்து காணும் அதே வேளையில், இந்த நேரத்தில் பண்டிகை உணர்வு மற்றும் உலகத் தரம் வாய்ந்த ஷாப்பிங்கை விரும்பும் சுற்றுலாப் பயணிகளுடன் இது அதிக தேவை உள்ளதாக பயண ஏஜென்சிகள் தெரிவிக்கின்றன.
பயண ஏஜென்சியின் கூற்றுப்படி, அனைத்து முன்பதிவுகளில் 85 சதவீதம் சர்வதேச பயணங்களுக்கானது, அதே நேரத்தில் 15 சதவீதம் ஐக்கிய அரபு அமீரகத்தில் தங்குவதற்கான விருப்பங்களாக உள்ளன என்பது தெரிய வந்துள்ளது.
இது மட்டுமல்லாமல் விடுமுறை நெருங்கும் போது, அமீரகத்திற்குள்ளேயே தங்குமிடங்களுக்கான விருப்பங்களும் கூடலாம். குறிப்பாக தற்போது ராஸ் அல் கைமா பிரபலமடைந்து வருகிறது, அங்கு புதிய மற்றும் மறுவடிவமைக்கப்பட்ட ஹோட்டல்கள் தனித்துவமான தங்கும் அனுபவங்களை வழங்குகின்றன.
மேலும் 2024 ஆம் ஆண்டில் புதிதாக, ஜப்பான் மற்றும் வியட்நாமுக்கான கலாச்சாரம் நிறைந்த பயணத்திட்டங்கள் பிரபலமாக உள்ளன, இரண்டு இடங்களையும்ம் இப்போது நேரடி விமானங்கள் மூலம் அணுகலாம். அதேபோல், மாலத்தீவுகள் மற்றும் சீஷெல்ஸ் ஆகியவை இந்தியப் பெருங்கடலில் குளிர்கால வெயிலை விரும்புவோருக்கு சிறந்த தேர்வாக இருக்கின்றன என தெரிவிக்கப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள். Link: Khaleej Tamil Whatsapp Channel
