ஷார்ஜா: ஆடை கிடங்கில் இன்று ஏற்பட்ட தீ விபத்து..

ஷார்ஜாவின் தொழில்துறை பகுதியில் 10-ல் உள்ள ஒரு ஆடை கிடங்கில் தற்செயலாக ஏற்பட்ட தீ விபத்திற்கு குடிமைப் பாதுகாப்பு குழுக்கள் மீட்பு நடவடிக்கைகளை மேற்கொண்டு வருவதாக தெரிவிக்கப்பட்டுள்ளது. இந்த சம்பவம் இன்று (ஏப்ரல் 6, திங்கட்கிழமை) மதியம் 12.51 மணிக்கு பதிவாகியுள்ளது.

ஷார்ஜா காவல்துறை பொதுக் கட்டளையகத்தின் சிறப்புப் பிரிவுகளின் ஆதரவுடன், குடிமைப் பாதுகாப்பு குழுக்கள் சம்பவ இடத்தில் தீயைக் கட்டுப்படுத்தவும் அது பரவாமல் தடுக்கவும் பணியாற்றி வருவதாக ஷார்ஜா ஊடக அலுவலகம் உறுதிப்படுத்தியுள்ளது.

மேலும் கூடுதல் விவரங்கள் கிடைத்தவுடன் குடியிருப்பாளர்களுக்குத் தெரிவிக்கப்படும் என்று ஷார்ஜா காவல்துறை கூறியுள்ளது. அத்துடன் அதிகாரப்பூர்வ ஆதாரங்களை மட்டுமே நம்புமாறும், அங்கீகரிக்கப்பட்ட வழிகள் மூலமான தகவல்களைப் பின்பற்றுமாறும் ஷார்ஜா காவல்துறை பொதுமக்களை வலியுறுத்தியுள்ளது.