நியாயமற்ற முறையில் பார்க்கிங் அபராதம் விதிக்கப்பட்டதா..?? துபாய் மற்றும் அபுதாபியில் அபராதத்தை மறுப்பது எப்படி??

அமீரகத்தில் காரை நிறுத்தி விட்டு பார்க்கிங் கட்டணத்தை ஏற்கனவே செலுத்திவிட்ட பிறகும், மீண்டும் காருக்கு திரும்புகையில் வாகனத்தின் விண்ட்ஷீல்டில் பார்க்கிங் அபராதத்திற்கான டிக்கெட்டை காணும் நிகழ்வு ஒரு சிலருக்கு நடந்திருக்கலாம். மேலும், இத்தகைய சூழலில் பார்க்கிங் அபராதம் நியாயமற்ற முறையில் வழங்கப்பட்டதாக நீங்கள் நம்பினால், அதை எப்படி மறுப்பது என்று தெரிந்துகொள்வது அவசியமாகும். துபாய் மற்றும் அபுதாபியில் அபராதத்தை எவ்வாறு மறுப்பது என்பது பற்றிய விளக்கம் பின்வருமாறு கொடுக்கப்பட்டுள்ளது.

துபாய்

1. துபாயின் பொது பார்க்கிங் ஆபரேட்டரான பார்க்கின் PJSC-யால் உங்களுக்கு அபராதம் விதிக்கப்பட்டிருந்தால், சாலைகள் மற்றும் போக்குவரத்து ஆணையம் (RTA) மூலம் உங்கள் தகராறைச் சமர்ப்பிக்க வேண்டும்.
2. குறிப்பிட்ட நேரத்திற்குள் உங்கள் மேல்முறையீட்டை தாக்கல் செய்வதை உறுதிசெய்யவும். இதைத் தவறவிட்டால் அபராதம் அப்படியே இருக்கும்.
3.  பார்க்கிங்கிற்கு பணம் செலுத்தியதைக் காட்டும் ஏதேனும் ஆவணங்கள் அல்லது ஆதாரங்களைச் சேகரிக்கவும். இதில் ரசீதுகள், கட்டண உறுதிப்படுத்தல்களின் ஸ்கிரீன்ஷாட்கள் அல்லது வேறு ஏதேனும் தொடர்புடைய ஆதாரங்கள் இருக்கலாம்.
4. உங்கள் மேல்முறையீடு வெற்றி பெற்றால், அபராதம் ரத்து செய்யப்படலாம்.

துபாயில் பார்க்கிங் அபராதத்தை மறுப்பது எப்படி?

RTA படி, அனைத்து பார்க்கிங் அபராத வழக்குகளும் வழங்கப்பட்ட நாளிலிருந்து 30 நாட்களுக்குள் சமர்ப்பிக்கப்பட வேண்டும். தாக்கல் செய்யப்பட்டவுடன், சமர்ப்பித்த 30 நாட்களுக்குள் SMS வழியாக அதன் நிலை குறித்த புதுப்பிப்பைப் பெறுவீர்கள்.

• https://www.rta.ae/wps/portal/rta/ae/dispute-form?lang=en  என்ற RTAவின் அதிகாரப்பூர்வ படிவம் உள்ள பக்கத்தைப் பார்வையிடவும்.
• இப்போது, பிரச்சனை வகையைத் தேர்ந்தெடுத்து அபராத எண்ணை உள்ளிடவும்.
• அதையடுத்து, உங்கள் முழு பெயர் மற்றும் மொபைல் எண்ணை வழங்கவும்.
• பின்னர், புகைப்படங்கள் அல்லது தொடர்புடைய ஆவணங்கள் போன்ற துணை ஆதாரங்களை இணைக்கவும்.
• அடுத்த படியாக, அபராதத்தை மறுப்பதற்கான சூழ்நிலைகளையும் காரணங்களையும் சுருக்கமாக விளக்க வேண்டும்.
• அதன் பின், விதிமுறைகள் மற்றும் நிபந்தனைகளுக்கு ஒப்புக் கொண்டு, விண்ணப்பத்தை சமர்ப்பிக்கவும்.
• சமர்ப்பிக்கப்பட்டதும், RTA இணையதளத்தில் (www.rta.ae) உங்கள் தகராறின் நிலையைக் கண்காணிக்க குறிப்பு எண்ணைப் பெறுவீர்கள்.

மாற்று வழிகள்

• அல் பார்ஷா அல்லது உம் ராமூல் போன்ற RTA வாடிக்கையாளர் சேவை மையத்தைப் பார்வையிடுவதன் மூலமாகவும் உங்களுக்கு விதிக்கப்பட்ட அபராதத்திற்கு மறுப்பு தெரிவிக்கலாம்.
• மேலும், உதவிக்கு RTA ஹெல்ப்லைனை 800 9090 இல் அழைக்கவும்.

அபுதாபி

1. அபுதாபியில் வசிப்பவர்கள் எமிரேட்டின் மவாகிஃப் அமைப்பின் மூலம் அபராதத்தை எதிர்த்து பதிவு செய்ய வேண்டும்.
2. உங்கள் கோரிக்கையை சமர்ப்பிக்க பொருத்தமான போர்ட்டலுக்குச் செல்லவும். துபாயைப் போலவே, தேவையான காலக்கெடுவிற்குள் நீங்கள் சமர்ப்பிக்கிறீர்கள் என்பதை உறுதிப்படுத்திக் கொள்ளுங்கள்.

அபுதாபியில் பார்க்கிங் அபராதத்தை மறுப்பது எப்படி?

அபுதாபியில் பார்க்கிங் அபராதங்கள் பொதுவாக அமீரகத்தின் பொதுப் போக்குவரத்து ஆணையமான AD மொபிலிட்டியால் மவாகிஃப் அமைப்பின் கீழ் வழங்கப்படுகின்றன. DARB ஆப்ஸ் வழியாக நீங்கள் விலக்கு கோரிக்கையை தாக்கல் செய்யலாம்.

• உங்கள் UAE PASS-எ பயன்படுத்தி DARB அப்ளிகேஷனில் உள்நுழையவும்
• Darb டோல் கட்டண அபராதம் மற்றும் MAWAQIF பார்க்கிங் அபராதம் ஆகிய இரண்டிற்கும் குறைகள் மற்றும் விலக்குகளை உள்ளடக்கிய ‘Requests’ பிரிவுக்கு செல்லவும்.
• அதில் ‘ grievance/exemption’ வகையைத் தேர்ந்தெடுத்து, பின்னர் பிரிவில் ‘Fines’  என்பதைக் கிளிக் செய்யவும்
• இப்போது, நீங்கள் மறுப்பு தெரிவிக்க விரும்பும் அபராதத்தை அடையாளம் காணவும்.
• மேலும், சம்பவம் பற்றிய விவரங்களையும், அதற்கான காரணத்தையும் வழங்கவும்.
• அடுத்தபடியாக, புகைப்படங்கள் அல்லது ஆவணங்கள் போன்ற துணை ஆதாரங்களை இணைக்கவும்.
• விண்ணப்பத்தை சமர்ப்பிக்கவும்.
• சமர்ப்பித்ததும், உங்கள் பயன்பாட்டு நிலையைக் கண்காணிக்க குறிப்பு எண்ணைப் பெறுவீர்கள்.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel