துபாயில் குளோபல் வில்லேஜின் 26 வது சீசன் இன்று நிறைவடைய இருப்பதை முன்னிட்டு லட்சக்கணக்கான பார்வையாளர்கள் குளோபல் வில்லேஜிற்கு வருகை தந்துள்ளதாக தெரிவிக்கப்பட்டுள்ளது. ஞாயிற்றுக்கிழமை அதிகாலை 2 மணிக்கு குளோபல் வில்லேஜின் 26 வது சீசன் முற்று பெறுகிறது.
குளோபல் வில்லேஜின் 26 வது சீசனை முன்னிட்டு 26 பெவிலியன்களில் உலகெங்கிலும் உள்ள 80 க்கும் மேற்பட்ட கலாச்சாரங்களை எடுத்துக்காட்டும் விதமாக அமைக்கப்பட்டிருந்தது குறிப்பிடத்தக்கது.
கடந்த ஏப்ரல் 10 ம் தேதி அன்றே முடிவடையவிருந்த இந்த மாபெரும் நிகழ்வானது முதன் முறையாக தான்கு வாரங்கள் நீட்டிக்கப்பட்டு மே மாதம் வரை நடைபெற்றுள்ளது. இதன் காரணமாக ஈத் அல் ஃபித்ரின் பிரம்மாண்ட கொண்டாட்டங்களும் இங்கு அரங்கேறின.
குளோபல் வில்லேஜிற்கு வருகை புரிய ஆன்லைனில் 15 திர்ஹம் அல்லது நேரடியாக சென்றால் 20 திர்ஹம் கட்டணம் செலுத்தி நுழைவதற்கான டிக்கெட்டை வாங்கிக் கொள்ளலாம் என்பது குறிப்பிடத்தக்கது. ஞாயிற்றுக்கிழமை அதிகாலையுடன் முடிவடையும் குளோபல் வில்லேஜ் இனி தனது 27 வது சீசனை இந்த வருட அக்டோபர் மாதம் துவங்கும் என்று எதிர்பார்க்கப்படுகிறது.
