ஐக்கிய அரபு அமீரகத்தின் எரிபொருள் விலை நிர்ணயிக்கும் குழுவானது நாளை தொடங்கவிருக்கும் ஜூன் மாதத்திற்கான பெட்ரோல் மற்றும் டீசல் விலையை அறிவித்துள்ளது. கடந்த மூன்று மாதங்களாக எரிபொருள் விலையானது உயர்த்தப்பட்டு வந்த நிலையில் தற்பொழுது ஜூன் மாதத்தில் எரிபொருள் விலையானது 20 ஃபில்ஸ் வரையிலும் குறைக்கப்பட்டுள்ளது.
எரிபொருள் குழுவின் ஜீன் மாத விலைப்பட்டியலின் படி, ஜூன் 1 ஆம் தேதி முதல், Super 98 வகை பெட்ரோல் விலையானது ஒரு லிட்டருக்கு 3.14 திர்ஹம்சாக குறைக்கப்பட்டுள்ளது. இந்த வகை பெட்ரோலின் விலையானது மே மாதத்தில் 3.34 திர்ஹம்சாக இருந்தது.
அடுத்ததாக ஸ்பெஷல் 95 வகையை சார்ந்த பெட்ரோல் விலையானது தற்போதைய அறிவிப்பின்படி, ஒரு லிட்டருக்கு 3.02 திர்ஹம்சாக நிர்ணயிக்கப்பட்டுள்ளது. இந்த வகை பெட்ரோலின் விலை மே மாதம் 3.22 திர்ஹம்சாக இருந்தது குறிப்பிடத்தக்கது.
மூன்றாவது வகை பெட்ரோலான இ-பிளஸ் 91 பெட்ரோல் விலையானது தற்போது ஒரு லிட்டருக்கு 2.95 திர்ஹம்ஸாக குறைக்கப்பட்டுள்ளது. இது மே மாதத்தில் 3.15 திர்ஹம்சாக நிர்ணயிக்கப்பட்டிருந்தது.
அதே சமயம் மே மாதத்தில் ஒரு லிட்டருக்கு 3.07 திர்ஹம்சாக விற்பனை செய்யப்பட்டு வந்த டீசல் ஆனது, ஜூன் மாத விலை பட்டியலில் 2.88 திர்ஹம்சாக குறைக்கப்பட்டுள்ளதும் குறிப்பிடத்தக்கது.
உலகளாவிய சந்தையில் நிலவிய விலையேற்றம் காரணமாக கடந்த சில மாதங்களாக அமீரகத்தில் பெட்ரோல் மற்றும் டீசல் விலை உயர்த்தப்பட்டு வந்த நிலையில், தற்போது ஜூன் மாதத்தில் அறிவிக்கப்பட்டுள்ள இந்த விலைக் குறைப்பானது குடியிருப்பாளர்களுக்கும், வாகன ஓட்டிகளுக்கும் சற்று ஆறுதல் அளிப்பதாக இருக்கும் என்பதில் சந்தேகமில்லை.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
