UAE லாட்டரி அதன் பிரபலமான லக்கி டே டிராவில் ஒரு பெரிய மறுசீரமைப்பை அறிவித்துள்ளது. இந்த மறுசீரமைப்பில் பல மாற்றங்கள் மேற்கொள்ளப்படவிருப்பதால் கேம் மாறுவதற்கு முன்பு 100 மில்லியன் திர்ஹம்ஸ் ஜாக்பாட்டை வெல்ல ஒரு இறுதி வாய்ப்புக்காக தங்கள் டிக்கெட்டுகளைப் பெறுமாறு குடியிருப்பாளர்களை அதன் நிர்வாகம் வலியுறுத்துகிறது.
இது குறித்து UAE லாட்டரி நிர்வாகம் வெளியிட்டுள்ள அறிவிப்பின்படி, லக்கி டேவின் இந்த டிராவே 100 மில்லியன் திர்ஹம்ஸ் ஜாக்பாட்டை அமீரக குடியிருப்பாளர்கள் வெல்வதற்கான கடைசி டிரா எனவும், இதற்கான டிக்கெட் விற்பனை வரும் சனிக்கிழமை, நவம்பர் 29 அன்றுடன் முடிவடையும் என்றும் அறிவிக்கப்பட்டுள்ளது.
மேலும், லக்கி டே மேம்பட்ட வெகுமதிகள் மற்றும் மேம்படுத்தப்பட்ட விளையாட்டுடன் ஒரு அற்புதமான புதிய சகாப்தத்தில் நுழைய இருப்பதாகவும், அதற்கு முன்பு பலரது கனவு பரிசான 100 மில்லியன் திர்ஹம் கிராண்ட் பரிசை வெல்ல இறுதி வாய்ப்பு வழங்கப்படுவதாகவும் கூறப்பட்டுள்ளது. எனவே இந்த டிராவில் பங்கேற்க விருப்பமுள்ளவர்கள் சனிக்கிழமைக்கு முன்பாக டிக்கெட்டை பெற்றுக்கொள்ளுமாறும் அறிவுறுத்தியுள்ளது.
வாரத்தில் ஒவ்வொரு சனிக்கிழமையும் நடைபெறும் லக்கி டே டிரா, பங்கேற்பாளர்கள் 50 திர்ஹம்ஸ் டிக்கெட்டுடன் ஏழு எண்களைத் தேர்ந்தெடுக்க அனுமதிக்கிறது. எத்தனை எண்கள் பொருந்துகின்றன என்பதைப் பொறுத்து, பரிசுகள் 100 திர்ஹம்ஸ் முதல் 100 மில்லியன் திர்ஹம்ஸ் வரை இருக்கும். UAE லாட்டரி தொடங்கப்பட்டதிலிருந்து, ஒரு லட்சத்திற்கும் மேற்பட்ட வெற்றியாளர்கள் உருவாக்கியுள்ளதாகவும், 25 டிராக்களில் 147 மில்லியன் திர்ஹம்க்கு மேல் பரிசு அளிக்கப்பட்டுள்ளதாவும் கூறப்படுகிறது.
எனினும் UAE லாட்டரி தொடங்கப்பட்டதிலிருந்து இன்றுவரை நடத்தப்பட்டுள்ள டிராக்களில், 29 வயதான இந்தியாவை சேரந்த அனில்குமார் பொல்லா என்பவர் மட்டுமே ஏழு எண்களையும் சரியாக பொருத்தி, 100 மில்லியன் திர்ஹம்ஸ் கிராண்ட் பரிசைப் பெற்ற ஒரே வெற்றியாளாராக உள்ளார்.
புதிய பதிப்பிலிருந்து என்ன எதிர்பார்க்கலாம்?
முழு விவரங்கள் இன்னும் வெளியிடப்படாத நிலையில், குடியிருப்பாளர்கள் பின்வருவனவற்றை எதிர்பார்க்கலாம் என கூறப்படுகிறது:
- கூடுதல் பரிசு நிலைகள், அதிக எண்ணிக்கையிலான பங்கேற்பாளர்களை வெல்ல அனுமதிக்கிறது
- மேம்படுத்தப்பட்ட வாய்ப்புகள் மற்றும் சாத்தியமான புதிய வகை பரிசுகள்
- UAE இன் கேமிங் புதுமை உந்துதலுடன் இணைந்த புதுப்பிக்கப்பட்ட டிஜிட்டல் அனுபவம்
- மேம்படுத்தப்பட்ட வெளிப்படைத்தன்மை மற்றும் நிகழ்நேர டிரா அம்சங்கள்
UAE லாட்டரி பிராந்தியத்தின் மிகவும் நம்பகமான கேமிங் தளங்களில் ஒன்றாக வேகமாக வளர்ந்துள்ளது, இது கடுமையான இணக்கம், வெளிப்படைத்தன்மை மற்றும் வாழ்க்கையை மாற்றும் வெகுமதிகளுக்கு பெயர் பெற்றுள்ளது. எனவே மறுசீரமைப்புடன் வரவிருக்கும் டிராவில், பங்கேற்பாளர்கள் சிறந்த லாட்டரி அனுபவத்தை எதிர்நோக்கலாம் என்பது குறிப்பிடத்தக்கது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
