UAE: ஒவ்வொரு எமிரேட்டிலும் நடைபெறவுள்ள யூனியன் தின கொண்டாட்டங்களின் பட்டியல் இதோ..!!

ஐக்கிய அரபு அமீரகம் உருவானதை நினைவுகூரும் வகையில், ஒவ்வொரு எமிரேட்டும் நாட்டின் 52 வது யூனியன் தின சிறப்பு கொண்டாட்டங்களுக்கு ஏற்பாடு செய்துள்ளது. அதன்படி எந்தெந்த எமிரேட்களில் என்னென்ன கொண்டாட்டங்கள் நடைபெறுகின்றன என்பதன் விபரங்களை பின்வருமாறு பார்க்கலாம்.

அபுதாபி

1. ஷேக் சயீத் திருவிழா

அபுதாபியின் அல் வத்பாவில் நடைபெற்று வரும் ஷேக் சயீத் ஃபெஸ்டிவல், யூனியன் தினத்தை முன்னிட்டு நடத்தப்படும் சிறப்பு செயல்பாடுகள் மற்றும் அற்புதமான நிகழ்ச்சிகளின் பட்டியலை வெளியிட்டுள்ளது. மூன்று நாள் கொண்டாட்டத்தின் போது, ​​யூனியன் தினத்தை கொண்டாடும் வகையில் சிறப்பு அணிவகுப்பு, இருண்ட வானத்தை பிரகாசிக்கும் வகையில் கண்கவர் வானவேடிக்கை காட்சிகள், காண்போரை வியக்கவைக்கும் ட்ரோன் நிகழ்ச்சிகள், பார்வையாளர்களை வசீகரிக்கும் எமிரேட்ஸ் நீரூற்று நிகழ்ச்சிகள் மற்றும் சர்வதேச நாடுகளின் சிறப்பு கலாச்சார அணிவகுப்பு போன்ற நிகழ்ச்சிகளை எதிர்பார்க்கலாம்.

• தேதிகள்: டிசம்பர் 1 வெள்ளிக்கிழமை முதல் டிசம்பர் 3 திங்கள் வரை
• நேரம்: மாலை 4 மணி முதல் மதியம் 1 மணி வரை.
• நுழைவு கட்டணம்: • ஒரு நபருக்கு 10 திர்ஹம் வசூலிக்கபடுகிறது. மாற்றுத்திறனாளிகள், மூன்று வயதுக்குட்பட்ட குழந்தைகள் மற்றும் முதியவர்களுக்கு (60 வயது) கட்டணத்தில் இருந்து விலக்கு அளிக்கப்படுகிறது.

2. யாஸ் ஐலேண்ட்  மற்றும் அல் மரியா ஐலேண்டில் வானவேடிக்கை

கலேரியா, அல் மரியா ஐலேண்டில் டிசம்பர் 2 மற்றும் டிசம்பர் 3 ஆகிய தேதிகளில் இரவு 9 மணிக்கு வாணவேடிக்கை நிகழ்ச்சி நடைபெறும். யாஸ் தீவில் உள்ள யாஸ் பே வாட்டர்ஃபிரண்ட் டிசம்பர் 2 மற்றும் டிசம்பர் 3 ஆகிய தேதிகளில் இரவு 9 மணிக்கு யூனியன் தின வானவேடிக்கை நிகழ்ச்சியை ஏற்பாடு செய்துள்ளது.

துபாய்

1. குளோபல் வில்லேஜ்

யூனியன் தின விடுமுறையின் போது, ​​குளோபல் வில்லேஜின் நுழைவு வாயில்கள் மற்றும் கார்னிவல் யூனியன் தினத்திற்கான சிறப்பு ஒளி காட்சியைக் காண்பிக்கும். குளோபல் வில்லேஜ் படி, யூனியன் தின கருப்பொருள் நிகழ்ச்சிகள் இருக்கும், இதில் ‘விஷன் ஆஃப் தி எமிரேட்ஸ்’ என்ற தலைப்பில் ஒரு ஓபரா உள்ளது. ஓபரா ஐக்கிய அரபு எமிரேட்ஸின் வளமான கலாச்சார பாரம்பரியம் மற்றும் சாதனைகளை முன்னிலைப்படுத்தும்.

டிசம்பர் 1 முதல் 4 வரை நடைபெறும் கொண்டாட்டத்தில், மருதாணி வழங்கும் கியோஸ்க்களும், பருந்துடன் தொடர்பு கொள்ளவும், அதனுடன் படம் எடுக்கவும் விருப்பம் இருக்கும். UAE பெவிலியன், பெவிலியன் 971, கலீஃபா அறக்கட்டளை மற்றும் ஹம்தான் ஹெரிடேஜ் சென்டர் போன்ற பல்வேறு பெவிலியன்களில் இருந்து பிரத்தியேக யூனியன் தின பொருட்கள் மற்றும் நினைவுப் பொருட்களையும் நீங்கள் வாங்கலாம்.

டிக்கெட் விலை:

• நுழைவு வாயிலில்: 30 திர்ஹம்
• ஆன்லைனில்: 27 திர்ஹம் (www.globalvillage.ae அல்லது மொபைல் ஆப்ஸ் ‘Global Village’ மூலம் முன்பதிவு செய்யலாம்)
• மூன்று வயதுக்குட்பட்ட குழந்தைகள், மூத்த குடிமக்கள் மற்றும் மாற்றுத்திறனாளிகளுக்கு இலவச டிக்கெட்.

2. எக்ஸ்போ சிட்டி துபாய்

எக்ஸ்போ சிட்டி துபாயில் டிசம்பர் 2 ஆம் தேதி தேசிய தின கொண்டாட்டங்கள் நடைபெறும் மற்றும் அனைத்து உள்ளூர் தொலைக்காட்சி சேனல்களிலும், அதிகாரப்பூர்வ யூனியன் தின வலைத்தளமான www.unionday.ae இல் நேரடியாக ஒளிபரப்பப்படும்.

டிசம்பர் 5 முதல் 12 வரை எக்ஸ்போ சிட்டி துபாயில் நடைபெறும் பொது விழாவில் நீங்கள் கலந்து கொள்ளலாம், இதில் UAE இன் நிலைத்தன்மை பயணம் மற்றும் அதன் நிலையான எதிர்காலம் பற்றிய நிகழ்ச்சிகள் இருக்கும். ‘துபாய் எக்ஸ்போ சிட்டியில் உள்ள ஜூபிலி பூங்காவில் 52வது யூனியன் டே ஷோ’ என இந்த நிகழ்ச்சிக்கு தலைப்பு வைக்கப்பட்டுள்ளது.

• செலவு: ஒரு நபருக்கு 300 திர்ஹம் ஆகும். மூன்று வயதுக்குட்பட்ட குழந்தைகள் இலவசமாக நுழையலாம். உங்கள் டிக்கெட்டுகளை platinumlist.net மூலம் பதிவு செய்யலாம்.
• தேதிகள்: டிசம்பர் 5 முதல் டிசம்பர் 12 வரை
• நேரங்கள்: பங்கேற்பாளர்கள் மாலை 4 மணிக்கு வர வேண்டும், நிகழ்ச்சி மாலை 6 மணிக்குத் தொடங்கும்.

3. அல் வாஸ்லில் துபாய் போலீஸ் அணிவகுப்பு

தேசிய தின விடுமுறையில், அல் வாஸ்ல் பகுதியில் துபாய் காவல்துறை அணிவகுப்பு நடத்தும். இந்த அணிவகுப்பில் துபாய் காவல்துறை அணிவகுப்பு இசைக்குழு மற்றும் துபாய் காவல்துறையின் ஹவர்ஸ் மவுண்டட் யூனிட் (hourse-mounted unit) ஆகியவை இடம்பெறும். துபாய் போலீஸ் அகாடமியைச் சேர்ந்த மாணவர்களும், 60 பள்ளி மாணவர்களும் இந்நிகழ்ச்சியில் பங்கேற்கவுள்ளதாகக் கூறப்படுகிறது. இந்த அணிவகுப்பு அரசு இலாப நோக்கற்ற அமைப்பான வதானி அல் எமரத் உடன் இணைந்து நடத்தப்படுகிறது.

• தேதி: வெள்ளிக்கிழமை, டிசம்பர் 1
• நேரம்: மாலை 4.30 முதல் 5.30 வரை
• இடம்: அல் வாஸ்ல் – அல் மதீனா ஸ்ட்ரீட், அல் முல்தகா ஸ்ட்ரீட் மற்றும்  சிட்டி வாக்கில் உள்ள லண்டன் ஸ்ட்ரீட் ஆகிய பகுதிகளில் அணிவகுப்பு நடைபெறும்.

ஷார்ஜா

1. அனைத்து ஷார்ஜா அருங்காட்சியகங்களுக்கும் இலவச நுழைவு

• தேதி: டிசம்பர் 1 வெள்ளிக்கிழமை முதல் டிசம்பர் 2 சனிக்கிழமை வரை.
• நேரம்: வெள்ளி: மாலை 4 மணி முதல் இரவு 8 மணி வரை

ஷார்ஜா அருங்காட்சியக ஆணையம் (SMA) வெள்ளி மற்றும் சனிக்கிழமைகளில் யூனியன் தின விடுமுறையின் போது அதன் அனைத்து அருங்காட்சியகங்களுக்கும் இலவச நுழைவை வழங்குவதாக அறிவித்துள்ளது.

மேலும், ஒவ்வொரு அருங்காட்சியகமும் ஏராளமான ஒர்க் ஷாப்புகள் மற்றும் நிகழ்வுகளை நடத்தும், இது நாட்டின் செழுமையான கலாச்சாரம் மற்றும் பாரம்பரியத்தைப் பற்றி பொதுமக்களுக்குக் கற்பிக்கும் என்று கூறப்படுகிறது. கூடுதலாக, ஷார்ஜா கடல்சார் அருங்காட்சியகத்தில் (Sharjah Martime Museum) கடல்சார் அணிவகுப்பையும் பார்வையாளர்கள் பார்க்கலாம். இந்த நிகழ்வுகள் பின்வரும் அருங்காட்சியகங்களில் நடைபெறும்:

• பைத் ஷேக் சயீத் பின் ஹமத் அல் காசிமி: மாலை 5 மணி முதல் இரவு 10 மணி வரை
• ஷார்ஜா கோட்டை (அல் ஹிஸ்ன்): காலை 10 மணி முதல் மதியம் 1 மணி வரை
• ஷார்ஜா கடல்சார் அருங்காட்சியகம்: மாலை 4 மணி முதல் இரவு 10 மணி வரை

2. ஷார்ஜா முழுவதும் யூனியன் தின கொண்டாட்டங்கள்

1. ஷார்ஜா தேசிய பூங்கா
2. மலிஹா பொது பூங்கா
3. அல் ஹோஸ்ன் ஐலேண்ட்
4. திப்பா அல் ஹிஸ்ன்
5. கோர்பக்கன் ஆம்பிதியேட்டர்
6. சூக் ஷார்க்
7. வாடி அல் ஹெலோ
8. கல்பா
9.  அல் பாடே, அல் முதம்
10. தாயிட் கோட்டை
11. அல் ஹம்ரியாவில் உள்ள ஹெரிட்டேஜ் வில்லேஜ்

உம் அல் குவைன்

எமிரேட்டில் இரண்டு இடங்களில் யூனியன் தின கொண்டாட்டங்கள் நடைபெறும், இவை இரண்டும் பார்வையாளர்கள் அனைவருக்கும் இலவசம்:

1. ஃபலாஜ் அல்-முஅல்லா கோட்டை

• தேதி: வெள்ளிக்கிழமை, டிசம்பர் 1 முதல் டிசம்பர் திங்கள் 3, 2023 வரை.
• நேரம்: மாலை 4 மணி முதல் இரவு 9 மணி வரை.

ஃபலாஜ் அல்-முஅல்லா கோட்டையில் பார்வையாளர்கள் பாரம்பரிய நாட்டுப்புற நிகழ்ச்சிகள் மற்றும் கைவினை ஒர்க் ஷாப்கள் மூலம் எமிராட்டி பாரம்பரியத்தைப் பற்றி அறிந்துகொள்ளலாம். பார்வையாளர்கள் ஒட்டகக் காட்சியைக் காணவும் பாரம்பரிய சமையல் போட்டிகளில் பங்கேற்கவும் வாய்ப்பு கிடைக்கும்.

2. அல் கோர் வாட்டர் ஃபிரண்ட்

• தேதி: வெள்ளிக்கிழமை, டிசம்பர் 1.
• நேரம்: மாலை 4 மணி முதல் இரவு 10 மணி வரை.

அல் கோர் வாட்டர்ஃபிரண்டில், பார்வையாளர்கள் ஏர் ஷோ, கார்னிவல் மற்றும் கயாக்கிங் போன்ற நடவடிக்கைகளிலும் பங்கேற்க முடியும். குழந்தைகளுக்கான விளையாட்டு மைதானம் மற்றும் கலை மற்றும் கைவினை கார்னர்களும் உள்ளன. அத்துடன் மாலை 4.30 மணிக்கு ஏர் ஷோ தொடங்கும்.

ராஸ் அல் கைமா

1. அல் குவாசிம் கார்னிச்சில் யூனியன் டே அணிவகுப்பு

ராஸ் அல் கைமா (RAK) காவல்துறை – பொதுத் தலைமையகம் அல் குவாசிம் கார்னிச்சிலிருந்து 52வது யூனியன் தின அணிவகுப்பை நடத்துகிறது. அணிவகுப்பில் ஒரு இராணுவ நிகழ்ச்சி இருக்கும் மற்றும் அல் குவாசிம் கார்னிச்சிற்கான பிரதான சாலை மூடப்படும். யூனியன் தின அணிவகுப்புக்கு கூடுதலாக, ராஸ் அல் கைமா காவல்துறை கார்னிச்சில் அதிக கொண்டாட்டங்களை ஏற்பாடு செய்துள்ளது.

• தேதி: வெள்ளிக்கிழமை, டிசம்பர் 1.
• நேரம்: மாலை 3 மணி முதல் மாலை 5 மணி வரை.

சில நிகழ்வுகளின் பட்டியல் இங்கே:

• மோட்டார் சைக்கிள் அணிவகுப்பு
• தேசீய கீதம்
• இராணுவப் பிரிவு அணிவகுப்பு
• பழைய இராணுவ அணிவகுப்பு
• அல் தைத் பள்ளி ஓபரெட்டா
• பல்கலைக்கழகங்கள், கல்லூரிகள், பள்ளிகள் மற்றும் சமூக மையங்களில் இருந்து அணிவகுப்பு.

அல் குவாசிம் கார்னிச் செல்லும் பிரதான சாலை பிற்பகல் 3 மணிக்கு மூடப்படும் என்பதால், சாலை மூடப்படுவதைத் தவிர்க்க பார்வையாளர்கள் அரை மணி நேரத்திற்கு முன்னதாக வருமாறு ரஸ் அல் கைமா அறிவுறுத்தியுள்ளது.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel