ஐக்கிய அரபு அமீரக நேரப்படி இன்று இரவு 7.17 மணிக்கு தெற்கு ஈரானில் 5.8 ரிக்டர் அளவிலான நிலநடுக்கம் பதிவானதாக ஐக்கிய அரபு அமீரகத்தின் தேசிய வானிலை ஆய்வு மையம் (NCM) தெரிவித்துள்ளது.
ஈரானில் ஏற்பட்ட இந்த நிலநடுக்கத்தின் அதிர்வுகளை ஐக்கிய அரபு அமீரகத்தில் உள்ள குடியிருப்பாளர்களும் உணர்ந்ததாக NCM உறுதிப்படுத்தியுள்ளது. துபாயில் வசிக்கும் பலர் இந்த அதிர்வினை உணர்ந்ததாக சமூக ஊடகங்களில் தெரிவித்து வருகின்றனர்.
குடியிருப்பளர் ஒருவர் கூறுகையில் இந்த நில அதிர்வானது 5 வினாடிகள் நீடித்ததாக தெரிவித்துள்ளார். இதற்கு முன்னர் கடந்த நவம்பர் 18 ம் தேதி இதே போல் ஈரானில் ஏற்பட்ட நிலநடுக்கத்தின் அதிர்வுகள் அமீரகத்திலும் உணரப்பட்டதாக கூறப்பட்டது.
பொதுவாகவே ஐக்கிய அரபு அமீரகம் ஒரு வருடத்திற்குள் பல சிறிய நில நடுக்கங்களை எதிர்கொள்கிறது என்றும் இவை பெரிய அளவில் பாதிப்பை ஏற்படுத்தாது என்றும் ஏற்கெனவே வானியல் மைய அதிகாரிகள் தெரிவித்துள்ளது குறிப்பிடத்தக்கது.
