எமிரேட்ஸ் ஐடி காலாவதியாகும் முன் புதுப்பிக்க முடியுமா..?? தாமதத்திற்கான அபராதத்திலிருந்து விலக்கு பெறுவது எப்படி..??

அமீரகத்தில் உள்ள குடிமக்கள் மற்றும் ரெசிடென்ஸி விசா வைத்திருக்கும் குடியிருப்பாளர்கள் ஆகிய அனைவருக்குமே நாட்டில் தங்குவதற்கு மிக முக்கிய அடையாள அட்டையாக விளங்கும் எமிரேட்ஸ் ஐடியை முறையாக புதுப்பித்து வருவது அவசியமாகும். இவ்வாறு உரிய நேரத்தில் புதுப்பிக்க தவறினால் அபராதங்களை எதிர்கொள்ள நேரிடும். எமிரேட்ஸ் ஐடி தொடர்பான விதிமீறல்களுக்கு 14 விதமான அபராதங்கள் நடைமுறையில் உள்ளது குறிப்பிடத்தக்கது. எனவே, எமிரேட்ஸ் ஐடி வைத்திருக்கும் நபர்கள் இந்த விதிமீறல்கள் புரியாமல் முறையான விதிகளை பின்பற்ற வேண்டும். அவற்றில் ஐடி காலாவதியாகும் முன் புதுப்பிக்கலாமா, அபராதத்தில் இருந்து விலக்கு பெறும் சூழ்நிலைகள் என்ன என்பதை கீழே காணலாம்.

ரெசிடென்ஸி, எமிரேட்ஸ் ஐடி காலாவதியாகும் முன் புதுப்பிக்க முடியுமா?

ICP இன் படி, ரெசிடென்ஸ் அனுமதி மற்றும் எமிரேட்ஸ் ஐடி வைத்திருப்பவருக்கு, அதற்கான சரியான காரணம் இருந்தால், அதன் காலாவதி தேதிக்கு இரண்டு மாதங்களுக்கு முன் அனுமதி மற்றும் அட்டையைப் புதுப்பிக்க விண்ணப்பிக்க உரிமை உண்டு. சிறப்பு சந்தர்ப்பங்களில், காலாவதியாகும் தேதிக்கு ஆறு மாதங்களுக்கு முன்பு அதைப் புதுப்பிக்க GDRFA இலிருந்து சிறப்பு அனுமதியைப் பெறலாம்.

அதாவது காலாவதி தேதிக்கு முந்தைய ஒரு மாதம் முதல் ஆறு மாதங்கள் வரை காலாவதியாகும் முன் அதை புதுப்பிக்க விண்ணப்பதாரருக்கு காரணங்கள் இருந்தால், (பயணக் காரணங்களுக்காக, சுகாதார நிலைமைகள் அல்லது பிற காரணங்களுக்காக) அவர் விசா வழங்கிய எமிரேட்டின் பொது இயக்குநரகத்திடமிருந்து முன் அனுமதியைப் பெற வேண்டும்

ரெசிடென்ஸி விசாவைப் புதுப்பிக்க, நபர் பொதுவாக பாஸ்போர்ட்டின் நகல், தற்போதைய ரெசிடென்ஸ் விசா, பூர்த்தி செய்யப்பட்ட விசா விண்ணப்பப் படிவம், அத்துடன் ரெசிடென்ஸி காலாவதியாகும் முன் புதுப்பிப்பதற்கான சிறப்புக் காரணத்தை விளக்கும் கடிதம் ஆகியவற்றைச் சமர்ப்பிக்க வேண்டும். அத்துடன் ரெசிடென்ஸி விசாவை புதுப்பிப்பதற்கான கட்டணமும் செலுத்தப்பட வேண்டும். விண்ணப்பதாரர் ஐக்கிய அரபு அமீரகத்தில் பணிபுரிந்தால், புதுப்பித்தல் செயல்முறைக்கு முதலாளி உதவுகிறார்.

