துபாயின் சாலைகள் மற்றும் போக்குவரத்து ஆணையம் (RTA), துபாய் சிலிக்கான் ஒயாசிஸ் (DSO) உடன் இணைந்து, ஷேக் முகமது பின் சையத் சாலையிலிருந்து துபாய் சிலிக்கான் ஒயாசிஸிற்கான வெளியேறும் (exit) பாதையை ஒரு பாதையிலிருந்து இரண்டாக விரிவுபடுத்துவதன் மூலம் தொழில்நுட்ப மையத்திற்கான ஒரு முக்கிய நுழைவுப் புள்ளியை விரிவுபடுத்தியுள்ளதாக கூறப்பட்டுள்ளது.
இந்த மேம்படுத்தலானது சாலையின் திறனை இரட்டிப்பாக்குவதுடன், நெரிசலைக் குறைக்கிறது மற்றும் குடியிருப்பாளர்கள் மற்றும் பார்வையாளர்கள் இருவருக்கும் அணுகலை மேம்படுத்துகிறது என தெரிவிக்கப்பட்டுள்ளது. எமிரேட்டின் சாலை நெட்வொர்க்கை வலுப்படுத்துவதற்கும் அதன் வேகமாக வளர்ந்து வரும் சமூகங்களுக்கு இடமளிப்பதற்கும் தொடர்ச்சியான முயற்சிகளின் ஒரு பகுதியாக இந்த விரிவாக்கம் இருப்பதாக அதிகாரிகள் தெரிவித்துள்ளனர்.
بهدف تسهيل دخول سكان وزوار #دبي إلى واحة دبي للسيليكون، قامت #هيئة_الطرق_و_المواصلات، بالتعاون مع واحة دبي للسيليكون، بتوسعة مدخل الواحة من شارع الشيخ محمد بن زايد، مما يرفع الطاقة الاستيعابية بنسبة 100%.#راحتكم_تهمنا pic.twitter.com/v68dOTBvxl
— RTA (@rta_dubai) September 29, 2025
ஸ்டார்ட்-அப்கள், பன்னாட்டு நிறுவனங்கள் மற்றும் வேகமாக விரிவடைந்து வரும் மக்கள்தொகைக்கு தாயகமாக இருக்கும் DSO காரிடார் துபாயின் மிகவும் பரபரப்பான இடங்களில் ஒன்றாக மாறியுள்ளது. இந்நிலையில் இந்த திட்டம் துபாயின் நீண்டகால வளர்ச்சி தொலைநோக்கு பார்வைக்கு ஏற்ப மென்மையான இயக்கம், நகர்ப்புற செயல்திறன் மற்றும் சிறந்த திட்டமிடல் ஆகியவற்றிற்கான உறுதிப்பாட்டை பிரதிபலிக்கிறது என்று RTA தரப்பில் குறிப்படப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
