நடப்பு ஆண்டான 2025-ம் ஆண்டின் முதல் காலாண்டில் மட்டும் சுமார் 5.31 மில்லியன் சர்வதேச சுற்றுலாவாசிகளை துபாய் ஈர்த்துள்ளதாக தெரிவிக்கப்பட்டுள்ளது. இது 2024 ஆம் ஆண்டின் முதல் மூன்று மாதங்களுடன் ஒப்பிடும்போது 3 சதவீதம் அதிகரிப்பைக் குறிப்பதாக பொருளாதாரம் மற்றும் சுற்றுலாத் துறை (DET) தெரிவித்துள்ளது.
இந்த நிலையான உயர்வு, 2024 ஆம் ஆண்டில் 18.72 மில்லியன் இரவு நேர பார்வையாளர்களுடன் 9% வளர்ச்சியைத் தொடர்ந்து, சுற்றுலாவில் துபாயின் தொடர்ச்சியான வேகத்தை ஆதரிக்கிறது என்றும் DET தெரிவித்துள்ளது. இது துபாயை ஒரு முன்னணி உலகளாவிய சுற்றுலா மையமாக தனது நிலையை தொடர்ந்து வலுப்படுத்தி, மற்றொரு சாதனை ஆண்டிற்கு களம் அமைப்பதாகவும் துறை கூறியுள்ளது.
சிறந்த மூல சந்தைகள்:
DET இன் படி, துபாய் 80 க்கும் மேற்பட்ட சந்தைகளில் தனிப்பயனாக்கப்பட்ட உத்திகள் மற்றும் செயல்பாடுகளுடன் பன்முகப்படுத்தப்பட்ட அணுகுமுறையைக் கொண்டுள்ளது. அவற்றில் துபாயின் முக்கிய சர்வதேச பார்வையாளர்களின் பட்டியல் பின்வருமாறு கொடுக்கப்பட்டுள்ளது:
- மேற்கு ஐரோப்பா: 1.15 மில்லியன் பார்வையாளர்கள் (22%)
- CIS & கிழக்கு ஐரோப்பா: 891,000 (17%)
- GCC: 772,000 (15%)
- தெற்காசியா: 752,000 (14%)
- MENA: 620,000 (12%)
- வடகிழக்கு & தென்கிழக்கு ஆசியா: 474,000 (9%)
- அமெரிக்கா: 374,000 (7%)
- ஆப்பிரிக்கா: 197,000 (4%)
- ஆஸ்திரேலியா: 78,000 (1%)
ஹோட்டல் துறை வளர்ச்சி:
துபாயின் மொத்த உள்நாட்டு உற்பத்தி (GDP) வளர்ச்சிக்கு சுற்றுலா மற்றும் விருந்தோம்பல் துறை தொடர்ந்து முக்கிய பங்காற்றியுள்ளதாகக் கூறப்படுகின்றது. குறிப்பாக, தங்குமிடம் மற்றும் உணவு சேவைகள் துறை 2024 ஆம் ஆண்டின் முதல் ஒன்பது மாதங்களில் 3.7% வளர்ச்சியடைந்து, 11.5 பில்லியன் திர்ஹம்ஸை எட்டியுள்ளது.
அதுமட்டுமில்லாமல், இந்தத் துறைகள் எமிரேட்டுக்கு அந்நிய நேரடி முதலீட்டை (FDI) ஈர்ப்பதில் முக்கிய பங்கு வகித்துள்ளன. 2024 ஆம் ஆண்டில், தொடர்ந்து நான்காவது ஆண்டாக பசுமைத் துறை FDI திட்டங்களை ஈர்ப்பதில் உலகின் சிறந்த இடமாக துபாய் தரவரிசைப்படுத்தப்பட்டதுடன், உணவு மற்றும் பானங்கள் (F&B) மற்றும் சுற்றுலாத் துறைகளில் உலகளவில் முதலிடத்தில் உள்ளது.
மேலும், கல்ஃபுட் (Gulfood 2025), அரபு ஹெல்த் (Arab Health), ரமலான் மற்றும் ஈத் விழாக்கள் மற்றும் துபாய் உலகக் கோப்பை, ஹீரோ துபாய் டெசர்ட் கிளாசிக் மற்றும் துபாய் டூட்டி ஃப்ரீ டென்னிஸ் சாம்பியன்ஷிப் போன்ற முக்கிய விளையாட்டு நிகழ்வுகள் உட்பட 2025 ஆம் ஆண்டின் முதல் காலாண்டில் துபாயில் நடந்த முக்கிய நிகழ்வுகளும் அதிக பார்வையாளர்களின் வருகைக்கு முக்கியக் காரணம் என்றும் கூறப்படுகிறது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