தாமதத்திற்கான அபராதத்திலிருந்து விலக்கு

எமிரேட்ஸ் ஐடியை சரியான நேரத்தில் புதுப்பிக்கத் தவறினால், பின்வரும் சந்தர்ப்பங்களில் அபராதம் விதிக்கப்படாது:

• ஐக்கிய அரபு அமீரகத்தை விட்டு வெளியேறி மூன்று மாதங்களுக்கும் மேலாக நாட்டிற்கு வெளியே சென்ற பிறகு உங்கள் அடையாள அட்டை காலாவதியாகிவிட்டால்
• நிர்வாக உத்தரவு அல்லது முடிவு அல்லது நீதிமன்றத் தீர்ப்பின் மூலம் நாடுகடத்தப்பட்ட பிறகு உங்கள் ஐடி காலாவதியானால்
• ஒரு கடிதம் அல்லது ரசீது மூலம் அறிக்கை தயாரிக்கப்பட்டு, உங்கள் பாஸ்போர்ட் வழக்கின் ஒரு பகுதியாக நிறுத்தி வைக்கப்பட்டிருந்தால்
• எமிராட்டி குடியுரிமையைப் பெறுவதற்கும் குடும்பப் புத்தகத்தைப் பெறுவதற்கும் முன் உங்கள் ஐடியைப் பெறவில்லை என்றால்.
• நோய்வாய்ப்பட்டு படுக்கையில் இருக்கும் நபர் அல்லது தொற்று நோயால் பாதிக்கப்பட்டவர் அல்லது பகுதி அல்லது முழு இயலாமை. இது நாட்டில் உள்ள சம்பந்தப்பட்ட அதிகாரிகளால் வழங்கப்பட்ட மருத்துவச் சான்றிதழுடன் நிரூபிக்கப்பட வேண்டும்.
• வெவ்வேறு எமிரேட்களில் உள்ள வாடிக்கையாளர் மகிழ்ச்சி மையங்களுக்குச் செல்ல முடியாத முதியவர்கள் (70 வயது மற்றும் அதற்கு மேற்பட்டவர்கள்) அவர்களின் குடும்பப் புத்தகம், பாஸ்போர்ட் அல்லது ஐக்கிய அரபு அமீரகத்தில் அங்கீகரிக்கப்பட்ட பிற ஆவணங்கள் மூலம் அவர்களின் வயதை நிரூபித்து, வாடிக்கையாளரின் வயதைக் குறிப்பிடும் பட்சத்தில், தாமத அபராதத்திலிருந்து விலக்கு அளிக்கப்படுகிறது.
• கணினி பிழை காரணமாக எமிரேட்ஸ் அடையாள அட்டையை புதுப்பித்தல் அல்லது புதுப்பிப்பதில் தாமதம் ஏற்பட்டால், அபராதம் தள்ளுபடி செய்யப்படலாம்.

எமிரேட்ஸ் ஐடி தொலைந்துவிட்டால் என்ன செய்வது?

மேலே உள்ள விதிகளுக்கு மேலதிகமாக, உங்களின் எமிரேட்ஸ் ஐடி கார்டை நீங்கள் தொலைத்துவிட்டாலோ அல்லது அது திருடப்பட்டதாகவோ அல்லது சேதப்படுத்தப்பட்டதாகவோ சந்தேகப்பட்டாலோ, நீங்கள் உடனடியாக ICP-யிடம் வேறு எமிரேட்ஸ் ஐடி கோரி கட்டணம் செலுத்த வேண்டும்.

தொலைந்த அல்லது சேதமடைந்த ஐடியை மாற்றுவதற்கு விண்ணப்பதாரர் 300 திர்ஹம்ஸ் கட்டணமாக செலுத்த வேண்டும், டைப்பிங் சென்டர்கள் மூலம் விண்ணப்பிக்கும் போது 70 திர்ஹம்ஸ் அல்லது ICA இணையதளத்தில் eForm மூலம் விண்ணப்பிக்கும் போது 40 திர்ஹம்ஸ் விண்ணப்பக் கட்டணத்துடன் கூடுதலாக செலுத்த வேண்டும். இந்த கட்டணங்கள் அனைத்து UAE நாட்டினர், GCC நாட்டவர்கள் மற்றும் வெளிநாட்டவர்கள் அனைவருக்குமே பொருந்தும்.

விதிமீறலை எப்படி சரிபார்க்க வேண்டும்?

துபாய் போலீஸ், அபுதாபி போலீஸ், GDRFA, RTA, உள்துறை அமைச்சகம் மற்றும் ICP மகிழ்ச்சி மையங்களின் இணையதளங்களுக்குச் சென்று சரிபார்த்துக் கொள்ளலாம்.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel