அஜ்மான் காவல்துறையானது, நகராட்சி மற்றும் திட்டமிடல் துறையுடன் (Department of Municipality and Planning) ஒருங்கிணைந்து மேற்கொள்ளப்படும் முக்கிய சாலை விரிவாக்கம் மற்றும் உள்கட்டமைப்பு மேம்பாட்டுப் பணிகளின் ஒரு பகுதியாக, அல் ரஷீதியா 2 இல் உள்ள ரஷீத் பின் அப்துல் அஜீஸ் ஸ்ட்ரீட்டை தற்காலிகமாக மூடுவதாக அறிவித்துள்ளது.
இந்த தற்காலிக சாலை மூடலானது, ஜனவரி 20, 2026 அன்று தொடங்கி, மூன்று மாதங்களுக்கு நீடிக்கும் என்றும், இது ஃபால்கன் டவர்ஸ் முதல் குல்ஃபா பாலம் இன்டர்செக்ஷன் வரையிலான சாலையின் பகுதியை பாதிக்கும் என்றும் அறிக்கை வெளியிடப்பட்டுள்ளது.
மேலும், இந்த திட்டம் முக்கிய சாலைகளை மேம்படுத்துதல், உள்கட்டமைப்பை மேம்படுத்துதல் மற்றும் சாலை வலையமைப்பின் ஒட்டுமொத்த செயல்திறனை மேம்படுத்துதல் என்ற எமிரேட்டின் பரந்த திட்டத்தின் ஒரு பகுதியாகும் என்று அஜ்மான் காவல்துறை தெரிவித்துள்ளது.
காவல்துறை அதிகாரிகளின் கூற்றுப்படி, இந்த மேம்பாடுகள் அனைத்து சாலை பயனர்களுக்கும் போக்குவரத்து இயக்கத்தை எளிதாக்குதல் மற்றும் பாதுகாப்பை மேம்படுத்துதல் நோக்கமாகக் கொண்டுள்ளன.
ஆகவே, வாகன ஓட்டிகள் போக்குவரத்து மாற்று அடையாளங்களைப் பின்பற்றவும், சாலையில் உள்ள வழிமுறைகளைப் பின்பற்றவும், மூடல் காலத்தில் மாற்று வழிகளைப் பயன்படுத்தவும் அறிவுறுத்தப்பட்டுள்ளது.
தற்போது, மேம்பாட்டுப் பணிகள் நடைபெற்று வரும் நிலையில், சாலை பாதுகாப்பை உறுதி செய்வதற்கும் போக்குவரத்து நெரிசலைக் குறைப்பதற்கும் தேவையான நடவடிக்கைகள் எடுக்கப்பட்டுள்ளதாக அஜ்மான் காவல்துறை மேலும் உறுதிப்படுத்தியுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
