ஐக்கிய அரபு அமீரகத்தில் விமான சேவை பாதிக்கப்பட்டுள்ளதால் பயணம் செய்ய முடியாமல் சிக்கித் தவிக்கும் பயணிகள், ரத்து செய்யப்பட்ட ஏர் இந்தியா எக்ஸ்பிரஸ் விமானங்களை நாட்டின் எந்த விமான நிலையத்திலிருந்தும் இந்தியாவின் எந்த இடத்திற்கும் கூடுதல் கட்டணம் இல்லாமல் மீண்டும் முன்பதிவு செய்யலாம் என்று விமான நிறுவனக் குழு சனிக்கிழமை தெரிவித்துள்ளது.மேற்கு ஆசியாவில் ஏற்பட்டுள்ள சூழ்நிலை காரணமாக விமானங்கள் ரத்து செய்யப்பட்ட அமீரக பயணிகளுக்கு இந்த நெகிழ்வுத்தன்மை பொருந்தும் என்று விமான நிறுவனம் தெரிவித்துள்ளது.
எடுத்துக்காட்டாக, ரத்து செய்யப்பட்ட துபாய்-ஜெய்ப்பூர் விமானத்தைக் கொண்ட பயணிகள் கூடுதல் கட்டணம் இல்லாமல் தங்கள் முன்பதிவை ராஸ் அல் கைமா-டெல்லி சேவைக்கு மாற்றலாம் என்று ஏர் இந்தியா கூறியுள்ளது.
ஏர் இந்தியா மற்றும் அதன் குறைந்த கட்டண துணை நிறுவனமான ஏர் இந்தியா எக்ஸ்பிரஸ், மார்ச் 7 அன்று மேற்கு ஆசியா முழுவதும் கிட்டத்தட்ட 50 விமானங்களை இயக்கும் வகையில், பிராந்தியத்தில் செயல்பாடுகளை அதிகரித்துள்ளதால் இந்த நடவடிக்கை எடுக்கப்பட்டுள்ளதாக கூறப்பட்டுள்ளது.
கூடுதலாக, இந்த விமானக் குழுமம் மார்ச் 8 ஆம் தேதி துபாய், அபுதாபி, ஷார்ஜா மற்றும் ராஸ் அல் கைமா மற்றும் ஓமானில் உள்ள மஸ்கட் ஆகியவற்றை முக்கிய இந்திய நகரங்களுடன் இணைக்கும் கூடுதல் திட்டமிடப்படாத வணிக விமானங்களைத் திட்டமிட்டுள்ளது.
இந்த கூடுதல் சேவைகளில் மும்பை-துபாய், டெல்லி-துபாய் மற்றும் பெங்களூரு-துபாய் போன்ற வழித்தடங்களும், மும்பை, கொச்சி மற்றும் டெல்லியை ராஸ் அல் கைமாவுடன், மும்பை மற்றும் பெங்களூருவை அபுதாபியுடன், மும்பை மற்றும் பெங்களூருவை ஷார்ஜாவுடன் இணைக்கும் விமானங்களும் அடங்கும் என்பது குறிப்பிடத்தக்கது.
Air India and Air India Express are committed to flying you to your destination and continue to operate scheduled flights to/from Jeddah and Muscat which are assessed safe for operations.
Additional non-scheduled flights are planned to operate to and from Abu…
— Air India (@airindia) March 7, 2026
அத்துடன் ஏர் இந்தியா எக்ஸ்பிரஸ் மட்டும் மார்ச் 7 அன்று பிராந்தியம் முழுவதும் சுமார் 43 விமானங்களை இயக்கியதாக விமான நிறுவனம் ஒரு ஊடக அறிவிப்பில் தெரிவித்துள்ளது. அதே போல் மறு முன்பதிவு (rebooking) விருப்பங்களை வழங்க விமான நிறுவனத்தில் பதிவுசெய்யப்பட்ட மொபைல் எண்கள் மூலம் பாதிக்கப்பட்ட பயணிகளை முன்கூட்டியே தொடர்புகொள்வதாகவும் விமான நிறுவனம் தெரிவித்துள்ளது.
மேலும் பயணிகள் ஏர் இந்தியா எக்ஸ்பிரஸ் வாட்ஸ்அப் உதவியாளரான “Tia” மூலமாகவும் முன்பதிவுகளை நிர்வகிக்கலாம் என கூறப்பட்டுள்ளது l.
இவ்வாறு விரிவாக்கப்பட்ட விமான செயல்பாடுகள் இருந்தபோதிலும், பஹ்ரைன், தம்மம், தோஹா, குவைத் மற்றும் ரியாத் உள்ளிட்ட பல வளைகுடா இடங்களுக்கான விமானங்கள், வழித்தடத்தைப் பொறுத்து குறைந்தது மார்ச் 10 முதல் மார்ச் 13 வரை இடைநிறுத்தப்பட்டுள்ளன.
இந்த இக்கட்டான சூழ்நிலையில் பயணிகளின் பாதுகாப்பு அதன் முதன்மையான முன்னுரிமையாக இருப்பதாகவும், விமான நிலையத்திற்குச் செல்வதற்கு முன் சமீபத்திய விமான நிலையைச் சரிபார்க்குமாறு பயணிகளுக்கு அறிவுறுத்தியதாகவும் ஏர் இந்தியா தெரிவித்துள்ளதும் குறிப்பிடத்தக்கது .
