ஐக்கிய அரபு அமீரகம் தனது 54வது ஈத் அல் எதிஹாத் எனும் தேசிய தினத்தை பிரம்மாண்டமாக கொண்டாட தயாராகி வரும் நிலையில், துபாயின் குளோபல் வில்லேஜ், அமீரகக் கொடியின் வண்ணங்களில் வானவேடிக்கைகள் முதல் கலாச்சார நிகழ்ச்சிகள் மற்றும் பாரம்பரிய எமிராட்டி அனுபவங்கள் வரை தேசிய தினத்தை முன்னிட்டு பல்வேறு கொண்டாட்டங்களை அறிவித்துள்ளது.
இது தொடர்பாக குளோபல் வில்லேஜ் நிர்வாகம் வெளியிட்ட அறிக்கையின் படி, வருகின்ற நவம்பர் 27 முதல் டிசம்பர் 3 வரை ‘United’ என்ற கருப்பொருளின் கீழ் விழாக்கள் நடைபெறும், இந்த பிரபலமான குடும்ப பொழுதுபோக்கு இடம் ஒரு வார கால நிகழ்வுகள் மூலம் கொண்டாடவுள்ளது.
குளோபல் வில்லேஜில் எதிர்பார்க்கக்கூடிய தேசிய தினக் கொண்டாட்டங்கள்:
- டிசம்பர் 1 முதல் 3 வரை இரவு 9 மணிக்கு ஐக்கிய அரபு அமீரகக் கொடி வண்ணங்களில் வானவேடிக்கை காட்சிகள் நடைபெறும்.
- டிசம்பர் 1 மற்றும் 2 ஆகிய தேதிகளில் அமீரகம் தொடர்பான கருப்பொருள் கொண்ட ட்ரோன் நிகழ்ச்சிகள்
- டிசம்பர் 1 முதல் 3 வரை ‘From the Desert to the Stars’ என்ற தலைப்பில் தினமும் இரண்டு முறை நிகழ்த்தப்படும் நாடகம்.
- பாரம்பரிய யோலா மற்றும் ஹர்பியா நிகழ்ச்சிகள்
- டிசம்பர் 1 அன்று இரவு 9 மணிக்கு கலீஜி கலைஞர் காலித் முகமது நேரடி நிகழ்ச்சி
- ஹெரிட்டேஜ் வில்லேஜில் எமிராட்டி கைவினைப்பொருட்கள்
- குளோபல் வில்லேஜின் வாயில்கள், தெருக்கள் மற்றும் அடையாளங்களை அலங்கரிக்கும் புகழ் பெற்ற தேசிய தின அலங்காரங்கள்
இவ்வாறு இசை மற்றும் கலை முதல் உணவு மற்றும் வானவேடிக்கை வரை, கொண்டாட்டங்கள் அனைத்தும் ஐக்கிய அரபு அமீரகத்தின் ஒற்றுமை மற்றும் கலாச்சார பெருமையின் பிரதிபலிப்பை உறுதியளிக்கின்றன என கூறப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
