UAE-இந்தியா இடையே உயரும் டிக்கெட் கட்டணம்.. விமான சேவையை அதிகரிப்பதே ஒரே தீர்வு.. உயர் அதிகாரி தகவல்..
ஐக்கிய அரபு அமீரகம் மற்றும் இந்தியாவிற்கு இடையே அதிகரித்து வரும் பயணத்திற்கான தேவை மற்றும் விமானக் கட்டணங்களில் குறைந்த திறன் தாக்கம் ஆகியவற்றை எடுத்துரைத்த இந்தியாவிற்கான ஐக்கிய அரபு அமீரகத்தின் தூதர் அப்துல்நாசர் அல்ஷாலி இரு நாடுகளுக்கும் இடையே இயக்கப்படும் விமானங்களின் எண்ணிக்கையை அதிகரிக்க அழைப்பு விடுத்துள்ளார்.
சமீபத்தில் DIFC இல் நடந்த UAE-India Founders Retreat இல் செய்தி ஊடகம் ஒன்றுக்கு அளித்த நேர்காணலில், சிறந்த போக்குவரத்து இணைப்புகள் மூலம் மேம்படுத்தப்பட்ட இருதரப்பு உறவுகளின் அவசியத்தையும், இந்தியாவில் உள்ள பல்வேறு துறைகளுக்கு நேரடி விமானங்களின் முக்கியத்துவத்தையும் அவர் எடுத்துரைத்துள்ளார்.
இது குறித்து அப்துல்நாசர் அல்ஷாலி பேசுகையில், “விமான கட்டணம் அதிகரித்துள்ளது, மேலும் பயணத்திற்கான தேவை அதிகமாக உள்ளது. எங்களுக்கு அதிக விமானங்கள் மற்றும் இருக்கை வசதிகள் தேவை. இல்லையெனில், விலை தொடர்ந்து உயரும்” என்று கூறியுள்ளார்.
விமானங்களின் எண்ணிக்கையை அதிகரிப்பது சுற்றுலாவை மேம்படுத்துவதுடன் வேலை வாய்ப்புகளை உருவாக்கும் மற்றும் வணிக வாய்ப்புகளை வளர்க்கும் என்றும் அல்ஷாலி தெரிவித்துள்ளார். மேலும், அவர் தொடர்ந்து பேசுகையில், “இந்தியர்கள் தங்கள் சொந்த ஊர்களுக்கு அருகிலுள்ள விமான நிலையங்களுக்கு குறிப்பிட்ட நாட்களில் பயணிக்க விரும்புகிறார்கள் என்பதை நான் அறிந்தேன், அதனால்தான் விமான விருப்பங்களை விரிவாக்குவது முக்கியமானது” என்று சுட்டிக்காட்டியுள்ளார்.
அந்தவகையில், இரு நாடுகளுக்கு இடையே விமான சேவைகளை அதிகரித்து முக்கிய நகரங்களுக்கு மட்டுமல்லாமல் இரண்டாம் நிலை நகரங்களையும் (tier 2 cities) உதாரணமாக சென்னை போன்ற முக்கிய நகரத்திற்கு மட்டுமல்லாமல் மதுரை, கோவை உள்ளிட்ட மற்ற விமான நிலையங்களையும் உள்ளடக்கும் இந்திய நகரங்களை அமீரகத்துடன் இணைக்கும் யோசனையை அவர் முன்வைத்துள்ளதாகவும் கூறப்படுகிறது.
இந்த நிகழ்வில் 60 க்கும் மேற்பட்ட இந்திய ஸ்டார்ட்அப் நிறுவனர்கள், UAE வணிகத் தலைவர்கள், முதலீட்டாளர்கள் மற்றும் கொள்கை வகுப்பாளர்கள் ஒருங்கிணைக்கப்பட்டனர். மாலையில் DIFC இன் கவர்னர் எஸ்ஸா காசிம், துபாய் பொருளாதாரம் மற்றும் சுற்றுலாத் துறையின் பொருளாதார மேம்பாட்டுத் தலைமை நிர்வாக அதிகாரி ஹாடி பத்ரி மற்றும் நூன் தலைமை நிர்வாக அதிகாரி ஃபராஸ் காலித் ஆகியோர் கலந்து கொண்டனர்.
மேம்படுத்தப்பட்ட இணைப்பு மக்களிடையேயான உறவுகளை ஆழப்படுத்துவதுடன் முதலீட்டாளர்கள், மாணவர்கள் மற்றும் வணிகர்களுக்கு எளிதான பயணத்தை எளிதாக்கும் என்று தூதர் அடிக்கோடிட்டுக் காட்டியுள்ளார்.
மேலும், “இந்தியாவிற்கும் ஐக்கிய அரபு அமீரகத்திற்கும் இடையிலான இருதரப்பு வர்த்தகம் 80 பில்லியன் டாலர்களைத் தாண்டியுள்ளது, CEPA க்குப் பிறகு ஒட்டுமொத்தமாக 15 சதவிகிதம் அதிகரித்துள்ளது. பழங்கள் மற்றும் காய்கறிகள் உட்பட மருந்து மற்றும் விவசாயத் துறைகள் 30 சதவீதத்திற்கும் அதிகமான வளர்ச்சியைக் கண்டுள்ளன” என்று இரு நாடுகளுக்கிடையேயான வர்த்தகத்தை கணிசமாக உயர்த்திய CEPAவின் வெற்றியை அல்ஷாலி எடுத்துக்காட்டியுள்ளார்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
